5 dahilan kung bakit ayaw dumede ni baby

Maraming maaaring dahilan kung bakit ayaw dumede ni baby, matapos ang ilang buwang maayos na pagpapadede. Ang tawag dito ay breastfeeding strike. Kadalasan, ito ay senyales na may iba pang mas malalim na dahilan.

Baka mukhang gusto ni baby na dumede, ngunit bigla itong mawawalan ng gana o iiyak. Ang breastfeeding strike ay nangyayaring biglaan kung minsan, at gradually naman sa iba.

5 dahilan kung bakit ayaw dumede ni baby:

1. May pain o discomfort.

Baka si baby ay nagti-teething, may oral thrush, o may singaw kaya ayaw nitong dumede. May nararamdaman ding sakit sa pagdede kung may ear infection si baby. At kapag bagong bakuna ng sanggol, maaaring ang posisyon habang dumedede ay masakit para sa kaniya.

2. May sakit.

Nahihirapang huminga ang sanggol kung ito ay may sipon o barado ang ilong.

3. May nakaka-stress o nakaka-distract.

Kung overstimulated, madalas ma-delay ang pagpapasuso, o nawalay sa iyo nang matagal, ang ilan sa dahilan kaya ayaw dumede ni baby. Kung masyadong distracted ang sanggol ay maaaring hindi rin ito makadede.

4. Kakaibang amoy o lasa.

Kung nagbago ka ng ginagamit na sabon, shampoo, lotion, o pabango, baka manibago si baby at umayaw sa pagdede. Ang iyong mga kinakain, ang pagkakaroon ng buwanang dalaw, o ang pagiging buntis ulit, ay maaari ring makaapekto sa lasa ng iyong gatas at dahilan upang mag-breastfeeding strike si baby.

5. Kumonti ang iyong gatas.

Ang pag-gamit ng formula o pacifier nang madalas ay maaaring makahina ng supply ng iyong gatas. Maaari ring senyales ito na ikaw ay buntis ulit.

Alalahanin na hindi dahil ayaw na dumede ni baby ay ibig sabihin handa na itong mag-wean. Madalas ay natatapos din agad ang breastfeeding strikes.

Mga puwedeng gawin kapag ayaw dumede ni baby

Huwag panghinaan ng loob kung ayaw dumede ni baby. Huwag ding ma-guilty dahil hindi mo ito kasalanan.

Maging matiyaga habang naga-adjust sa feeding habit na ito ng iyong anak. Upang maiwasan ang pamamaga ng iyong breasts at ma-maintain ang iyong milk supply, patuloy na mag-pump ayon sa feeding schedule ni baby. Subukan itong ipainom sa kaniya gamit ang kutsarita, dropper, o feeding bottle.

Puwede ring:

• Subukan muli. Ilapit ang iyong nipple at subukang padedehen si baby. Kung ayaw niya, huminto at subukan muli matapos ang ilang oras.
• Ibahin ang feeding position. Kung barado ang ilong ni baby, hawakan siya nang patayo habang nagpapadede. Baka makatulong din kung isa-suction ang ilong ni baby bago magpadede.
• Tanggalin ang distractions. Subukang magpadede sa tahimik at madilim na lugar.
• I-cuddle si baby. Ang skin-to-skin contact ay maaaring maka-engganyo kay baby na dumede muli.
• Pahupain ang teething issues. Bago magpadede, kuskusin ang gilagid ni baby gamit ang basang washcloth o ang iyong daliri. Kung kinakagat ka ni baby habang siya ay dumedede, huwag masyado mag-react at ipasok ang daliri sa bibig ni baby upang matanggal ang suction.
• Obserbahan ang iyong sarili. May nagbago ba sa iyong routine? Stressed ka ba? May bagong iniinom na gamot? Nag-iba ba ang iyong diet? Nagpalit ka ba ng sabon o pabango? Buntis ka ba? Maaaring ito ang sanhi kaya ayaw dumede ni baby.

Kung matagal nang ayaw dumede ni baby, kung labis na umonti ang basang diaper niya kada araw, at kung nag-aalala sa paraan ng kanyang pagdede, kumonsulta sa kaniyang doktor.

Source: Mayo Clinic

Basahin: Pagpapasuso: Paano masigurong nagagawa itong mabuti