Matapos nga ang kanilang pananahimik ay nagbigay narin sa wakas ng pahayag ang mga magulang ng batang biktima ng Ateneo bully. Ayon nga sa kanilang statement, ang pananahimik sa naturang isyu kung saan binugbog ang kanilang anak ay napakahirap para sa isang magulang. Ngunit ito lang ang naisip nilang paraan para ma-protektahan ang kanilang minor na anak.
Ang kanilang panawagan sa publiko, imbis na kaawaan sana raw ay maging ehemplo ang kanilang anak ng isang bata na may good moral foundation. Ito raw ay dahil kahit nasaktan at nabugbog na pinili nitong huwag gantihan o labanan ang nanakit sa kaniya. Dahil ito sa mas pinili niya ang dignidad na may prinsipyo at nangibabaw ang moralidad nito.
Naglabas na ng statement ang magulang ng biktima ng ateneo bully na naging viral sa social media kamakailan lang.
“Our son was asked by the bully to make a choice. From the bully’s own words, “Ano ang gusto mo dignidad o bugbog?, — but in the bully’s definition, choosing “dignidad” was a far more degrading option, one that would subject our son to inhumane treatment and abuse.
“Thus, our son chose his true sense of dignity – choosing instead to be subjected to physical assault rather than surrender his self-respect. And that is what we are fighting for. Our dignity.”
Pinili rin nila na huwag pangalanan ang kanilang anak upang ito ay hindi matandaan bilang “bullied boy from Ateneo.” Ayon parin sa kanilang statement, ang kanilang anak ay hindi lang ang kaawa-awang bata na nakita ng mga tao sa video.
Higit pa rito, siya ay isang bata na may takot sa Diyos at nag-aaral ng mabuti para makakuha ng magandang grades at maka-graduate. Kaya naman hindi raw karapat-dapat sa kanilang anak ang dinanas nitong pambubully sa kamay ng kapwa niya estudyante.
Ngunit magkagunpaman, hindi raw papayag ang magulang ng biktima ng Ateneo bully na maapektuhan ang kanilang anak sa nangyari sa kaniya. Sisiguraduhin daw nila na ang sugat mula sa marahas na karanasan na ito ay maghihilom. At lalaki at magpapatuloy ang kanilang anak na may moralidad at may maayos na pag-uugali.
Hinikayat din nila ang iba pang biktima ng bullying na huwag sumuko at magsalita para sa kanilang karapatan at higit sa lahat huwag isusuko ang kanilang dignidad kahit kanino man.
“Let every bully know that you may crush every single bone in his body, but you can never, no matter how frustrating you try, take away his dignity. Let every bully know that there is justice, and that crimes against the innocent will not prosper. Let every bully know that there is a God who favors the humble and the weak.
“Our family has gone through a lot this past week, but we never lost hope. With this I say to all the children who had been bullied, and to all the parents whose child had been pushed against the wall, “never give up!” Let your voices be heard. Let us not give up the very essence of our being. Our dignity.”
Sa huli ay pinasalamatan ng magulang ng biktima ng Ateneo bully ang mga taong nagpakita ng pagmamahal at suporta sa kanilang anak. Sa mga doktor na nag-alaga at gumamot sa mga sugat na natamo niya na naging kanilang lakas na tumayo at ipaglaban ang tama.
Matapos naman ang imbestigasyong isinagawa ng Ateneo de Manila University ay naglabas na ito ng isang desisyon nai-kickout ang estudyanteng nambully sa kanilang anak. Kaugnay ito sa isang statement sa kanilang school handbook na nagsasabing ang pakikipag-away at pananakit ay paglabag sa patakaran ng eskwelahan na maaring maging dahilan ng pagpapaalis rito.
Napagdesisyunan din ng Philippine Taekwondo Association na kinabibilangan ng nasabing bully na isang rin black belter sa taekwondo na i-ban ito. At nirekomendang dumaan ito sa counseling at rehabilitation.
Narito ang kabuoan ng statement ng magulang ng biktima ng Ateneo bully:
Photo from GMA News
Sources: Philstar, GMA News
Basahin: Mag-aaral ng Ateneo high school nahuli sa video na binubugbog ang mga kaklase
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Press Releases
Shopping
Rewards
VIP Parents
