Epekto ng depresyon ng nanay sa anak maaring makaapekto sa overall development ng isang bata. Ito ay ayon sa isang psychiatrist.
Mababasa sa artikulong ito:
- Epekto ng depresyon ng nanay sa anak
- Pahayag ng eksperto
- Payo para sa mga nanay
Epekto ng depresyon ng nanay sa anak
Ayon sa isang propesor ng psychiatry na si Megan Smith, ang parental depression na nararanasan ng mga magulang ay hindi lang basta nakakaapekto sa kanilang performance at responsibility bilang magulang. Ito rin ay may epekto sa development ng kanilang anak at maaaring makaapekto rin sa kanilang buong buhay.
Paliwanag ni Smith na co-director rin ng Parenting Center sa Yale Medicine Child Study Center nangyayari ito sa sapagkat napipigilan ng depresyon ang isang magulang sa maraming bagay. Tulad ng napipigilan siya nitong magtrabaho ng maayos at mag-participate sa kaniyang komunidad. Higit sa lahat, pagiging maayos at responsableng magulang para sa kaniyang anak.
May ilang pag-aaral rin ang nakapagsabi na may matibay na ugnayan ang mental health status ng isang magulang sa development ng kaniyang anak. Sapagkat ang mga magulang na depressed ay mas mataas umano ang tiyansang magpakita ng negative parenting behaviors. Tulad ng pagiging abusive, hostile at neglectful sa kaniyang anak.
Kumpara sa mga magulang na hindi depressed, iba rin ang pakikitungo ng mga depressed parents sa kanilang mga anak. Ito ang dahilan kung bakit pati ang mga ito'y nakakaranas ng epekto ng depresyon na kanilang nararanasan.
Ayon nga kay Smith, ito ang ilan sa mga epekto ng depresyon ng nanay sa anakna kaniyang naitala mula sa mga kasong kaniyang nahawakan.
Photo by Alex Green from Pexels
1. Hindi nila nabibigyan ng quality time at special time ang kanilang anak.
Ang depressed parent ay hindi kasing lively o expressive sa pakikitungo sa kaniyang mga anak. Mapapansin ito kahit sa mga simple activities na ginagawa niya sa pang-araw-araw. Tulad na lang sa pagbabasa ng kuwento sa kaniyang anak. Hindi siya mas enthusiastic sa pagkukuwento. O kaya naman, hindi gumagamit ng iba’t ibang boses para maging mas entertaining ang kaniyang pagkukuwento. Ang epekto'y hindi nagiging quality o special ang bonding na kanilang ginagawa. Imbis na maging fun at special moment ito para sa kanilang anak, ang kanilang experience ay nagiging boring.
2. Naapektuhan niya ang socializing skills o pakikisalimuha ng anak sa iba.
Ang depressed parent ay mas gusto na mag-isa at umiiwas sa pakikisalimuha sa iba. Sa tinuturan niyang ito, nadadamay ang kaniyang anak. Kaya naman tulad niya'y nagiging limitado ang social networks ng kaniyang anak na nakakaapekto sa socializing at communication skills niya.
3. May tendency na hindi maging safe at healthy ang anak ng isang depressed parent.
Sanhi ng depression na nararanasan, mataas ang tiyansa na hindi makapag-concentrate ang isang depress na ina sa pangangailangan ng anak niya. Tulad na lamang sa tamang petsa ng pagbabakuna o check-up nito. O kaya naman ang paglalagay rito sa car-seat sa tuwing aalis sila. Sapagkat masyado siyang pre-occupied sa mga bagay na gumugulo sa kaniya at nawawala na isip niya na mabigyan ng pansin ang anak niya.
4. Poor performer sa school ang batang may magulang na depress.
Base sa ilang pag-aaral, napag-alaman na ang mga batang may magulang na depress ay hindi nag-peperform ng maayos sa school. Una, dahil walang magulang na gumagabay sa kanila sa pag-aaral. Walang nag-aasikaso sa kanila papasok sa school. Tulad ng kanilang magulang ay wala rin silang tamang konsentrasyon na intindihin ang mga bagay sa paligid nila.
BASAHIN:
Overprotective na magulang: 4 signs na nagiging O.A. na parent ka na
Mga katangian ng mabuting magulang na dapat taglayin ng bawat isa sa atin
5 bagay na sinasabi ng magulang na nakakasira ng mental health ng bata
Photo by Ketut Subiyanto from Pexels
5. Sakitin ang mga batang may magulang na depress.
Dahil sa depression na nararanasan ng magulang ng isang bata'y napapabayaan na nito ang kaniyang sarili. Nariyan na hindi siya makatulog o makakain ng maayos. Dito maaring madamay ang kaniyang anak. Lalo na ang maliit pa na bata na umaasa sa pag-aasikaso ng magulang niya.
Paano malulunasan ang depresyon na nararanasan ng isang magulang?
Payo ni Smith, dapat mabigyan ng pansin o magamot agad ang inang nakakaranas ng depresyon. Upang maiwasan na maapektuhan nito ang kaniyang anak. Ayon sa mga pag-aaral, ang psychotherapy ang isa sa mga paraan upang malunasan ang depresyon na nararanasan ng isang magulang. Ginagawa ito sa pamamagitan ng cognitive behavioral therapy na kung saan nilalayong alisin ang mga negative thoughts ng depress patient. Saka palitan ito ng mga positive thoughts na mag-aayos at mag-aalis ng depresyon na kaniyang nararamdaman. Pahayag ni Smith,
“CBT is one of the most effective forms of psychotherapy because it focuses on building skills around managing thoughts and behaviors.”
Makakatulong din umano na magkaroon ng therapy sessions ang depress na magulang kasama ang kaniyang anak. Upang makapag-bonding sila at magkaroon pa ng mas matibay na attachment sa isa’t isa. Sa ganitong paraan ay nagkakaroon sila ng oras na magkasama at mas tumitibay ang parent-child relationship nila.
Paano ito maiiwasan at malalampasan?
Photo by Kamaji Ogino from Pexels
May mga paraan ding maaring gawin ang isang magulang upang maiwasan at malampasan ang depression. Ang ito'y ang mga sumusunod:
- Huwag magdalawang-isip na humingi ng tulong sa iba.
- Maging realistic sa mga dapat mong asahan tungkol sa sarili, paligid at sa mga taong iyong nakakasama.
- Gumawa ng mga light exercises tulad ng paglalakad-lakad.
- Isipin na may mga araw talaga na mabuti at may mga araw naman na masama.
- Kumain ng masusustansyang pagkain at iwasan ang alcohol na inumin at caffeine.
- Patibayin ang relasyon sa iyong partner at anak. Siguraduhing magkaroon kayo ng oras sa isa’t-isa.
- Huwag i-isolate ang iyong sarili. Tumawag o makipagkita sa iyong mga kaibigan o kapamilya.
- Magpahinga at matulog ng sapat.
Mahalagang mapanatili ang maayos na kalusugan ng isang babaeng o magulang. Ito ay upang maibigay niya rin ng maayos ang pangangalaga na kailangan ng kaniyang anak.
Source:
Yale Medicine, ncbi, camh
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
