STUDY: Sobrang paggamit ng social media, nakakasama raw sa mga kabataan

STUDY: Sobrang paggamit ng social media, nakakasama raw sa mga kabataan

Alamin ang natuklasan sa isinagawang bagong pagsusuri sa epekto ng social media sa kabataan at ang mga maaaring paraan upang matulungan sila.

Isang bagong pagsusuri ang isinagawa sa UCL Great Ormond Street Institute of Child Health. Layunin ng pagsusuri na malaman ang epekto ng social media sa kabataan. Bago pa ang pagsusuring ito, ang paggamit ng social media ay nauugnay sa depression ng mga teenage na babae. Ngayon, kanilang natagpuan na maskumplikado pa ito.

Ano ang epekto ng social media sa kabataan?

Ang pagsusuri ay na-publish sa The Lancet Child & Adolescent Health na journal.

Nasa 10,000 na teenagers mula 13 hanggang 16 na taong gulang mula England ang lumahok sa bagong pagsusuri tungkol sa epekto ng social media. Ang mga lumahok ay kinuhanan ng panayam kada-taon mula 2013 hanggang 2015. Sila ay tatanungin sa dalas ng kanilang paggamit ng mga social media tulad ng Facebook, Instagram, Twitter, Snapchat at Whatsapp. Kapag sila ay lumagpas sa tatlong beses sa isang araw, mabibilang ito na napakadalas na gumagamit. Subalit, hindi kabilang sa mga naitanong kung gaano sila katagal namamalagi sa mga social media na ito.

Sa taong 2014 at 2015, ang mga lumahok at itinanong ukol sa nararamdaman na psychological distress at kalagayan. Dito nakita na magkaiba ang epekto ng social media sa kabataan na lalaki at babae.

Epekto sa babae at lalaki

Natagpuan sa pagsusuri na parehong mga babae at lalaki ay nakakaranas ng psychological distress na nauugnay sa paggamit ng social media. Ganun pa man, mas nakikita ang epektong ito sa mga kababaihan. Ang nakikitang nagdudulot ng psychological distress sa mga kababaihan ay ang pagkakalantad sa cyber-bullying at nadudulot na kakulangan sa pahinga at ehersisyo.

Ayon sa co-author ng pagsusuri na si Russel Viner, napapakita ng kanilang pagsusuri na hindi nakakasama ang social media. Ngunit, ang madalas na paggamit nito ay makakahadlang sa mga aktibidad na makakabuti sa katawan. Napapadami din nito ang pagkakalantad sa mga negatibong bagay tulad ng cyber-bullying. Ito ang mga bagay na nakakasama sa kalagayan at mental health ng mga kababaihan.

Para sa mga lalaki, ang nagdudulot ng epekto sa kanilang mental health ay nakikitang iba ang rason. Ngunit, hindi pa ito matukoy ng mga mananaliksik. Dahil dito, kakailanganin pa nila ng masmalalim na pananaliksik.

Pagtulong sa mga teenagers

Ayon sa propesor ng Clinical Psychology ng University of Surrey na si Bob Patton, hindi sapat ang pagbawas sa oras ng paggamit ng social medial. Sa halip, kailangang makabuo ng mga istratehiya upang mapatibay ang mga teenagers laban sa cyber-bullying. Kailangan ding itangkilik ang pagpapahinga at pageehersisyo upang mapababa ang mga negatibong epekto ng socual media.

Iminumungkahi ng pagsusuri na hindi ang paggamit ng social media ang nagdudulot ng prublema ngunit ang mga laman nito. Ang mga negatibong nilalaman nito ay nakaka-apekto sa mental health na nagiging dahilan upang kulangin sa pahinga at ehersisyo ang mga teenagers. Kung makontrol ang mga negatibong laman, maaaring masmataguyod ang positibong layunin ng social media, ang magkaroon ng pakikipag-ugnayan sa isa't isa.

Source: CNN Health

Basahin: Ito ang dahilan kung bakit hindi dapat gaanong nagshe-share sa social media

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner