X
theAsianparent Philippines Logo
theAsianparent Philippines Logo
EnglishFilipino
Product GuideSign in
  • Building a BakuNation
  • Para Sa Magulang
    • Nagplaplanong Magbuntis
    • Pagbubuntis
    • Pangaganak
    • Nawalan ng baby
    • Project Sidekicks
  • Anak
    • Newborn
    • Sanggol
    • Toddler
    • Pre-Schooler
    • Bata
    • Pre-Teen At Teen
  • Pagpapalaki ng anak
    • Gabay ng Mga Magulang
    • Balita
    • Relasyon
  • Kalusugan
    • Mga sakit
    • Allergies at mga kundisyon
    • Mga Bakuna
  • Edukasyon
    • Preschool
    • K-12
    • Edukasyon ng special children
  • Lifestyle
    • Mga kilalang tao
    • Contest at promotions
    • Bahay
    • Bakasyon
    • Fashion
    • Fitness
    • Wellness
    • Pinansyal
  • VIP Community
  • Pandemya ng COVID-19
  • Press Releases
  • TAP Picks
  • Shopping
  • Awards
    • Parents' Choice Awards 2023

9 na mabisang halamang gamot sa lagnat

9 min read

Dahil pasimula na naman ang malamig na panahon, maaari muling maging vulnerable ang ating mga anak at tayo mismo sa iba’t ibang sakit tulad ng sipon, ubo, lagnat, o trangkaso.

Mababasa sa artikulong ito:

  • Sintomas ng lagnat
  • Halamang gamot sa lagnat
  • Home remedy para sa lagnat

Mabuti nang maging handa at maalam sa mga paraan at gamot na mabisang lunas para sa lagnat. Pinakabisa man ang pagkonsulta sa doktor, mayroon ding mga home remedy para sa lagnat at halamang gamot sa lagnat na maaari niyong subukan.

Lalo na kung simpleng ubo, sipon, at lagnat lang naman ito at hindi senyales ng mas malalim na kundisyon. Paano bumaba ang lagnat ng iyong anak o ng kahit sinong miyembro ng pamilya?

9 na mabisang halamang gamot sa lagnat

Photo by Polina Tankilevitch from Pexels

Talaan ng Nilalaman

  • Mga sintomas ng lagnat
  • Mga maaaring sanhi ng lagnat
  • Halamang gamot sa lagnat
  • Home remedy para sa lagnat
  • Kailan dapat pumunta sa doktor
  • Matapos gumaling sa lagnat, narito ang dapat gawin

Mga sintomas ng lagnat

Ang lagnat o fever sa Ingles ay isang karamdaman kung saan umiinit o tumataas ng temperature ng iyong katawan. Isa ito sa pinaka-obvious na sintomas ng pagkakaroon ng lagnat.

Ang pangkaraniwang temperature ng katawan ay nasa 37 °C. Ang low-grade fever ay kung ang temperature ng katawan ay nasa 37.8 hanggang 39 °C. Nasa high-grade fever naman kung ang temperature ng katawan ay nasa 40 °C.

Maaari ka ring magkaroon ng mga sumusunod na sintomas:

  • Panlalamig
  • Sakit ng ulo
  • Pananakit ng katawan o muscles
  • Pamamawis
  • Panghihina
  • Kapaguran o fatigue
  • Dehydration
  • Kawalan ng gana sa pagkain
  • Madaling mairita o irritability
  • Madalas inaantok o natutulog

Mga maaaring sanhi ng lagnat

Maaaring akala mo ay biglaan ang iyong pagkakasakit at waland ideya kung bakit ka nilalagnat. Maraming posibleng sanhi ang pagkakaroon nito, mula sa isang simpleng impeksyon lamang hanggang sa mas malalang kondisyon.

Kaya naman mabuting kumonsulta pa rin sa doktor kahit na may mga halamang gamot sa lagnat at home remedy para sa lagnat.

Narito ang mga maaaring sanhi ng pagkakaroon ng lagnat:

  • Pulmonya
  • Tigdas
  • Trangkaso
  • Dehdyration o kakulangan ng tubig sa katawan
  • Sobrang pagkakabilad sa araw o init
  • Pagkabasa sa ulan
  • Bulutong
  • Impeksyon sa isang parte ng katawan
  • Virus

Maaari rin itong sanhi ng:

  • Side effects ng bakuna
  • Epekto ng ininom na gamot
  • Autoimmune disease at inflammatory disorders

Halamang gamot sa lagnat

Ayon kay Herbalist Arnold Pesit sa isang Salamat Dok episode ng ABS-CBN, mayroong mga mabisang halamang gamot sa lagnat na maaaring subukan.

  1. Luya

9 na mabisang halamang gamot sa lagnat

Photo by Engin Akyurt from Pexels

Ito ay makakatulong para maibsan ang lagnat, sipon, ubo, at pagtatae. Dikdikin lamang at pakuluan ang dahon nito. Inumin ang tsaa, tatlong beses sa isang araw.

  1. Lagundi

Ang Lagundi ay mabisang halamang gamot sa lagnat, trangkaso, at hika. Iniinom ito bilang tsaa, tatlo hanggang limang beses sa isang araw.

  1. Basil

Ang Basil ay maaaring itanim sa iyong bakuran, hindi lamang para sa pagluluto kundi bilang lunas din sa lagnat. Dahil sa antibiotic properties nito, mabisa itong magpababa ng lagnat.

Maaaring gumawa ng basil tea at inumin ito dalawa hanggang tatlong beses sa isang araw.

  1. Bawang

9 na mabisang halamang gamot sa lagnat

Photo by Isabella Mendes from Pexels

Dahil sa antibacterial at antiviral properties ng Bawang, mainam ito sa pagpapababa ng temperatura ng iyong katawan. Inilalabas rin nito ang toxins sa iyong katawan at naguudyok ng pagpapawis.

Kumuha lamang ng isang garlic clove at tadtadrin ito. Dagdagan ng isang baso ng mainit-init na tubig. Hayaan ito ng sampun minuto bago inumin. Inumin ito dalawang beses sa isang araw.

Mabisang halamang gamot sa lagnat ito ngunit hindi inirerekomenda sa mga bata at mga nagbubuntis.

  1. Catnip

Tama, hindi lamang ito para sa mga pusa! Dahil naguudyok ito ng pagpapawis, mainam din daw itong lunas laban sa lagnat. Maaari itong gawing salad o tsaa.

  1. Tanglad o Lemongrass

Ginagawang tsaa ang dahon nito upang lunas sa lagnat, ubo, at sipon. Kailangan lamang ng isang baso ng kumukulong tubig, at lagyan ng lima hanggang anim na fresh leaves nito.

lemon grass
Partner Stories
Show Your Real Love with these Amazing Bonding Times with Your Little One
Show Your Real Love with these Amazing Bonding Times with Your Little One
Mossimo x Mind You Rally to #EndTheStigma for Mental Health
Mossimo x Mind You Rally to #EndTheStigma for Mental Health
Leukemia: What you need to know
Leukemia: What you need to know
The challenges of being a shopaholic as a new mom
The challenges of being a shopaholic as a new mom

Larawan mula sa Shutterstock

  1. Niyog-niyogan or rangoon creeper

Ito ay isang vine na karaniwang napagkakamalang niyog. Sa katunayan, maaari itong lunas sa intestinal parasites at mayroong deworming properties.

May kakayahan din itong gumamot ng lagnat, sakit ng ulo, ulcer, at diarrhea.

  1. Tawa-tawa or Asthma plant

Inirerekomenda ng Department of Health bilang mabisang lunas ang Tawa-tawa laban sa Dengue fever dahil sa kakayahan nitong magpataas ng blood platelet count at panatilihin ang upper respiratory ng isang tao.

  1. Banaba

Ito ay isang halamang gamot sa lagnat na maaari ding maging lunas para sa diabetes, kidney failure, at obesity.

BASAHIN:

#AskDok: Paano malalaman kung may lagnat ang bata?

10 pagkain na pampalakas ng resistensya kapag may lagnat

May lagnat ang anak? 7 na dapat gawin para mapababa ang temperature nito

Home remedy para sa lagnat

9 na mabisang halamang gamot sa lagnat

Photo by Andrea Piacquadio from Pexels

Maliban sa mga halamang gamot sa lagnat, mayroon ding mga home remedy na maaaring gawin kung paano mapababa ang lagnat.

  1. Magpahinga

Ang pagkakaroon ng lagnat ay isang senyales ng iyong katawan na ito ay mayroong nilalabanang sakit o impeksyon. Mabuting magpahinga muna o limitahan ang physical activity.

Importante and pagkakaroon ng walo hanggang siyan na oras ng tulog. Iwasan din muna ang strenuous activities tulad ng pag-eehersisyo.

  1. Damihan ang pag-inom ng fluids

Upang maiwasan ang dehydration, panatilihin ang fluid sa iyong katawan sa pamamagitan ng pag-inom ng tubig o kaya naman ng natural juice, sports drinks, sopas o sabaw, o decaffeinated na tsaa.

  1. Maligo ng maligamgam na tubig

Maligo sa maligamgam na tubig upang makatulong sa pagpapababa ng temperatura ng iyong katawan.

  1. Mag-tepid bath

Ang tepid bath ay ang papunas sa iyong ulo o likod ng leeg ng malamig at basing punas. Gawin ito sa loob ng limang minute.

  1. Uminom ng over-the-counter medicines

Bilang paunang lunas, maaaring uminom ng OTC medicines tulad ng acetaminophen at ibuprofen para mabawasan ang lagnat.

Tandaan ang wastong dosis, at huwag silang gamitin kasama ng iba pang mga gamot na nagpapababa ng lagnat. Mag-ingat din sa pagpapainom ng OTC medicines sa bata at buntis.

  1. Magsuot ng komportableng pananamit

Hindi kinakailangan ang pagsuot ng maraming t-shirt o jacket at pagbaon sa ilalim ng maraming kumot, maliban na lamang kung ikaw ay mayroong panginginig.

  1. Panatilihin ang malamig na temperatura

  2. Regular na i-check ang iyong temperatura

I-record at regular na kuhanan ang sarili ng temperatura para malaman kung bumubuti nga ba ang iyong kundisyon o hindi. Magiging importanteng batayan ito kung ikaw ay dapat na bang magpatingin sa doktor.

Kailan dapat pumunta sa doktor

Pinapaalalahanan ang lahat na ang mga halamang gamot sa lagnat o home remedy para sa lagnat ay napatunayan man ng ilan na mabisa, importante pa rin ang pagkonsulta sa doktor.

Agad na tawagan o magpunta sa iyong doktor kung ikaw ay nakararanas ng mga sumusunod:

  • Matinding sakit ng ulo
  • Sensitibo sa liwanag
  • Pantal sa balat
  • Temperatura na nasa 39 C pataas
  • Stiff neck
  • Hirap sa paghinga
  • Pananakit ng dibdib
  • Pagkalito
  • Pagsusuka
  • Pananakit habang umiihi
  • Sakit sa tiyan
  • Kombulsyon o seizures
9 na mabisang halamang gamot sa lagnat

Larawan mula sa Shutterstock

Ang doktor ay maaaring magtanong tungkol sa iyong mga sintomas at medical history. Maaari rin itong magsagawa ng physical exam o magbigay ng mga tests na kailangan mong gawin tulad ng chest X-ray o blood tests.

Sa mas malalang kaso, maaari kang i-admit sa ospital para sa karagdagang testing, surveillance at treatment.

Habang naghihintay, mainam din na maging handa sa impormasyon na maaaring tanungin ng iyong doktor tulad ng:

  • Kailan nagsimula ang lagnat?
  • Mayroon bang ibang sintomas o nararamdaman?
  • Mayroon ka bang chronic health condition?
  • Anu-ano ang mga medication na karaniwang mong iniinom?
  • Ikaw ba ay may exposure sa taong may sakit?
  • Ikaw ba ay sumailalim sa isang surgery kamakailan lamang?
  • Nanggaling ka ba sa ibang bansa kamakailan lamang?
  • Mayroon bang nagpabuti ng iyong pakiramdam o sintomas?
  • Mayroon bang nagpalala ng iyong kondisyon o pakiramdam?

Narito naman ang mga maaari mong itanong sa iyong doktor.

  • Anu o bakit ka nakararanas ng hindi karaniwang lagnat?
  • Mayroon bang mga tests o procedures na kailangan?
  • Anu-anong mga gamot o treatment ang kaniyang inirerekomenda?
  • Maaari bang kumuha ng generic alternative para sa mga iniresetang gamot?
  • Anu-ano ang mga maaaring pandagdag na home remedy kung ikaw ay papayagan nang umuwi?

Matapos gumaling sa lagnat, narito ang dapat gawin

Matapos gumaling sa lagnat, lalo na kung hindi naman ito sanhi ng malalang kundisyon, mabuting alalahin ang mga sumusunod:

  • Maghugas ng kamay at turuan din ang iyong mga anak. Maghugas lalong-lalo na bago kumain, pagkatapos gumamit ng palikuran, kung galing sa mataong lugar o sa ospital, pagkatapos humawak ng alagang hayop, at kung ikaw ay gumamit ng pampublikong transportasyon.
  • Turuan ang iyong anak sa tamang paraan ng paghuhugas ng kamay. Dapat ay nahuhugasan ang harap at likod ng bawat kamay at maayos din itong nababanlawan.
  • Kung ikaw naman ay walang access sa sabon at tubig, mabuting magdala lagi ng hand sanitizer, alcohol, o kaya naman ay wet wipes.
  • Wag hawakan ang ilong, bunganga, o mata kung hindi pa nakakapaglinis ng kamay dahil maaari itong pasukan ng virus o bacteria na magiging sanhi ng impeksyon.
  • Iwasan ang pagbabahagi ng mga baso, water bottles, utensils at iba pang maaaring makahawa sa sarili o sa iba.

Hindi alintana kung paano mo tutugunan ang iyong lagnat ngunit mahalaga na tama ang impormasyon na mayroon ka tungkol dito at handing humingi ng tulong sa doktor kung lumala man ang iyong mga sintomas o pakiramdam.

Sa mga kaso ng mataas o patuloy na lagnat, o lagnat na sinamahan ng malalang sintomas, dapat kang humingi ng medikal na atensyon.

Kung ang iyong lagnat naman ay may kaakibat na iba pang sintomas, mabuti ring sumangguni ng mga panglunas para dito tulad ng para sa sipon o ubo.

 

 

Unilab, Healthline, Mayo Clinic, Mayo Clinic Network, Vicks

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerekomenda naming magpakonsulta sa doktor upang makakuha ng mas malinaw na impormasyon.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

img
Sinulat ni

Margaux Dolores

Maging Contributor

Inedit ni:

Marhiel Garrote

  • Home
  • /
  • Kalusugan
  • /
  • 9 na mabisang halamang gamot sa lagnat
Share:
  • Hot Weather Health Risks For Pregnant Moms: What You Need To Know

    Hot Weather Health Risks For Pregnant Moms: What You Need To Know

  • 12 sanhi ng masakit na puson kahit wala namang regla

    12 sanhi ng masakit na puson kahit wala namang regla

  • 11 natural at mabisang gamot para sa buni o ringworm

    11 natural at mabisang gamot para sa buni o ringworm

  • Hot Weather Health Risks For Pregnant Moms: What You Need To Know

    Hot Weather Health Risks For Pregnant Moms: What You Need To Know

  • 12 sanhi ng masakit na puson kahit wala namang regla

    12 sanhi ng masakit na puson kahit wala namang regla

  • 11 natural at mabisang gamot para sa buni o ringworm

    11 natural at mabisang gamot para sa buni o ringworm

Makakuha ng regular ng payo tungkol sa pagbubuntis at paglaki ni baby!
  • Pagbubuntis
    • Unang trimester
    • Pangalawang trimester
    • Pangatlong trimester
  • Gabay ng Mga Magulang
    • Safety ng bata
    • Payo sa pagpapalaki ng anak
    • Payo para sa mga magulang
    • Gamit ng sanggol
  • Relasyon
    • Mag-asawa
    • Biyenan
    • Kasambahay
  • Pagpapasuso at formula
    • Tamang pagpapasuso
    • Pag-pump at pag-imbak ng gatas
    • Formula
  • More
    • TAP Community
    • Advertise With Us
    • Contact Us
    • Maging Contributor


  • Singapore flag Singapore
  • Thailand flag Thailand
  • Indonesia flag Indonesia
  • Philippines flag Philippines
  • Malaysia flag Malaysia
  • Sri-Lanka flag Sri Lanka
  • India flag India
  • Vietnam flag Vietnam
  • Australia flag Australia
  • Japan flag Japan
  • Nigeria flag Nigeria
  • Kenya flag Kenya
© Copyright theAsianparent 2023. All rights reserved
About Us|Team|Privacy Policy|Terms of Use |Sitemap HTML
  • Tools
  • Articles
  • Feed
  • Poll

Gumagamit kami ng cookies upang matiyak ang iyong magandang karanasan. Matuto paOk, nakuha ko

Gumagamit kami ng cookies upang matiyak ang iyong magandang karanasan. Matuto paOk, nakuha ko

theAsianparent heart icon
Nais naming magpadala ng notification sa'yo tungkol sa latest news at lifestyle update.