X
theAsianparent Philippines Logo
theAsianparent Philippines Logo
EnglishFilipino
  • Building a BakuNation
  • Para Sa Magulang
    • Nagplaplanong Magbuntis
    • Pagbubuntis
    • Pangaganak
    • Nawalan ng baby
    • Project Sidekicks
  • Tungkol sa Anak
    • Sanggol
    • Preschooler
    • Preteen at Teenager
    • Toddler Years
    • Bata
  • Pagpapalaki ng anak
    • Gabay ng Mga Magulang
    • Balita
    • Relasyon
  • Kalusugan
    • Mga sakit
    • Allergies at mga kundisyon
    • Mga Bakuna
  • Edukasyon
    • Preschool
    • K-12
    • Edukasyon ng special children
  • Lifestyle
    • Mga kilalang tao
    • Contest at promotions
    • Bahay
    • Bakasyon
    • Fashion
    • Fitness
    • Wellness
    • Pinansyal
  • VIP Community
  • Pandemya ng COVID-19
  • Press Releases
  • TAP Picks
  • Shopping

Wala pang confirmed cases ng novel coronavirus sa Pilipinas, paglilinaw ng DOH

6 min read
Wala pang confirmed cases ng novel coronavirus sa Pilipinas, paglilinaw ng DOHWala pang confirmed cases ng novel coronavirus sa Pilipinas, paglilinaw ng DOH

DOH handa sa pagdating ng novel coronavirus sa bansa. Pero paalala nila sa publiko maging vigilante at umiwas sa pagkakaroon ng sakit.

Paano nga ba maiiwasan ang coronavirus at ang mga sintomas ng sakit na dapat bantayan ayon sa DOH.

2019-nCov sa Pilipinas

Dahil sa patuloy na pagtaas ng bilang ng mga taong infected ng novel coronavirus o 2019-nCov, hindi maiwasang mag-alala ng mga Pilipino. Mas nadagdagan pa ang pag-aalalang ito matapos mabalitaang ilang Chinese mula sa Wuhan, China ang nagdadatingan ngayon sa bansa. Ang Wuhan ang lugar kung saan nagsimula umano ang sakit na tumama na sa higit 600 na tao sa ngayon. Karamihan sa mga biktimang ito ay nasa Wuhan, habang ang iilang kaso ay napabalitang nasa Japan, Hong Kong, Macau, South Korea, Taiwan, Thailand at United States.

Paano maiiwasan ang coronavirus

Image from AFP

5-anyos na batang hinihinalang may novel coronavirus

Nitong nakaraang araw ay nabalita ang kaso ng isang 5-anyos na batang lalaki sa Cebu na hinihinilang nagtataglay ng sakit. Ayon sa mga report, sa mismong araw ng pagdating ng bata dito sa Pilipinas noong January 12 kasama ang kanyang ina ay nagpakita na ito ng sintomas ng novel coronavirus. Dahilan upang dalhin agad ang bata sa ospital at matignan.

Base sa mga test results ng RITM o Research Institute for Tropical Medicine, negatibo ang bata sa nakakamatay na uri ng coronavirus na SARS at MERS. Ngunit ito ay nag-positibo sa isang uri ng coronavirus na hindi pa natutukoy. Kaya naman para makasigurado ay pinadala ang specimen ng bata sa Australia upang mas mapag-aralan. Sa ngayon, ay bumubuti na umano ang kalagayan ng bata. Ngunit hinihintay pa ang resulta ng test na ipinadala sa Australia upang siya ay mapayagang makalabas.

Ang bata kasama ang kanyang ina ay nagmula umano sa Wuhan, China. Sila ay nandirito sa Pilipinas para sa pag-aaral ng bata ng salitang Ingles.

Nag negatibo sa coronavirus ang ikalawang sample na nakuha sa bata mula China na naka-quarantine sa Cebu. Pero pagdidiin ng Department of Health, kailangan makasiguro at hintayin muna ang resulta ng test sa unang sample na pinadala sa Australia. https://t.co/r0SBVwqSqY

— GMA News (@gmanews) January 23, 2020

Pamilya ng Hongkong national na positibo sa sakit nakapasok ng Pilipinas

Samantala, base naman sa isang news report ng South China Morning Post, apat na miyembro ng pamilya ng 56-anyos na lalaking nag-positibo sa 2019-nCov sa Hongkong ang bumyahe papunta dito sa Pilipinas.

Sila ay sakay umano ng Cebu Pacific flight 5J111 na umalis sa Hongkong noong January 23 ng tanghali.

Base parin sa ulat ng Hongkong-based newspaper, may scheduled flight na sana ang 56-anyos na lalaki kasama ang kanyang pamilya papunta ng Pilipinas. Ngunit sa airport ay naharang ang lalaki sapagkat ito ay may lagnat na isa sa pangunahing sintomas ng sakit. Pinayagang makasakay ng eroplano at makaalis ang kanyang asawa, dalawang anak at mother-in-law.

Pahayag ng nasakyang airline ng pamilya

Dahil sa natanggap na balita ay nakipag-ugnayan ang awtoridad sa airline na sinakyan ng pamilya ng biktima. Pahayag ng airline, lumapag na sa Pilipinas ang flight na sinasakyan ng pamilya ng lalaki. Dumating sila sa bansa noong Miyerkules, January 23, 1:32 ng hapon. Ngunit pagsisiguro nila, lahat ng pasahero at crew sa nasabing flight ay na-screen ng Bureau of Quarantine nang dumating sa NAIA Terminal 3 sa Maynila. Wala ni isa sa kanila ang kinakitaan ng sintomas ng sakit.

“All passengers and the crew aboard the flight were screened by the Bureau of Quarantine upon arrival in Manila, and none of them were held for further observation.”

Ito ang pahayag ng airline company. Dagdag pa nila ay na-disinfect na rin nila ang aircraft na pinagsakyan ng pamilya ng 56-anyos na lalaking mula Hongkong.

“We have also disinfected the aircraft following our standard practice for all inbound international flights. We are closely monitoring the spread of the Wuhan virus, and have precautionary measures in place for our flights.”

Bureau of Quarantine, naka-heightened alert sa mga paliparan at pantalan dahil sa Novel Coronavirus o N-Cov. Sa NAIA Terminal 1, nagdagdag ng mga thermal scanners at mahigpit ang pagbabantay sa temperatura ng mga dumarating na pasahero. | via @_jamesJApic.twitter.com/eLTvEXVm5y

— GMA News (@gmanews) January 21, 2020

Hinihinilang kaso ng novel coronavirus sa Bohol

Businesswoman standing outdoors in city office building Free Photo

Samantala, ayon naman kay Bohol Acting Governor Rene Relampagos ay may dalawang hinihinilang kaso ng sakit sa kanilang probinsya. At ito ay parehong Chinese nationals na nakunan na ng samples upang mapag-aralan. Bagama’t dagdag ni Relampagos, ang dalawang hinihilang biktima ng sakit ay pinayagang makalabas ng ospital at makauwi.

DOH: Wala pang kumpirmadong kaso ng novel coronavirus sa bansa

Sa kabila ng mga balitang ito ay nilinaw ng Department of Health na wala pang kumpirmadong kaso ng novel coronavirus sa Pilipinas. Gamit ang kanilang Twitter account ay naglabas ng pahayag ang ahensya partikular na sa kaso ng 5-taong batang na-ospital sa Cebu.

DOH clarifies that, to date, there remains to be no confirmed cases of 2019-nCoV in the Philippines. DOH is currently awaiting the results of the confirmatory test. pic.twitter.com/nEcvjet1nI

— Department of Health (@DOHgov) January 23, 2020

Ayon naman kay DOH Undersecretary Eric Domingo, kung mapasok man ng novel coronavirus ang bansa, sinisigurado niyang “fully prepared” ang ahensya para dito.

Pero sa kabila nito ay pinaalalahanan pa rin ng ahensya ng publiko na maging vigilant laban sa sakit. Kung makaramdam ng sintomas ng novel coronavirus tulad ng lagnat, ubo, sipon at hirap sa paghinga ay magpatingin na agad sa doktor. Lalo na kung nanggaling o nagkaroon ng contact sa mga taong nanggaling sa mga bansang naiulat na may kumpirmadong kaso ng sakit.

Paano maiiwasan ang coronavirus

Nagbahagi rin sila ng mga paraan kung paano maiiwasan ang coronavirus. Ito ay ang mga sumusunod:

  • Pag-praktis ng proper hygiene tulad ng palaging paghuhugas ng kamay.
  • Pagtakip sa ilong at bibig kapag umuubo o bumabahing.
  • Pagsusuot ng N95 mask kung lalabas sa matataong lugar.
  • Pagluluto ng pagkain ng maayos lalo na ng mga karne ng hayop na pinaniniwalaang pinagmulan ng sakit.
  • Pag-iwas sa unprotected contact sa mga farm o wild animals.
  • Hindi muna pagpunta o pagbisita sa mga lugar na may kumpirmadong kaso ng sakit.
  • Pag-iwas sa mga taong may sakit.

Paano maiiwasan ang coronavirus

Samantala, ayon sa pinaka-latest na balita, sinuspende na ang lahat ng flights mula Wuhan, China papasok ng Pilipinas. Pati na rin ang mga flights mula Pilipinas pabalik ng Wuhan. Ayon sa Civil Aeronautics Board o CAB, ito ang kanilang unang hakbang para ma-kontrol ang pagkalat ng sakit sa bansa.

SOURCES: South China Morning Post, GMA News, CNet, The Philippine Star, Rappler

BASAHIN: Coronavirus: Sanhi, sintomas at paano ito iiwasan, Coronavirus: Kumpirmadong maaaring mahawa sa taong may sakit na ito, Coronavirus: Sakit mula China maaaring kumalat worldwide ayon sa WHO

Partner Stories
Pagdating sa Gatas ni Anak, Choose Wisely!
Pagdating sa Gatas ni Anak, Choose Wisely!
Fun gadget-free tips on how to spend quality time with kids
Fun gadget-free tips on how to spend quality time with kids

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

img
Sinulat ni

Irish Mae Manlapaz

Maging Contributor

  • Home
  • /
  • Pandemya ng COVID-19
  • /
  • Wala pang confirmed cases ng novel coronavirus sa Pilipinas, paglilinaw ng DOH
Share:
  • ALAMIN: Listahan ng mga bansa na may confirmed cases ng coronavirus

    ALAMIN: Listahan ng mga bansa na may confirmed cases ng coronavirus

  • Paano mo mapoprotektahan si baby sa novel coronavirus?

    Paano mo mapoprotektahan si baby sa novel coronavirus?

  • Sylvia Sanchez nangangamba sa paglipat ni Ria Atayde: "Pag bahay mo, hindi dapat maging tambayan."

    Sylvia Sanchez nangangamba sa paglipat ni Ria Atayde: "Pag bahay mo, hindi dapat maging tambayan."

  • Jamie Evangelista-Geisler kay Baron Geisler: “No one wants you here!”

    Jamie Evangelista-Geisler kay Baron Geisler: “No one wants you here!”

app info
get app banner
  • ALAMIN: Listahan ng mga bansa na may confirmed cases ng coronavirus

    ALAMIN: Listahan ng mga bansa na may confirmed cases ng coronavirus

  • Paano mo mapoprotektahan si baby sa novel coronavirus?

    Paano mo mapoprotektahan si baby sa novel coronavirus?

  • Sylvia Sanchez nangangamba sa paglipat ni Ria Atayde: "Pag bahay mo, hindi dapat maging tambayan."

    Sylvia Sanchez nangangamba sa paglipat ni Ria Atayde: "Pag bahay mo, hindi dapat maging tambayan."

  • Jamie Evangelista-Geisler kay Baron Geisler: “No one wants you here!”

    Jamie Evangelista-Geisler kay Baron Geisler: “No one wants you here!”

Makakuha ng regular ng payo tungkol sa pagbubuntis at paglaki ni baby!
  • Pagbubuntis
    • Unang trimester
    • Pangalawang trimester
    • Pangatlong trimester
  • Gabay ng Mga Magulang
    • Safety ng bata
    • Payo sa pagpapalaki ng anak
    • Payo para sa mga magulang
    • Gamit ng sanggol
  • Relasyon
    • Mag-asawa
    • Biyenan
    • Kasambahay
  • Pagpapasuso at formula
    • Tamang pagpapasuso
    • Pag-pump at pag-imbak ng gatas
    • Formula
  • More
    • TAP Community
    • Advertise With Us
    • Contact Us
    • Maging Contributor


  • Singapore flag Singapore
  • Thailand flag Thailand
  • Indonesia flag Indonesia
  • Philippines flag Philippines
  • Malaysia flag Malaysia
  • Sri-Lanka flag Sri Lanka
  • India flag India
  • Vietnam flag Vietnam
  • Australia flag Australia
  • Japan flag Japan
  • Nigeria flag Nigeria
  • Kenya flag Kenya
© Copyright theAsianparent 2022. All rights reserved
About Us|Team|Privacy Policy|Terms of Use |Sitemap HTML
  • Tools
  • Articles
  • Feed
  • Poll

Gumagamit kami ng cookies upang matiyak ang iyong magandang karanasan. Matuto paOk, nakuha ko

Gumagamit kami ng cookies upang matiyak ang iyong magandang karanasan. Matuto paOk, nakuha ko

theAsianparent heart icon
Nais naming magpadala ng notification sa'yo tungkol sa latest news at lifestyle update.