10 random acts of kindness na puwedeng ituro sa ating mga anak

10 random acts of kindness na puwedeng ituro sa ating mga anak

Ang paggawa ng kabutihan ay magdudulot ng kasaganaan sa mundo at sa ating pagkatao. Subukang ituro ang ilang random acts of kindness sa iyong pamilya.

Ang paggawa ng kabutihan sa kapwa ay itinuturo ng ating mga magulang sa bawat henerasyon. Isa itong magandang kaugalian ng pagkikipagkapwa-tao at pagtulong sa mga nangangailangan.

Nagdudulot din ito ng saya at kahinahunan sa ating mga kalooban kaya naman dapat itong sanayin na gawin sa araw-araw. Narito ang ilang paraan ng paggawa ng kabutihan sa kapwa na puwede nating ituro sa ating pamilya.

paggawa ng kabutihan sa kapwa

Ilang mabubuting bagay na maaari nating sanayin sa paggawa ng kabutihan sa kapwa
1. Pag-ngiti sa iba

Malaking bagay ang naidudulot ng pag-ngiti sa kapwa. Nakakapagpaganda ito ng mood ng isang tao, lalo na sa umaga. Hindi ba't mabuti kung sasanayin natin ito lagi? Simulan ito sa ating pamilya.

2. Pagbati

Sanayin ang sarili na bumati ng 'Magandang umaga/tanghali/hapon/gabi' araw-araw. Subukan itong gawin sa loob ng bahay kung hindi niyo ito kadalasang ginagawa sa inyong pamilya.

Mapupuna ang ganitong gawain sa mga empleyado ng mga restaurants, hotels, at iba pang public services. Nakakapagpasigla kasi ng mood ng isang tao ang madalas na pagbati at pag-ngiti araw-araw. Nakakawala ng bad vibes ng kapwa kapag binabati habang nakangiti.

3. Pag-alalay sa mga nakatatanda, buntis, at mga PWD

Bigyan ng prayoridad ang mga nakatatanda, buntis at mga PWD sa mga pampublikong lugar. Paunahin sila sa pila o alalayan kapag naglalakad. Ang mga ganitong pagtulong ay malaking bagay para sa paggawa ng kabutihan sa kapwa.

4. Pag-aalok at pagbibigay ng pagkain sa iba

Kung ikaw ay kumakain, subukang alukin ang iba na kumain. Maaari mo ring ibahagi ang anumang kinakain mo, lalo na kung pwede naman itong i-share. Simulan ito sa mga miyembro ng pamilya hanggang sa masanay na ring mag-share sa mga kaklase, kaibigan o katrabaho.

5. Pagsali sa mga charity event

Makibahagi sa mga charity event upang makatulong sa kapwa. Maaaring tumulong sa pamamagitan ng pagbibigay ng monetary donation, pamamahagi ng pagkain at anumang supplies.

Puwede ring mag-volunteer sa mga non-government organizations na tumutulong sa mga bahay ampunan, elderly home care, animal rescue centers, at mga rehabilitation centers.

6. Pag-donate ng dugo sa blood bank

Malaki ang pangangailangan ng dugo sa ating bansa kaya naman mabuting paraan ng pagtulong sa kapwa ang pagdodonate ng dugo sa mga blood bank kagaya ng Philippine Red Cross.

Sa mga nais magdonate, bisitahin lamang ang kanilang website at alamin ang mga requirements kung paano ito gagawin.

7. Kusang pagtulong sa mga gawaing bahay

Ang paggawa ng mga gawaing bahay ay hindi lamang natatapos sa loob ng iyong tahanan. Maaari mo rin itong gawin sa ibang lugar kagaya ng opisina, paaralan, o sa bahay ng ibang tao.

Ang simpleng pagtatangkap ng mga gamit o pagsisinop ng iyong pinagkainan ay isang halimbawa ng paggawa ng kabutihan sa kapwa.

8. Pagbubukas ng pinto para sa ibang tao o pag-aabot ng bayad ng iba sa pampublikong sasakyan

Simpleng kurtesiya ito ngunit malaking bagay sa ating kapwa. Ang ganitong kaugalian ay nananatili pa rin sa ating kultura kaya mainam na sanayin ang bawat miyembro ng pamilya sa pagpapanatili nito.

9. Paghingi ng paumanhin

Isa ito sa mga kagawiang nakakaligtaan natin. Kung minsan, mahirap sa isang tao ang paghingi ng paumanhin dahil sa pride.

Ang paghingi ng tawad sa taong iyong nagawaan ng pagkakamali o nasaktan ay hindi pagpapakita na ikaw ay mahina. Pagpapakita ito na pinahahalagahan mo ang kanyang damdamin at inaamin mo ang iyong pagkakamali.

Magpakumbaba at humingi ng tawad kung may nagawa kang kasalanan.

10. Pagpapasalamat

Ang pagpapasalamat ang isa sa mga pinakamasarap na maririnig mo sa iyong kapwa dahil ipinapakita lang na pinapahalagahan ng isang tao ang mabuting nagawa mo sa kanya, gaano man ito kalaki o kaliit.

Kaya nararapat lang na magpasalamat ka rin sa mabuting nagawa sa' yo ng iyong kapwa. Mas lalong mahihikayat ang isa na gumawa lagi ng mabuti kung kinikilala ang kanyang mabubuting nagawa.

 

Source: Today.com, Slow Family Living, Families Online

Images: Shutterstock

BASAHIN: 11 mabuting asal na dapat matutunan ng bawat bata simula edad na 2

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner