5 epektibong paraan ng pagpapadighay ng sanggol

5 epektibong paraan ng pagpapadighay ng sanggol

May kabag ba si baby? Padighayin siya nang wasto at ligtas sa pamamagitan ng mga tips na ito!

Pagpapadighay ng sanggol

Ang pagpapadighay ng sanggol ay isang paraan upang maialis ang kabag sa tiyan ni baby habang o pagkatapos dumedede si baby. Kapag walang kabag si baby, mas marami ang kanyang madededeng gatas dahil mas marami na ang espasyo sa loob ng kanyang tiyan.

Kailan ba dapat padighayin si baby? Kung napansin mong alumpihit at umiiyak si baby, subukan mo siyang padighayin. Ang mabuting pagsasanay ay ang pagkakaroon ng break time sa pagitan ng pagpapasuso o pagpapadede sa bote ng 2 hanggang 3 ounces ng gatas at pagpapadighay ng sanggol. Kung nakaidlip naman si baby pagkatapos dumede, huwag muna siyang padighayin.

Ang dami at dalas ng pagpapadighay ng sanggol ay nakadepende sa bawat baby. Ang mga baby na breastfed o dumedede sa ina ay hindi masyadong kailangan na padighayin kumpara sa mga baby na dumedede sa bote. Bakit? Sapagkat kadalasang kokonti lang ang hangin na pumapasok sa tiyan ni baby kapag siya ay dumedede kay mommy. Tulad nga ng nabanggit kanina, depende ito sa bawat baby kaya kailangang tingnan ng maigi si baby para malaman mo kung gaano mo dapat kadalas siyang padighayin.

Pagpapadighay ng sanggol: Bakit nga ba importante?

Mahalagang ugaliin ang pagpapadighay ng sanggol kapag kakain. Nangyayari kasi ito kapag may pumapsok sa kaniyang hangin sa tuwing umiinom ng gatas. Ang mga hangin na ito ay mananatili sa aknyang tyan at magdudulot ng hindi komportableng kalagayan sa iyong baby. ito rin ang dahilan kung bakit nabubusog agad si baby kapag umiinom ng gatas. Mahalagang padighayin si baby para hindi ito labis na maapektuhan.

Kailangang padighayin ng atleast 1 ang baby kapag papainumin gamit ang bote. Kapag breastfeeding naman, padighayin agad kung sakaling ililipat siya sa isang breast para painumin ng gatas.

Paano magpadighay ng baby?

Paano kapag hindi maka dighay ng baby? Maaaring makatulong sa'yo ang 5 paraan na ito kung paano ang tama at epektibong pagpapadighay ng sanggol.

1. Padighayin nang Patayo sa Balikat

Ito ang pinakamadalas na paraan ng pagpapadighay ng sanggol. Ginagawa ito sa pamamagitan ng paghawak kay baby sa patayong posisyon at pagpwesto sa kanya sa iyong balikat habang nakasuporta naman ang iyong isang kamay sa kanyang ulo.

pagpapadighay ng sanggol Paano kapag hindi maka dighay ng sanggol? | theAsianparent Philippines

2. Padighayin nang Patayo sa Kandungan

Isa pang paraan ng pagpapadighay ng sanggol ay ang hawakan si baby sa iyong kandungan at ihilig siya ng pasulong. Tapikin ng marahan ang likod ni baby habang paikot itong hinahaplos.

pagpapadighay ng sanggol Paano kapag hindi maka dighay ng sanggol? | theAsianparent Philippines

3. Pagpapadighay nang Padapa sa Kandungan

Isa pang paraan ay ang padapain si baby sa iyong kandungan habang ang isa mong kamay ay nakasuporta sa kanyang dibdib. Salitang haplusin ang likod ni baby at marahang tapikin para dumighay.

pagpapadighay ng sanggol Paano magpadighay ng baby? | theAsianparent Philippines

4. Ibaluktot ang Tuhod Patungo sa Dibdib

Kung nahihirapang dumidighay si baby gamit ang mga paraan na una nang nabanggit, subukan naman ang pagpapadighay na paupo si baby. Bahagyang ibaluktot ang kanyang tuhod patungo sa kanyang dibdib para matulungang madighay si baby.

5 epektibong paraan ng pagpapadighay ng sanggol Paano magpadighay ng baby? | theAsianparent Philippines

5. Pagpapadighay Habang o Pagkatapos Dumede ni Baby

Para sa mas madaling pagpapadighay ng sanggol, subukan ang paraan ng pagpapadighay habang dumedede at pagkatapos dumede ni baby. Ang pagpapadighay bago dumede ay makatutulong upang maginhawahan si baby sa pagdede.

5 epektibong paraan ng pagpapadighay ng sanggol Paano magpadighay ng baby? | theAsianparent Philippines

 

 

Sources: WhatToExpect.com, Baby Center

BASAHIN: Parenting 101: Paano mawala ang sinok ni baby

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Kung ano mang opinyon o ideya ang naibahagi dito ay sariling opinyon at ideya ng may katha; at walang kinalaman at hindi nagsasaad ng posiyon ng theAsianparent at ang mga cliente nito.

Sinulat ni

Bianchi Mendoza

Inedit ni

Mach Marciano

Article Stories
app info
get app banner