Teacher in viral video pinagtanggol ng isang grupo ng mga guro. Apela nila sa publiko, huwag agad i-judge ang nasabing guro base sa kumakalat na video.
Mababasa dito ang sumusunod:
- Teacher in viral video na nagagalit sa kaniyang estudyante.
- Grupo ng mga guro pinatanggol ang teacher sa viral video.
Teacher in viral video na nagagalit sa kaniyang estudyante
Larawan mula sa Shutterstock
Kumakalat ngayon sa social media ang video ng isang guro na nagagalit sa kaniyang estudyante. Sa video ay maririnig ang guro na sinasabi ito sa kaniyang klase.
“Una sa lahat hindi ninyo kami binabayaran dito para magtau-tauhan at gawin ninyong robot at gawin ninyong katatawanan sa harapan.”
“Pangalawa, hindi ako nag-board exam para lang hindi i-respeto ng mga katulad niyong wala pa namang nararating sa buhay. Ang kakapal ng mga mukha niyo, hindi niyo nga kaya buhayin mga sarili niyo.”
“Magboard-exam din kayo para malaman niyo kung hanggang saan lang kayo. Hindi na nga kayo matalino eh, sama pa ng ugali ninyo.”
Ang video na ito ng naturang guro ay maraming beses ng na-share sa social media at umabot na sa kinauukulan.
Grupo ng mga guro pinatanggol ang teacher sa viral video
Pero apela ng grupong Teachers’ Dignity Coalition (TDC), dapat ay huwag basta i-judge ang teacher sa viral video. Lalo pa’t ang nasabing video ay patunay na may mas malalim na issue na dapat i-address pagdating sa pagdidisiplina ng mga bata sa eskwelahan partikular na sa mga public schools.
Larawan mula sa Shutterstock
Ayon sa kanila, dapat ma-review ang child protection policy ng DepEd. Pati na ang anti-child abuse law na kung saan nalalagay sa alanganin ang mga guro at nagiging daan para mas maging abusador ang mga estudyante sa eskwelahan. Maraming beses na umanong na akusahan ng mali, napahiya, na-iskandalo at nabigyan ng punishment ang mga guro sa mga pagkakamaling dala ng kanilang trabaho. Kahit na ang layunin nila ay ma-disiplina lang ang kanilang estudyante.
Kaya naman apela ng grupo, ay protektahan rin ang mga guro laban sa harassment, threats, extortion at pati na pag-iiskandalo laban sa kanilang mga estudyante. Dapat ring magkaroon sila ng free legal assistance sa oras na maharap sa kasong kaugnay ng kanilang propesyon. Higit sa lahat kailangan daw maka-formulate ang DepEd ng positive discipline approach sa mga estudyante sa mga eskwelahan. Para naman maiwasan na ang mga ganitong insidente.
Larawan mula sa Shutterstock
Ang hinaing ng grupo ay sinuportahan naman ni Vice President at Education Secretary Sara Duterte. Ayon sa kaniya, hindi makakatanggap ng kahit anong penalty ang nasabing guro. Bagamat may paalala siya dito, pati na sa iba pang mga teachers sa bansa.
“Lahat tayo umaabot sa punto na nagagalit tayo, lalo ‘pag nafu-frustrate tayo. This is especially true sa mga teachers dahil ang teachers natin hindi lang isa na tao ang kausap nila.”
“Sinabihan ko ang regional office natin na there will be no penalties for the teacher. Just to remind the teacher that if she is angry, she has to pause. Itigil muna iyong klase. And when she’s not angry anymore, saka siya magklase ulit,”
Ito ang sabi pa ni Duterte.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
