Paano nga ba hindi mabuntis? Ano ang dapat gawin para hindi mabuntis kaagad kung hindi pa kayo handa ni mister.
Mababasa sa artikulong ito:
- Ano ang dapat gawin para hindi mabuntis?
- Mga pros at cons ng mga paraan upang hindi mabuntis
Ani nga nila, ang pinaka-mainam na paraan upang hindi mabuntis ay iwasan na lamang ang pakikipagtalik sa inyong mga partner. Pero sapat na nga bang umiwas sa pakikipagtalik upang hindi mabuntis?
Ano ang dapat gawin para hindi mabuntis?
Maraming paraan upang hindi mabuntis, pero ito nga ang ilang tips para hindi kaagad mabuntis ang isang babae.
1. Pag-iwas sa pakikipagtalik sa loob ng ilang araw o ilang buwan
Ito ang unang paraan para makaiwas sa pagbubuntis — ang pag-iwas sa pakikipagtalik lalo na kapag fertile, natural family planning nga 'di umano ang pamamaraan na ito.
Sa pamamaraang ito, dapat mo munang tukuyin kung kailan ang eksaktong araw sa iyong buwanang cycle kung kailan nagpapalabas ang iyong obaryo ng itlog. Ito ay para hindi ka makikipagtalik sa loob ng mga araw na ikaw ay maaaring mabuntis.
Malalaman mo ito kung kabisado mo ang iyong menstruation cycle o sumusunod kayo sa calendar method.
2. Pag-inom ng birth control pills
Ang pag-inom ng birth control pills araw-araw ay magbibigay sa iyo ng dalawang uri ng hormones, ang progestin at estrogen.
Ang bawat uri ng pills ay may iba’t ibang dami ng progestin at estrogen. Marahil ito ay nakakatulong para hindi mabuntis ang mga kababaihan. Mayroon ding ilang uri ng pills na maaaring maging dahilan ng pagdagdag ng timbang, pag-iiba ng buwanang siklo ng regla, pagdami o pagbawas ng tagyawat, at iba pang mga side effects.
Kung nagpaplano kang gumamit ng pills ng pangmatagalan. Mas makabubuting sumangguni ka muna sa iyong OB doktor para sa riseta ng pills na hiyang sa iyo.
Ang ilang uri ng pills ay may kakayahang bawasan ang dysmenorrhea, gawing regular ang iyong buwanang dalaw, at alisin ang hirap na dala ng premenstrual syndrome o PMS.
Ang pangmatagalang paggamit ng pills ay hindi nakasasama, subalit tandaan na ito ay maaaring makapagpa-delay o magpahinto ng iyong pagregla.
Kapag huminto ka naman sa pag-inom ng pills ang kakayahan ng katawan mo na magpalabas ng mga itlog o fertility ay maaaring bumalik agaran.
Kung ikaw naman ay umiinom ng pills at nakalimot na uminom ng tatlong sunud-sunod na mga araw. Ikaw ay maaaring mabuntis kung makikipagtalik ka sa partner mo.
3. Paggamit ng injectables
Ang injectable ay isang uri ng pamamaraan kung paano hindi mabuntis na ibinibigay sa mga kababaihan sa pamamagitan ng pagturok o pag-inject ng isang uri ng gamot sa katawan.
Ang maaaring makuha dito sa Pilipinas ay limitado lamang sa progesterone injectable na kilala rin sa tawag na Depo-Provero shot at ito ay isa sa pinakamabisang paraan para maiwasan ang pagbubuntis.
Kung sang-ayon ka na gumamit ng injectable, dapat ay handa ka sa mga side effects na maaaring dala ng paggamit nito
Maaaring side effects
- Pananakit ng ulo
- Mood swings
- Breast tenderness
- Paglalagas ng buhok
- Pagbaba ng sex drive
- Irregular bleeding (maaaring malakas o mahina)
- Pagkawala ng regla
- Maaaring umabot ng 1 taon matapos mong huminto bago bumalik sa normal na fertilization ang iyong reproductive system.
- Hindi ka nito mapoprotektahan sa mga sexually transmitted disease, katulad ng chlymdia at HIV.
Para sa karamihan ng gumagamit ng injectable, nawawala ang kanilang regla kapag regular ang pagturok nito sa kanila at usually spotting nga rin ang side effect nito.
Pero huwag mabahala, ang pagkawala ng iyong regla dahil sa paggamit ng injectable ay hindi naman nangangahulugan na ikaw ay hindi malusog o may sakit.
Ang isang seryosong side effect ng paggamit ng injectable ay ang posibleng pagkawala ng mga mahahalagang mineral sa buto.
BASAHIN:
Birth control: Depo-Provera contraceptive injection and its side effects
Iba't ibang uri ng family planning method at gaano ka-epektibo ang mga ito
Ang mga dapat malaman tungkol sa family planning
Kaya ang paggamit ng pamamaraang ito ay hindi irinerekomenda sa mga taong hindi pa naaabot ang tinatawag na peak bone mass o edad na kung saan matigas na ang iyong mga buto.
Base sa pag-aaral, ang pagkawala ng mga mineral sa buto ay maaari ring matigil at maibalik kapag huminto sa paggamit ng injectable.
Kapag tumigil ka naman sa paggamit ng injectable, ang iyong kakayahang magbuntis ay babalik depende sa kung gaano ka katagal gumamit ng pamamaraang ito upang hindi mabuntis.
Mas matagal kang gumamit ng injectable, mas matagal ring makabalik ang kakayahan ng iyong katawan na magdalang-tao ulit.
Kung ikaw naman ay tumigil na sa paggamit ng injectable, ikaw ay maaaring mabuntis sa loob lamang ng apat na linggo.
4. Paggamit ng condom
Walang gamit ang condom kung hindi niyo ito nagagamit ng maayos, nailalagay ng maayos, o kung hindi kaya naman mali ang size ng condom.
Siguraduhin kung gagamit ng condom, ilagay ito ng maayos sa erected na ari ng iyong mister o partner.
Dapat ring siguraduhin na alisin ang hangin sa tip ng condom at maingat na ilagay ang condom ng buo sa ari ng partner.
Matapos ngang gamitin ang condom siguraduhin rin na hindi na ito gagamitin ulit at itapon na.
5. Paggamit ng IUD
Ang paggamit din ng IUD para hindi mabuntis ay isa sa mga pinakaepektibong paraan. Isa rin tawag rito ay intrauterine device, isa itong maliit na aparato na pinahiran ng tanso at progestin hormone upang maiwasan ang pagbubuntis. Nakakalason umano ang tanso sa semilya ng lalaki. Kaya naman hindi mabubuntis ang babae kapag mayroon siyang IUD.
Tumagal ang bisa ng IUD mula 3 hanggang 12 taon, subalit maaari mo namang itong ipatanggal kung kailan mo nais, lalo na kung nais nang magbuntis.
6. Contraceptive Implant
Ano ang dapat gawin para hindi mabuntis? Subukan ang contraceptive implant. Isa itong maliit at flexible rod na inilalagay sa ilalim ng balat ng babae sa kaniyang upper arm. Naglalabas ito ito ng hormone prgesterone. Ang hormone na ito ang nagpapatigil sa ovary na maglabas o mag-release ng egg cell ng babae.
Dagdag pa rito pinapalapot nito ang cervical mucus ng babae kaya naman mahirap para sa sperm cells o semilya ng lalaki ang makapasok sa womb ng babae.
Ang paglalagay ng implant ay kinakailangan ng isang small procedure na ginagamitan ng local anesthetic upang maging sakto ang pagkakalagay nito. Para rin madaling matanggal ang rod.
Kinakailangan itong i-replace kada tatlong taon. Epektibo ang pamamaraan na ito, hindi it sagabal sa pagtatalik at isa rin itong reversible contraception na maaari mong maging option.
Subalit kinakailangan itong ilagay ng isang healthcare provider para mailagay ito ng maayos at hindi magdulot ng anumang impeksyon. Sapagkat kapag hindi magdudugo ito o mamasa. Hindi ka rin nito mapoprotektahan sa mga sexually transmitted disease katulad ng HIV.
7. Ikunsidera ang permanenteng pag-iwas sa pagbubuntis
Kung kayo'y marami nang anak at ayaw nang mag-anak pa. Maaari ninyong ikunsidera ang permanenteng solusyon para hindi magbuntis. Kausapin ang inyong doktor patungkol sa sterilization para sa mahabang proteksyon laban sa pagbubuntis.
Para sa mga babae, maaaring ipa-block ang fallopian tubes upang hindi na mag-travel ito papuntang uterus. Sa pamamagitan nito maiiwasan ang pagbubuntis.
Para naman sa mga lalaki maaari magpa-vasectomy. Isa itong surgical procedure para sa male sterilization or permanent contraception. Sa procedure na ito puputulin o itatali ang vasa derentia ng mga lalaki. Upang maiwasan ang pagpasok ng semilya o sperm cell ng mga lalaki sa urethra.
Tandaan lahat ng uri sterilization procedures ay nagbibisa agad. Kaya naman mas mainam na may back-up kayong birth control methods. Saka lagi ring itanong sa inyong doktor ang pinakamainam na pwede niyong gawin upang maiwasan ang pagbubuntis.
Source: Healthline, Medical News Today
Photo: Shutterstock, Unsplash.me
Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
