SIDS: Ano ang pinaka dahilan ng trahedyang ito?

SIDS: Ano ang pinaka dahilan ng trahedyang ito?

Ano nga ba ang pinakadahilan ng SIDS sa mga sanggol? | Lead image from Unsplash

SIDS. Ito na ata ang pinakamasamang panaginip para sa ating mga magulang. Ilalagay mo lang sa kama ang iyong anak para matulog ngunit hindi mo aakalaing hindi na ito magigising pang muli.

SIDS o Sudden infant death syndrome

Ilang beses nang nakakita ng trahedyang ito ang isang pediatric palliative care specialist sa Boston Children’s Hospital na si Dr. Richard Goldstein, M.D. Ayon sa kaniya, hindi ito kailanman naging madali. “These parents have such profound suffering,”  dagdag pa niya, “It’s a peculiar and sad little corner of medicine.”

Ayon sa pinakabagong tala ng Centers for Disease Control and Prevention noong 2017, halos 3,600 na sanggol ang biglaang namamatay na lamang. Habang 1,400 rito ang pinaniniwalaang namatay sahil sa Sudden Infant Death Syndrome o SIDS kung tawagin. Ito’y nangyayari kapag biglaang namamatay ang mga bata na nasa isang taon pababa habang sila’y natutulog na walang ibang dahilan para sila’y mawalan ng buhay.

SIDS Stories, What causes Sids

SIDS o Sudden infant death syndrome | Image from iStock

Sa kabila ng pagiging pangatlong pinaka dahilan nang pagkamatay ng mga sanggol ang SIDS, hindi pa rin malaman ng mga eksperto kung paano ito pumapatay. Ayon kay Dr. Michael Ackerman, M.D., Ph.D., isang genetic cardiologist ng Mayo Clinic.

Ayon kay Dr. Nino Ramirez Ph.D., isang neuroscientist ng University of Washington, “We’ve been making big progress by looking at how a cloud of factors come together in a perfect storm,” dagdag pa niya na, “Every SIDS child has a unique history, but we can identify common risks by letting the data speak.”

Ano ang dahilan ng SIDS? Sudden infant death syndrome diagnosis

Bago ang 1960s, pinaniniwalaang namamatay ang mga sanggol ng biglaan dahil sa “asphyxiation” o “unexplained causes”. Ngunit sa paglipas ng panahon, ito ay nakilalang SIDS ng mga eksperto.

Masasabing misteryo pa rin ang para ito sa mga sanggol. May mga naniniwala na tumataas ang tiyansa ng SIDS sa sanggol kapag ito’y lumaki sa mahirap na pamilya o ang mga nanay ay naninigarilyo habang sila ay nagbubuntis. Ngunit nagbigay ng pahayag ang mga eksperto sa potential risk factor ng SIDS. Ang mga sanggol na namamatay dahil sa SIDS dahil natutulog ito nang nakadapa.

Ayon sa mga sinsabi ng eksperto ang mga baby na natutulog nang nakadapa ay nalalanghap ng paulit-ulit ang hangin na kanilang binubuga. Pagkaubos ng vital oxygen ang nagpapataas ng  carbon dioxide. Kapag hindi nagising agad ang mga sanggol kapag ito’y nangyari, mataas ang tiyansa na sila’y ma-suffocate.

lost my baby to stillbirth. What causes Sids

SIDS o Sudden infant death syndrome | Image from iStock

Taong 1994, nagsagawa ng “Back to Sleep” campaign ang National Institute of Child Health and Human Development. Hinihikayat niya sa mga magulang na patulugin ang kanilang mga anak nang nakahiga. Sa loob ng 10 years, bumaba ang kaso ng SIDS sa mga sanggol. Mula 5,000, mabilis itong bumaba ng 2,000 hanggang 3,000 kada taon pagsapit ng 2000s.

Ngunit napababa man ito, may ilang porsiyento pa rin ng pagkamatay ng mga sanggol kada taon ang patuloy na nakikita. “we don’t really know the ultimate causes of these deaths.” ayon pa kay Dr. Peter Blair, Ph.D., isang epidemiologist sa University of Bristol sa United Kingdom.

Misteryo pa rin ang dahilan ng Sudden infant death syndrome o SIDS.

Ang utak ba ang dapat sisihin?

Marami na ang nakitang kaso ng SIDS ng isang neuropathologist sa Boston Children’s Hospital sa Massachusetts na si Dr. Hannah Kinney, M.D. Dagdag pa nito, kung alam lang niya ang dahilan ng pagkamatay ng mga sanggol, maaaring makakatulong siya sa pagpigil nito.

Noong 1980s, nakakita si Dr. Kinney ng ilang senyales ng pagkasira sa isang parte ng utak ng mga batang namatay sa SIDS. Ang parteng ito ay kumokontrol sa paghinga. Sa 40 percent ng mga batang namatay sa SIDS, nakita nitong nagkaroon sila ng mababang level ng neurotransmitter serotonin.

Ang serotonin ang nagkokontrol sa mood ng isang tao pati na rin sa paghinga, heart rate, blood pressure, temperature regulation at arousal habang natutulog.

Sa ginawang eksperimento ni Dr. Kinney at Dr. Susan Dymecki, M.D., Ph.D. sa dalawang daga na mayroong parehong kakulangan sa serotonin, nakita nilang hindi man lang ito nagkaroon ng tension kahit na mababa ang oxygen dito at mataaas ang carbon dioxide. “they just lied there and died,” ayon kay Dr. Goldstein.

Iba pang pag-aaral na may kaugnayan sa serotonin

Taong 2018 naman nang ilimbag ni Dr. Dymecki at mga kasama nito ang pag-aaral tungkol sa pagharang ng serotonin neurons sa brainstems ng mga daga. Ito ang naging dahilan nang pagkakaroon nila ng abnormal na pattern sa paghinga. Sa madaling salita, maaaring magpapahawig ang ang behavior ng daga at sanggol na namatay dahil sa SIDS. Ito ang nagbigay sa kanila ng idea na puwedeng ang pagkakaroon ng serotonin deficiencies ang rason ng SIDS.

Noong 2017 sa Australia, nagkaroon ng research si Dr. Fiona Bright, Ph.D., isang neuroscience doctoral student sa University of Adelaide tungkol sa paghahanap ng bagong abnormality sa neurotransmitter sa brainstem ng mga SIDS babies. Dito niya nakita na mayroong defect sa pathway ng brain na may kaugnayan sa paghinga ng sanggol pati na rin sa pagkakaroon ng mababang level ng oxygen. Ito ang dahilan kung bakit nahihirapang huminga ang mga bata habang sila ay natutulog.

Ayon kay Dr. Bright, “During sleep, most infants can wake themselves up,” dagdag pa niya na, “SIDS babies don’t have this ability.”

May defect sa DNA?

May pag-aaral din ang mga scientist na ang mga sanggol na namatay sa SIDS ay may mutation sa kanilang DNA. Sa katunayan, may ilang pag-aaral na nagtuturong isang dahilan ng SIDS ang namamanang kondisyon.

stillbirth myth

SIDS o Sudden infant death syndrome | Image from iStock

Noong 2018, inilimbag ni Dr. Ackerman ng Mayo Clinic ang isang pag-aaral ng American College of Cardiology kung saan pinag-aralan ang genomes ng 419 na sanggol na namatay sa SIDS. Nalaman niya na 5 percent nito ay mayroong mutation ng genes na mayroong sudden cardiac death.

Nakakita rin sila ng ugnayan sa SIDS at mutation ng SIDS sa metabolism, inflammation at development ng epilepsy.

Undiagnosed Disease

Hindi pa rin makapagbigay ng tamang explanation sina Dr. Goldstein at Dr. Kinney sa mga magulang sa kabila ng ilang pag-aaral na ito. Noong 2014, nagsagawa sila ng clinical program at research study sa Boston Children’s Hospital. Dito nila pinag-aralan ang kaso ng mga bata sa Massachusetts na namatay sa hindi malamang dahilan sa edad na 3 pababa.

Taong 2017 sila nakakita ng explanation dito. Napagalaman nila na may kaugnayan ang undetected infections, unusual birth defects at rare genetic mutations sa mga namatay na sanggol dahil sa SIDS. Sa isang kaso, isang “epilepsy-causing mutation” ang nakita sa kapatid ng batang namatay mula sa SIDS, at kasalukuyang ginagamot.

Isang pag-aaral ang inilimbag noong April 2019 kung saan mataas ang tyansa na magkaroon ng SIDS baby ang mga nanay na naninigarilyo habang sila ay nagbubuntis.

 

“What Causes SIDS?” by Carrie Arnold © 2020 The New York Times Company

Carrie Arnold is an award-winning health and environment reporter based in Virginia.

This story was originally published on 17 April 2020 in NYT Parenting.

Translated with permission from theAsianparent Singapore

Translated by Mach Marciano

 

BASAHIN:

9 tips upang maiwasan ang SIDS (Sudden Infant Death Syndrome)

Alamin ang mga senyales ng Sudden Death Syndrome

Coping with sudden death of child: “Hindi madali pero may mga taong tutulong sa’yo para mag-heal.”

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Kung ano mang opinyon o ideya ang naibahagi dito ay sariling opinyon at ideya ng may katha; at walang kinalaman at hindi nagsasaad ng posiyon ng theAsianparent at ang mga cliente nito.

Sinulat ni

NYT Parenting

Article Stories
app info
get app banner