Sa mga bakasyon at pag-alis ninyo ng pamilya, napapansin mo rin bang mainipin ang inyong anak? Bakit nga ba madaling nagiging bored ang bawat biyahe sa mga bata lalo kung ito ay long drive? Alamin sa artikulong ito.
Mga mababasa sa artikulong ito:
- Bakit nga ba madaling kainipan ang bawat biyahe sa mga bata? Ito ang say ng experts
- Things to do para hindi maging bored ang inyong mga anak sa long ride
Bakit nga ba madaling kainipan ang bawat biyahe sa mga bata? Ito ang say ng experts
“Malayo pa rin ba tayo?” at iba pang katanungan | Larawan mula sa Pexels
Magandang bonding ng pamilya ang pagbabakasyon o pagpunta sa isang lugar together. Nakaka-create ito ng stronger bond at maging memories na masayang balikan pagtanda. Lalo na kung papalapit na ang school holidays, breaks, o summer. Sa mga panahon kasing ito maraming bukas at fun na pasyalan lalo kung buong pamilya kayong bibisita.
Sa karanasan ng parents, maraming circumstances ang hindi mawawala sa bawat biyahe. Naririyan ang pagsusuka sa biyahe, pagpapabili ng mga bata ng kung ano-ano, at ang madalas na linyahan: “Malapit na ba tayo?”
“Malayo pa rin ba tayo?” at iba pang katanungan
Hindi mawawala sa back seat ang bawat hirit ng bata sa biyahe ang pagtatanong kung malapit na bang dumating sa destinasyon. Kung minsan hindi pa nga kayo tumatakbo nang isang oras ay magtatanong na kaagad nito samantalang malayo pa kayo sa inyong pupuntahan.
Bakit nga ba naiinip ang bata? Ang simpleng sagot? Dahil bata pa nga sila.
Ayon sa experts, nababago raw ang pagtingin ng tao sa oras. The more na nagkakaedad na, the more na bumibilis ang panahon. Kaya nga uso ang linyahan na, “Pasko na agad? Isang taon na iyon?” ngayong adult na.
Kung matatandaan, noong bata pa lamang ay parating naiinip dahil gustong-gusto na dumating ang Pasko. Ito raw dahil nga mas mabagal ang pagtingin ng oras sa mata ng mga bata.
Bukod dito, nagkakaroon na rin daw ang adult ng idea sa mga bagay dahil sa development tulad na lang ng distance at geography. Ibig sabihin, mayroon nang knowledge patungkol sa pupuntahan. Kaya naman mas mauunawaan ng isang adult kung bakit ilang oras ang biyahe.
Ibig sabihin nito, maaaring wala pa kasing ideya ang bata sa mga bagay na dapat ikonsidera sa biyahe. Kaya nauuwi ito sa pagtatanong sa adult upang magkaroon sila ng kaalaman kung gaano nga ba kalapit na sila sa patutunguhan.
Bakit nga ba madaling mainip ang bawat biyahe sa mga bata? Ito ang say ng experts | Larawan mula sa Pexels
Children’s innocence
Ang ganitong mga ganap ay sinasalamin ng pagiging inosente ng mga bata. Punong-puno kasi sila ng uncertainty pa sa mga bagay o iyong walang kaalaman sa kung ano-ano ang mga sunod na dadaanan o pupuntahan. Adult ang nakakaalam at may control sa mga lugar na dapat hintuan, likuan at daanan.
Nakakadagdag pa sa boredom o pagkainip ng bata ang kawalan ng ginagawa sa back seat. Sa ganitong pagkakataon nila mas napopokusan ang tagal ng panahon at oras. Mas binibigyang atensyon kasi ang oras ay mas nagiging matagal ito kumpara kung nalilibang at nadi-distract ang isang tao.
Things to do para hindi mabored ang inyong mga anak sa long ride
Things to do para hindi mabored ang inyong mga anak sa long ride | Larawan mula sa Pexels
Dahil nga masaya na magkaroon ng vacation time at bonding together ang pamilya from time to time ibig sabihin ay babiyahe kayo upang makabisita sa isang lugar. Madalas na eksena niyan ang pagbabalik sa probinsya, pagpunta sa mga beach resorts at pools, o pagbibisita sa mga amusement park.
Karaniwang eksena na sa ganito ang mahahabang oras ng biyahe, at dahil nga madaling maburyo ang mga bata sa ganito, narito ang ilang bagay na maaaring gawin upang maiwasan na mainip sila:
- Maghanda ng iba’t ibang snacks. Maganda na bago pa man umalis ng bahay ay ready na ang lahat ng foods. Nakakagutom ang biyahe kaya mainam na may dala na agad na pagkaon. Piliing gawin o dalhin ang mga pagkaaing alam mong mai-enjoy ng bata upang mayroong silang kinakain habang nasa biyahe pa kayo.
- Magdala ng mga laruan at iba pang entertainment nila. Ayos din naman na nagdadala ng laruan dahil pang-aliw ito sa kanila kung sakaling wala na silang magawa. Dalhin lamang iyong convenient at lagi nilang ginagamit para hindi pa rin hassle sa biyahe.
- Talk to them. Maaaring maging tour guide ng sarili mong anak. Kausapin sila at bigyan ng knowledge patungkol sa mga lugar na nadadaanan o nag-ii-stop over kayo. Mag-share ng mga bagay na pwedeng nagawa mo na dito o kaya naman historical information para mayroon din silang nakakausap sa inyong biyahe.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
