Bakit nagkakaroon ng kuliti at paano ito nagagamot?

Bakit nagkakaroon ng kuliti at paano ito nagagamot?

Alamin kung ano ang sanhi, sintomas, at gamot sa kuliti.

Ano ang kuliti?

Ang kuliti ay masakit na namumulang bukol sa may talukap ng mata. Madalas ay puno ng nana ang mga kuliti.

Karaniwan itong nabubuo sa labas ng talukap ng mata ngunit maaari rin mabuo sa loob. Kadalasan, kusang nawawala ang mga kuliti makalipas ang ilang araw.

Sa madaling panahon, maaaring mapagaan ang nararamdaman sa pamamagitan ng pagtakip dito ng maliit na tuwalyang basa ng mainit-init na tubig.

Nagkakaroon ng kuliti dahil sa bacteria na tinatawag na bacterium staphyloccocus. Nabubuo ang kuliti kapag na-impeksiyon ng bacteria na ito ang oil glands sa talukap ng mata. Dahil dito, nagkakaroon ng pamamaga at bukol.

Mga sintomas ng kuliti

Ang mga madalas na sintomas ng kuliti ay:

  • Mala-tigyawat na namumulang bukol sa talukap ng mata
  • Masakit na talukap ng mata
  • Pamamaga sa talukap ng mata
  • Pagluluha

Ang isa pang kundisyon na maaaring makapagbigay ng pamamaga sa talukap ng mata ay ang tinatawag na chalazion.

Ang chalazion ay nangyayari kapag nagkakabara ang oil glands sa talukap ng mata. Di tulad ng kuliti, walang nararamdaman na pananakit. Pareho lamang ang paggamot sa kuliti at chalazion.

Kailan kailangan magpa-konsulta sa doktor?

Madalas ay walang malaking prublemang nadudulot ang pagkakaroon ng kuliti. Maaari munang gamutin ang kuliti mag-isa sa pamamagitan ng pag-diin ng mainit-init na towel dito nang 5-10 minuto nang ilang beses sa isang araw. Magpa-konsulta sa duktor kung:

  • Hindi gumaan ang pakiramdam sa loob ng dalawang araw
  • Lumala ang pamamaga at lumagpas na sa talukap ng mata papunta sa ibang bahagi ng mukha
Mga panganib sa pagkakaroon ng kuliti

Maaaring magkakuliti kung:

  • Hinahawakan ang mata nang hindi naghuhugas ng kamay
  • Naglalagay ng contact lens nang hindi nagdi-disinfect o naghuhugas ng kamay
  • Hindi nagtatanggal ng makeup sa gabi
  • Gumagamit ng lumang makeup sa mata
  • May blepharitis, ang pabalik-balik na pamamaga sa gilid ng talukap sa mata
  • May rosacea, kundisyon sa balat na nagiging rason ng pamumula nito
Ano ang gamot sa kuliti?

Ang pinakamainam na gamot sa kulit ay ang paggamit ng mga antibiotics. Ito ay nakakatulong para patayin ang bacteria sa katawan, at mapigilan ang impeksyon.

Ngunit puwede rin naman gumamit ng warm compress sa mata, at iwasan itong mahawakan, o kaya madumihan. Mayroon ring mga eye drops na puwedeng gamitin upang mabawasan ang pananakit, at nakakatulong upang mapanatiling malinis ang mata.

Huwag itong subukang putukin o kaya pisilin, dahil posible itong magdulot ng mas malalang impeksyon.

Pag-iwas sa pagkakaroon ng kuliti

Upang maiwasan ang pagkakaroon ng kuliti:

  • Maghugas ng kamay - Ugaliin ang paglilinis ng kamay gamit ang tubig at sabon o hand sanitizer na may alcohol bago hawakan ang mata.
  • Maging ma-ingat sa mga kosmetiko - Upang maiwasan ang impeksiyon, itapon ang mga lumang kosmetiko. Huwag hayaan ang make-up sa pag-tulog. Huwag ipagamit sa iba ang mga make-up.
  • Siguraduhing malinis ang mga contact lens - Kung gumagamit ng mga contact lens, siguraduhing malinis ang mga kamay bago hawakan ang mga contact lens. Sundin ang tamang pag-disinfect sa mga ito.
  • Warm compress - Kung dating nagkaroon ng kuliti, ang pagdidiin ng mainit-init na tuwalya sa may mata ay maaaring makapagpigil sa pagbalik nito.
  • Alagaan ang blepharitis - Kung may blepharitis, sundin ang payo ng mga duktor sa tamang pag-aalaga sa mga mata.

 

Madaling maiwasan ang pagkakaroon ng kuliti. Ang pagiging malinis sa sarili ang pinaka-una at epektibong paraan para hindi magkaroon nito. Kusa ang paggaling at malimit na kinakailangan ng gamot sa kuliti.

 

Source: Mayo Clinic

Basahin: Kirat na mata, posibleng sintomas ng nakamamatay na sakit

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner