Safe ba uminom ng Gatorade habang buntis?

Safe ba uminom ng Gatorade habang buntis?

Alamin dito ang sagot at ang epekto ng pag-inom nito sa babaeng nagdadalang-tao.

Gatorade for pregnant woman, safe nga ba? Narito ang sagot ng mga eksperto.

Gatorade for pregnant woman

Kapag buntis ang isang babae ay maraming bawal inumin at kainin. Ito ay dahil sa maaring maging epekto nito sa dinadala niyang sanggol. Pero payo ng mga doktor mahalaga na kumain ng masusustansyang pagkain para sa malusog na development ng sanggol. Pati na ang pag-inom ng sapat na tubig o fluid para maiwasan ang dehydration.

Maliban nga sa tubig, isa sa nakasanayan nating inumin upang makaiwas sa dehydration ay ang mga sports drink tulad ng Gatorade. Kaya naman ang malaking tanong mga babae, Gatorade pwede sa buntis nga ba?

Gatorade for pregnant woman

Image from Self.com

Ano ang Gatorade?

Ang Gatorade ay kilalang sports drinks buong mundo. Ayon sa Harvard Health Publishing, ito ay unang nai-produce noong 1960s para sa football team ng University of Florida. Sa pagdaan ng panahon, hindi lang mga atleta ang nakasanayan ng uminom nito. Dito sa Pilipinas, ito rin ay madalas na ipinaiinom sa mga nagtatae. Dahil sa paniniwalang maiibsan nito ang sintomas ng sakit at maiiwasan ang dehydration na maaring magdulot ng seryosong komplikasyon.

Base sa product label ng Gatorade ito ay nagtataglay ng mga sumusunod na ingredients:

  • Water
  • Sucrose (table sugar)
  • Dextrose
  • Citric acid
  • Natural flavor
  • Sodium chloride (table salt)
  • Sodium citrate
  • Monopotassium phosphate
  • Flavoring/coloring ingredients

Ang sugar o carbohydrates na taglay ng Gatorade ay nakakatulong upang mapabilis ang water absorption ng ating intestines habang binibigyan ng kaaya-ayang lasa ang nasabing inumin. Ito ay ayon sa American Chemical Society.

Mula sa mga nabanggit na ingredients ayon sa Healthline, ang Gatorade ay nagtataglay ng mga electrolytes na sodium at potassium. Ang mga electrolytes na ito ay mineral na kailangan upang ma-maintain ang ionic balance ng katawan. O ang responsable sa maayos na pagpa-function ng ating mga nerves, muscle at brain. Samantalang ayon naman sa Michigan Medicine ang mga electrolytes na ito ay nakakatulong rin para ma-maintain ang fluid balance ng katawan sa tamang level.

 

Gatorade for pregnant woman

Gatorade pwede sa buntis nga ba?

Ang mga electrolytes na nabanggit ay ligtas na i-consume ng mga babaeng buntis. Ito ay ayon sa registered dietician na si Natalie Allen. Sa katunayan, ang mga sports drinks tulad ng Gatorade ay one of the best choices nga raw ng mga buntis upang masigurong hindi sila ma-dedehydrate. At makakatulong nga rin daw ito na ma-alleviate ang sakit na dulot ng leg cramps kapag nagdadalang-tao.

“Some moms may experience leg cramps during pregnancy. If this happens, try a sports drink, as the electrolytes and fluid will help alleviate the cramp

Ito ang pahayag ni Allen na isa ring clinical instructor of dietetics sa Missouri State University.

Ayon naman kay Elizabeth Lyster, isang OB-Gyne mula sa California, ang pag-inom ng mga sports drink na may taglay na electrolytes ay makakatulong sa mga buntis na nakakaranas ng severe morning sickness. Ito ay dahil sa pamamagitan nito ay maiibsan ang nausea na kanilang nararanasan at maiiwasang sila ay ma-dehydrate.

“Don’t get behind the eight ball, don’t try to tough it out. A baby fine if the mother can’t eat food, but the baby won’t be fine if mom can’t stay hydrated.”

Ito ang pahayag ni Lyster.

Kaya naman ang sagot sa tanong na kung ang Gatorade for pregnant woman ay safe nga ba, ay isang malaking OO.

Hindi lahat ng flavors ng Gatorade ay pwede sa buntis

Gatorade for pregnant woman

Image from Freepik

Pero ayon naman sa University of Iowa Health Care, hindi lahat ng klase ng Gatorade ay pwede sa mga buntis. Lalo na ang mga nakakaranas ng gestational diabetes. Dahil may mga flavor nito ang nagtataglay ng mataas na amount ng sugar na maaring magpataas ng kaniyang blood glucose level. Sa ganitong pagkakataon ay ipinapayong inumin ng mga buntis ang Gatorade na nagtataglay ng low amount of sugar at calories.

Payo ng Pregnancy Food Checker, para sa mga buntis ay mas mabuting inumin ang G2 series. Dahil ito ay may mababang level ng carbohydrates at calories kumpara sa original recipe ng Gatorade. Pero ang pag-inom ng Gatorade ay alternatibong opsyon lamang. Mas mabuti parin umanong uminom ng sapat na dami tubig at masusutansyang inumin.

Mga dapat gawin upang makaiwas sa dehydration ang buntis

Ayon sa Healthline, mainam kung makakainom ng 8 hanggang 12 baso ng tubig sa araw-araw ang isang buntis. Ipinapayo rin na uminom ng tubig sa pagitan ng bawat meal o pagkain at hindi habang kumakain. Ito ay upang maiwasan ang indigestion.

Kung nakakaranas naman ng morning sickness at nahihirapang uminom ng tubig ay agad ng makipag-usap sa iyong doktor.

Dapat iwasan rin muna ang pag-inom ng mga inuming nagtataglay ng caffeine. Dahil ang pag-inom nito ay mas nagpapadalas ng pag-ihi na nagpapataas ng tiyansa ng dehydration.

Maliban sa tubig, mabuti ring uminom ng gatas, natural fruit juices at soup.

Dapat ding umiwas sa mga activities na maaring magdulot ng overheating sayong katawan. Tulad ng mga mabigat o masyadong nakakapawis na exercise.

Makakatulong rin ang pananatili sa mga lugar na malamig o presko. Dahil ang pananatili sa maiinit na lugar ay nagdudulot rin ng overheating ng katawan.

 

Source:

US News, Pregnancy Food Checker, Healthline, Livestrong

BASAHIN:

20 Senyales ng dehydration na kailangang malaman

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Article Stories
app info
get app banner