Mga bata ay kadalasang walang control sa kung ano ang kinakain dahil kulang pa sila sa kaalaman ukol dito. Kaya madalas, nauuwi ito sa obesity. Alamin kung paano nga ba makakausap ang anak tungkol sa pagkakaroon ng healthy eating habits.
Mga mababasa sa artikulong ito:
- Bakit nagiging obese ang mga bata?
- Lumulusog na si baby? 6 ways para ma-open up ang healthy eating habits sa inyong mga anak
Bakit nagiging obese ang mga bata?
Kadalasang bata ay kung ano-ano ang nakakain kaya hindi nila namamalayang hindi na pala healthy ito for them dahil wala naman silang masyadong kaalaman pagdating sa pagkain. Maraming mga bata ang sobrang nahihilig sa sweets gaya ng chocolate at candies.
May mga bata ring hirap pakainin ng prutas at gulay. Nagkakaroon ng hindi healthy na eating habits ang bata kung hindi nababantayan nang mabuti. Nauuwi ito sa pagiging obese nila.
Seryosong medical condition ang childhood obesity. Ito ay tumutukoy sa abnormal o pag-accumulate ng excessive fats. Nalalaman ito sa pamamagitan ng paggamit ng Body Mass Index (BMI) na guidelines kung saan nakikita kung ano ang tamang timbang sa height ng isang tao.
Maaari maging daan ang obesity para magkaroon sila ng kaliwa’t kanang health problems. Kadalasang nagiging dahilan ng pagiging obese ay ang lifestyle.
Narito ang ilan sa mga factors:
- Hindi pagkain ng healthy foods – Magiging obese ang isang tao kung tumataas ang pagkain ng energy-dense foods na mataas ang fat and sugars.
- Physical activity – Maaari ring dahil sa iba’t ibang physical activity na nagdudulot para hindi kaagad makatunaw nang kinakain.
- Genes – Pwedeng isang dahilan kung bakit obese ang bata ay kung galit ito sa pamilya na may history ng obesity.
- Environment – May ambag din ang kinalalakhan na paligid ng bata sa kung paano siya nadadagdagan o nagbabawas ng timbang.
- Socioeconomic – Walang kakayahang mabili ang mga healthy foods kaya nauuwi sa pagkain ng mas mura pero mas risk sa kalusugan.
- Medications – Kung sumasailalim sa gamutan maaaring dahilan ito kung bakit dumadagdag nang dumadagdag ang timbang ng bata.
Larawan mula sa Pexels
BASAHIN:
Ano ang baby growth spurts at paano maaalagaang mabuti ang iyong anak sa stage na ito?
Nagwawala ang bata kapag pinatigil gumamit ng gadget? 8 senyales ng Screen Dependency Disorder sa mga bata
Bumibigat ang timbang naming mag-asawa habang tumatagal—at hindi kami nag-aalala
Lumulusog na si baby? 6 ways para ma-open up ang healthy eating habits sa inyong mga anak
Larawan mula sa Pexels
Hindi parating nakikita sa katawan ang pagiging obese ng isang bata. Kung isa ka naman sa parents na napapansing mabilis na dumadagdag ang timbang maaaring tulungan siya tungkol dito.
Kinakailangan lang maging extra sensitive dahil baka labis na maapektuhan siya kung sakaling maopen ang topic na ito lalo kung concious na rin siya sa kanyang katawan.
Narito ang ilang ways para matulungan ang anak:
- Gumamit ng positive at proactive na approach – Hindi nakakatulong ang parating pagpansin sa nagiging body image ng anak. Ang madalasang pagpuna ay maaaring tanggapin niya bilang lait at maging sanhi pa nang mas malalang eating disorder. Mahalagang pinipili nang mabuti ang gagamiting salita kung siya ay kakausapin tungkol sa topic na ito.
- Actions speak louder than words – Kung nakausap mo na siya tungkol dito ipakita sa kanya na ginagawa mo rin ang mga bagay na maaaring makatulong sa kanya. Mas maaappreciate niya kung nakikita niya ang iyong effort kaysa sa puro lamang salita na hindi naman natutupad.
- Huwag ipilit ang diet – Nakita sa ilang mga pag-aaral na 18 times na nagiging dahilan ang pag-restrict sa calories at pag-iiskip ng pagkain para magdevelop ng eating disorder. Sa mga batang 14 hanggang 15 year taong gulang nakita na sa loob ng 3 taon ang pagda-diet ang naging predictor nila kaya nagkaroon ng eating disorder.
- Ugaliing kumain nang sabay ng pamilya – Sa pag-aaral nakitang 13,000 bata ang nakitang naprotektahan laban sa dieting, binge eating at self-induced vomiting dahil kasama ang pamilya na kumain. Maaaring ma-encourage nito ang pagkakaroon ng balanced eating at pagpapababa ng risk ng eating disorder dahil nababantayan ng mga magulang.
Magiging way rin ito para mag-bonding.
- Iwasan ang topic tungkol sa timbang – Nagiging mas concious ang bata kung sa bahay pa lamang ay pinag-uusapan na parati ang kanyang timbang, lalo kung siya ay nagdadalaga o nagbibinata. Maaaring naman i-focus ang usapan sa balanced eating nang hindi parating mararamdaman niyang napapansing ng kanyang magulang ang pagdagdag niya ng labis na timbang.
- I-promote ang healthy body image – Una dapat ang magulang sa pagsuporta sa positive image ng kanilang anak kahit ano pa man ang body shape. Iwasan ang asaran kahit pa biro dahil kahit tinatawanan nila ito maaaring maisip nila ang pang-aasar parati. Sa ganitong paraan nailalayo ang anak sa kahit ano mang eating disorder.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
