Pag-aalaga sa newborn: Ilang oras dapat matulog ang sanggol?

Ang pagdesisyon sa kung gaano kahaba ang kailangan na tulog ng sanggol ay nag-iiba sa bawat magulang. Walang nakatakdang pamantayan ang nagsasabi kung ilang oras dapat matulog ang sanggol.

Ngunit, makakasiguradong matutulog ang iyong baby nang mas matagal ngayong bagong panganak siya kumapara sa iba pang panahon.

Ang pagtulog ay kung paano sila lumaki at makakuha ng lakas para sa kanilang maliliit na katawan.

Kahit pa walang siguradong dami ng oras para sa kumpletong pagtulog ng baby, mayroon paring sleep chart para sa sanggol na nagiging gabay sa karaniwang pamantayan sa pattern ng pagtulog ng baby.

Tandaan na ang mga ito ay gabay lamang sa pagtulog. Maraming sanggol ang maaaring matulog nang mas mahaba o mas kaunti at normal lamang ito para sa kanila.

• Ang mga bagong panganak ay matutulog nang nasa 15 oras kada-araw. Ito ang pinagsamang pagtulog sa gabi at mga pag-idlip.
• Ang mga 3 buwang gulang na sanggol ay magsisimula nang matulog nang mas matagal sa gabi at mas-maikling mga pag-idlip ngunit aabot parin nang 15 oras kada-araw.
• Pagdating ng 6 na buwang gulang, sila ay matutulog nang nasa 11 oras sa gabi nang may 2 beses ng pag-idlip kada-araw.
• Ang isang 9 na buwang gulang ay matutulog nang 11-12 oras kada-gabi at iidlip nang 2-3 oras 2 beses kada-araw.

Ito ay mga pangunahing gabay lamang at nagiiba sa bawat sanggol. Ngunit magbibigay sila ng ideya kung nakakuha na siya ng sapat na pahinga.

Pagdating nila nang 12 buwang gulang, ang iyong baby ay matutulog nang nasa 11 oras sa gabi at madalas ay iidlip nalang nang isang beses kada-araw.

Ito ang panahon na nanaisin mong mas matutulog pa siya. Pagdating nila sa toddler stage maaaring makakita ng pagbabago sa oras ng pag-idlip. Samakatuwid, hindi nila gustong umidlip. Kung mapapa-upo sila nang tahimik kahit ilang minuto lang, maaaring ikagulat na makita nalang siyang makatulog mag-isa.

May ilang mga pagpapahiwatig na magpapa-alam sa iyo kung hindi nakakakuha ng sapat na pahinga ang iyong baby.

Kung mapansin ang madalas na paghikab o sobrang pagsusungit, malamang ay hindi siya nakakakuha ng sapat na tulog sa kanyang mga pag-idlip o sa gabi. Ipapa-alam niya sa iyo kung makakuha na ng tamang tulog o kung kailangan pa magpahinga. Huwag mag-alala kung tila sumosobra siya sa tulog.

Hindi mahirap na makuha ang eksaktong dami ng tulog na kailangan ng iyong anak. Minsan ay tila napakahirap nito pagkauwi sa kanya, ngunit kailangan lamang nang pasensya at kaalaman na ang mga bagay ay masbubuti at dadali.

Para sa mas maraming impormasyon sa kung gaano karaming pahinga ang kailangan ng iyong baby, panoorin ang video na ito:

Ang orihinal na article ay naka-publish sa: theAsianparent.com
Photo by Minnie Zhou on Unsplash

Basahin: Sleep guide: Ganito dapat katagal ang tulog ng bata mula baby hanggang 5 years old