Narito ang masamang epekto ng pagsisinungaling sa iyong anak na dapat mong malaman at agad ng tigilan.
Mababasa sa artikulong ito:
- Epekto ng pagsisinungaling sa anak
- Advice ng mga eksperto
Photo by Ketut Subiyanto from Pexels
Pag-aaral tungkol sa masamang epekto ng pagsisinungaling
“Sige ka, kapag hindi ka tumayo dyan huhulihin ka ng pulis.”
“Kapag hindi natin nilinisan yang sugat mo may lalabas na ahas dyan.”
Pamilyar ba sa ‘yo ang mga linyang ito? O lagi mo itong sinasabi sa anak mo? Dalawa lamang ito sa mga pananakot at pagsisinungaling na sinasabi ng karamihan sa ating matatanda sa mga bata. Bagama’t ito ang isa sa paraan para mapasunod ang ating mga anak, ayon sa isang pag-aaral, ang simpleng pagsisinungaling na ito ay may masamang epekto sa kanila. May posibilidad umano na tulad ng iyong pagsisinungaling, ang iyong anak ay maging sinungaling din sa ‘yo sa kaniyang paglaki.
Ito ang natuklasan ng pag-aaral na isinagawa ng mga researcher mula sa Nanyang Technological University, University of Toronto, University of California, San Diego, at Zhejiang Normal University sa Singapore.
Pagsasagawa ng pag-aaral
Para mabuo ang kanilang konklusyon ay nagpasagot ng series ng online questionnaires ang mga researcher ng ginawang pag-aaral sa 370 Singaporean adults.
Ang unang questionnaire ay tungkol sa kung naalala pa ba ng mga participant ang pagsisinungaling na ginawa ng mga magulang nila noong sila’y bata pa. Tulad nalang sa tuwing sila’y pinapatigil sa kanilang misbehavior, pinapakain o pinapanatili at pinaaalis sa isang lugar.
Ang sunod na questionnaire ay tungkol naman sa kung gaano sila kadalas nakakapagsinungaling sa mga magulang nila ngayon sila ay malaki na. Tulad ng pagtatakip sa maliliit na bagay na kanilang ginawa. Mga activities na kanilang ginagawa ngunit itinatago nila sa kanilang mga magulang. Pati na ang mga prosocial lies o mga kasinungalingan na kanilang ginagawa para sa kapakanan ng iba.
Habang ang panghuling dalawang questionnaire ay sumusukat naman sa kanilang self-reported “psychosocial maladjustment” o ang kanilang tendency na maging selfish o impulsive.
Resulta ng pag-aaral
Photo by Jametlene Reskp on Unsplash
Sa tulong ng mga impormasyong nakuha at sa pamamagitan ng simple linear regression ay natuklasan ng mga researcher na may kaugnayan ang pagsisinungaling na ginawa ng mga magulang ng participant ng pag-aaral noong sila’y bata pa sa pagsisinungaling na kanilang ginagawa ngayong sila’y ganap na adult na. Ang mga adult na madalas na pinangsisinungaligan noon ng kanilang mga magulang noong bata pa ay siya namang nagsisingungaling ngayon sa mga magulang nila.
Natuklasan din ng pag-aaral na ang pagsisinungaling na ito ay may negatibong epekto sa psychosocial maladjustment ng mga participant. Nagpapataas din ng tiyansa ng isang bata na makaranas ng disruptiveness, conduct problems, experience of guilt and shame. Pati na selfish at manipulative character kapag siya ay malaki na.
“Our first major finding was that adults who report remembering greater exposure to parenting by lying in childhood also report lying to their parents more frequently in adulthood.”
“Our second major finding was that young adults’ lying to parents was positively correlated with their internalizing, externalizing, and antisocial personality problems. This finding is consistent with prior research involving children, adolescents, and young adults, demonstrating that frequent lying in childhood is associated with negative psychosocial outcomes”
“A third major finding was that parenting by lying had unique associations with antisocial personality problems in adulthood, but not with internalizing or externalizing problems.”
Ito ang bahagi ng findings na ginawang pag-aaral na nailathala sa Journal of Experimental Child Psychology.
BASAHIN:
STUDY: Allergy, maaaring maipasa ng nanay sa sanggol habang nagbubuntis
Ninang at Ninong, hindi taga bigay lamang ng mga regalo
11 na paraan para maturuan ang anak na maging THANKFUL
Rekumendasyon ng ginawang pag-aaral
Kaya naman base sa resulta na ito, may mahalagang paalala ang authors ng ginawang pag-aaral.
Photo by Jelleke Vanooteghem on Unsplash
Maging magandang halimbawa sa iyong anak.
Una ay dapat lang magsabi ng katotohanan ang isang magulang sa kaniyang anak. Siya ay dapat magsilbing magandang halimbawa sa kaniyang anak sa lahat ng oras. Kung sinasabi niyang hindi dapat magsinungaling, siya mismo sa kaniyang sarili ay dapat gawin ito.
“When parents tell children that ‘honesty is the best policy’, but display dishonesty by lying. Such behavior can send conflicting messages to their children.”
Ito ang pahayag ng lead author ng pag-aaral na si Assistant Professor Setoh Peipei mula sa NTU Singapore’s School of Social Sciences.
Gumamit ng makatotohanang halimbawa at iwasan ang mga exagerrated na pahayag.
Kaysa gumamit ng mga exaggerated na halimbawa mas mabuti rin daw gumamit ng mga makatotohanang halimbawa. Tulad ng “Kapag hindi ka sumunod ay hindi na kita bibigyan ng candy”. Kaysa sa pagsasabi na “Itatapon ka sa dagat ni Mommy, kapag hindi ka sumunod.”
Iwasan ang pagsisinungaling at gumamit ng ibang alternatibong paraan.
Dagdag pa ni Asst. Prof. Setoh, para maiwasan ang pagsisinungaling sa anak ay may mga alternatives na maaring gawin ang mga magulang. Tulad ng pag-acknowledge ng mga magulang sa feelings ng kanilang anak. Pagbibigay ng impormasyon para ma-set ang expectations ng isang bata sa kung anong maaring mangyari. At pagbibigay ng choices o solusyon sa problema na kinakaharap ng magkasama.
“Parents should be aware of these potential downstream implications and consider alternatives to lying, such as acknowledging children’s feelings, giving information so children know what to expect, offering choices and problem-solving together, to elicit good behaviour from children.”
Ito ang dagdag pang payo ni Asst. Prof. Setoh tungkol sa kung paano maiiwasan ang masamang epekto ng pagsisinungaling sa mga bata.
Sources:
Channel News Asia, NCBI
Photo:
Freepik
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Press Releases
TAP Picks
Rewards
