Paano kakapal ang buhok ng baby?

Paano kakapal ang buhok ng baby?

Narito ang ilan sa mga paraan na maari mong gawin para tumubong makapal at healthy ang buhok ni baby.

Paano kakapal ang buhok ng baby? Narito ang mga mabisang pampakapal ng buhok ni baby na maari mong gamitin at gawin.

Paano kakapal ang buhok ng baby?

Bagamat ang pagkakaroon ng manipis na buhok ng baby ay hindi naman isang seryosong kondisyon na dapat ipag-alala, bilang isang magulang ay isa itong sitwasyon na agad na dapat mabigyan ng agarang solusyon habang sila ay bata pa. Sa puntong ito ay hindi ka nag-iisa! Dahil marami sa atin ito rin ang ninanais para sa baby nila.

Paano kakapal ang buhok ng baby

Image from Freepik

Ito naman ay possible. At maraming mabisang pampakapal ng buhok ni baby ang maari mong subukang gamitin at gawin. Ilan sa mga ito ay ang sumusunod:

Mga mabisang pampakapal ng buhok ni baby

Oil massage

Ang pagmamasahe sa katawan ni baby ay nakakatulong upang tumibay ang kaniyang mga buto. Ganoon rin upang magkaroon ng maayos na sirkulasyon ang kaniyang dugo. Kung ang masahe ay gagawin naman sa kaniyang ulo ay ini-stimulate nito ang mabilis na pagtubo ng buhok. Lalo na kung ang pagmamasahe ay gagamitan ng mga oils gaya ng virgin coconut oil na hindi lang nagmomoisturize ng buhok ni baby kung hindi pinoprotektahan din ito mula sa mga harmful bacteria.

Panatilihing malinis ang buhok at ulo ni baby

Para ma-promote ang hair growth sa ulo ni baby mainam rin na panatilihing laging malinis ito. Ito ay upang matanggal ang mga dumi na maaring bumara o tumakip sa pores ng scalp o anit ni baby na pumipigil sa mga follicles ng buhok na tumubo.

Gumamit o bigyan ng vitamin D si baby

Paano kakapal ang buhok ng baby

Image from Freepik

Ang pagbibigay ng vitamin D ay isa ring mabisang pampakapal ng buhok ni baby. Ito ay maaring ipainom sa kaniya o kaya naman ay idagdag sa mga ikinakain niya. Maari ring ihalo ang vitamin D supplement sa isang carrier oil at saka imasahe sa kaniyang ulo. Sa ganitong paraan ay hindi lang tutubong makapal ang kaniyang buhok. Ito rin ay magiging healthy at shiny.

Pakainin si baby ng mga pagkaing rich in iron

Maliban sa vitamin D, ang isa pang nutrient na nakakatulong sa mas mabilis na pagtubo ng buhok ni baby ay ang iron. Mas pinapatibay rin nito ang buhok at sinisigurong ito ay tutubo ng makapal. Ang mga pagkaing mayaman sa iron na maaring ihalo sa diet ni baby ay mga green leafy vegetables, beans, pumpkin at marami pang iba.

Pakainin ng almonds kay baby

Ang almonds ay mayaman sa amino acid, proteins at omega 3 fatty acids na makakatulong sa mas mabilis na pagtubo ng buhok ni baby. At para makuha niya ang mga nutrients na ito ay mainam na ihalo ito sa kaniyang diet o pagkain.

Gumamit ng aloe vera sa buhok ni baby

Ang aloe vera ay hindi lang maganda sa ating balat. Nakakatulong rin ito sa mas mabilis at makapal na pagtubo ng buhok. Ang kailangan lang gawin ay imasahe sa ulo ni baby ang juice nito o kaya naman ay ihalo sa shampoo o kaniyang conditioner para sa mas magandang resulta.

Gumamit ng malambot na brush sa pagsusuklay ng buhok ni baby

Paano kakapal ang buhok ng baby

Image from Freepik

Para hindi ma-damage ang sensitive scalp pa ni baby ay gumamit lang ng malambot na brush sa pagsusuklay ng kaniyang buhok. Sa ganitong paraan ay hindi lang naalagaan na huwag maputol ang kaniya pang manipis at marupok na buhok. Kung hindi namamasahe rin nito ang kaniyang ulo na nag-iimprove ng blood circulation at nagpropromote ng hair growth.

Gamitan ng conditioner ang buhok ni baby

Tulad ng matatanda ang buhok ng mga baby ay hindi lang basta shampoo ang kailangan. Kailangan rin na ma-condition ang kanilang buhok gamit ang conditioner na angkop sa kanilang edad. Ito ay upang masiguro na hindi lang malinis ang buhok ni baby. Kung hindi ito ay manageable rin at healthy. Sa ganitong paraan ay mas mapapabilis ang tubo nito. At hahabang makapal at malusog ang kaniyang buhok.

Gumamit ng malambot ng towel sa pagpupunas ng buhok ni baby

Sa pagpapatuyo ng buhok ni baby ay mabuting gumamit ng malambot na towel. Ito ay upang masiguro na hindi ma-dadamage ang follicles ng kaniyang buhok, Dahil kapag ito ay nangyari ang kaniyang buhok ay malalagas o tutubong manipis.

Iba pang tips kung paano kakapal ang buhok ng baby

Maliban sa mga nabanggit ay may iba ka pang maaring gawin upang masigurong tutubo ng healthy at makapal ang buhok ni baby. Ang mga ito ay ang sumusunod:

  • Kung itatali ang buhok ni baby, siguraduhing hindi ito mahigpit. Dahil ang pagtatali ng mahigpit sa buhok ni baby ay maaring maka-damage rito. Kung maari ay iwasan ring gumamit ng mga rubber o goma sa kaniyang buhok. Dahil maaring dumikit dito ang kaniyang manipis na buhok at agad na maputol.
  • Siguraduhing properly hydrated lagi si baby. Dahil sa ganitong paraan ay maiimprove ang circulation ng kaniyang dugo na mahalaga sa pagtubo ng kaniyang buhok.
  • Kung lalabas at mainit ang panahon ay suotan ng sombrero o takpan ang ulo ni baby. Ito ay upang maprotektahan ang kaniyang buhok mula sa damage na maaring maidulot ng init ng sikat ng araw.

 

Source:

Super Baby, What To Expect, Comb and Scissor

Basahin:

LIST: Mga shampoo para sa naglalagas na buhok pagkatapos manganak

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner