Ang utak daw ay isang organ na palaging gutom, at siyang pangunahing kumukuha ng sustansiya ng mga pagkain na kinakain natin sa araw-araw. Alamin ang mga pagkain na puno ng vitamins para sa brain ng bata.
Kung nais na mabusog sa tamang nutrisyon ang utak ng mga bata, at umusbong at dumami ang mga dendrites nito, dapat kumain ng mga pagkaing hitik sa nutrients para sa utak, paliwanag ni Bethany Thayer, MS, RD, isang nutritionist at tagapagsalita ng American Dietetic Association (ADA), ayon sa WebMD.
Kung junk food ang kinakain, siguradong junk din ang mapupunta sa utak, hindi ba?
Pinoy Brain Food: 10 superfoods na puno ng vitamins para sa brain ng bata
Isama ang mga Pinoy brain food sa araw-araw na meal plans para lalo pang mapatalino ang iyong mga anak! | image courtesy: dreamstime
Ang mga pagkaing ito ay mayaman sa importanteng bitamina at nutrients para sa brain growth at function, tulad ng omega-3 fatty acids, choline (para sa memory), thiamin, vitamin B at E, iron at protina.
Ang mga ito ay masustansiyang Pinoy brain food dahil nagbibigay ng energy at nahahasa ang utak at isip ng mga bata, sa buong maghapon. Almusal, tanghalian, meryenda o hapunan, pasok na pasok ang mga pagkaing ito sa paborito ng mga batang kainin.
1. Itlog
2. Peanut Butter
3. Whole Grain
4. Oats/Oatmeal
5. Berries
6. Beans
7. Makulay na gulay
8. Gatas at Yoghurt
9. Lean Meat (o alternatibong karne)
Paano maipapasok sa araw-araw na diet ng mga bata ang mga pagkaing ito? Subukang maghain ng mga putaheng gusto ng mga bata, AT hitik pa sa sustansiya para sa kanilang talino at pag-iisip.
Narito ang mga masarap na Pinoy brain food na siksik sa sustansiya at nutrients para sa brain growth at function ng mga tsikiting.
Madali lamang isama ang mga Pinoy brain food sa inyong mga paboriting recipes! | image courtesy: dreamstime
1. Salmon Patties
Pwedeng gumamit ng delatang pink salmon o salmon fillet, binalatan at tinadtad. Ihalo sa toyo, 1 itlog, at asinan. Dagdagan ng sibuyas, carrots, at bread crumbs. Pwede ring haluan ng tinadtad na bawang at spinach. Bilugin at pormahin na parang burger patty, at saka prituhin.
2. Egg Sandwich o Egg Burrito
Simpleng egg sandwich, na ginawang mas exciting at kaaya-aya sa bata.
Durugin ang 6 na nilagang itlog, ihalo sa mayonnaise, sweet pickle relish, 1 kutsaritang asukal, dry mustard powder, teaspoon onion powder, asin at paminta. Kapag halo nang mabuti, palamigin sa refrigerator, at handa na ito para ipalaman sa tinapay.
Puwede rin itong haluan ng tinadtad na broccoli o spinach para mas masustansiya.
Gumamit ng whole grain, brown o multi-grain na tinapay, o ‘di kaya ay ibalot sa pita bread na parang burrito.
3. Pinoy Pork and Beans
Gumawa ng sariling pork and beans, imbis na magbukas lang ng delata. Magpakulo ng red beans at pork belly, hanggang lumambot ito. Ihiwalay ang baboy sa beans.
Pagkatapos ay maggisa ng bawang, sibuyas at tanglad (lemongrass) sa mantika. Idagdag ang baboy at igisa ito hanggang maluto. Idagdag ang lutong beans at sahugan ng langka. Dagdagan ng tubig kung kinakailangan.
Pwedeng sahugan ng patis, asin o paminta, depende sa panlasa. Dagdagan din ng dahong ng malunggay para sa mas masustansiyang pork and beans.
4. Pinoy Potato Salad
Magpakulo ng patatas at carrots hanggang lumambot. Hiwain ng parisukat (huwag balatan) ang patatas. Balatan at tadtarin ng maliliit ang carrots. Magpakulo din ng itlog, balatan at hiwain din.
Paghaluin ang carrots, itlog at patatasa, kasama ng sibuyas at tinadtad na celery. Sahugan ng bacon o ham, kung gusto. Haluing mabuti kasama ng mayonnaise, sour cream at mustard. Lagyan ng asin at paminta. Palamigin at saka ihain.
Ang mga makulay na gulay at prutas tulad ng kamatis, patatas, kamote, kalabasa, carrots, spinach—ay mabisang antioxidants at nagpapanatiling malusog ang brain cells.
5. Kakaibang “Healthy Bites”
Image from Freepik
Paghaluin lang ang 1 tasang peanut butter, ½ tasa ng honey, 1 tasang oats, ½ tasang milk powder—at mayroon nang malinamnam na spread mixture, na pwedeng ipalaman sa 2 hiwa ng mansanas, o di kaya ay 2 oatmeal cookies. Dagdag pa dito, puwede itong isawsaw sa yoghurt o gatas!
source: WebMD
BASAHIN: 5 na pagkain na pumipigil sa pagtangkad ng iyong anak
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
