Totoo ba talaga ang usog?

lead image

Totoo ba talaga ang usog? Alamin kung ano nangyayari kapag nausog ang iyong anak at kung ano ang mga puwedeng gawin para maiwasan ito.

Naniniwala ka ba sa “usog”? Papayag ka bang lawayan ng estranghero ang iyong anak? Dito papagusapan kung gaano kahalaga ang pamahiin na ito sa kalusugan ng mga bata at kung ano ang dapat gawin para maiwasan ito.

Ano nga ba ang usog?

Ang usog, o balis, ay isang pamahiin na may masamang mangyayari kapag nakabati ang anak mo ng estranghero o di kilalang tao. Karaniwang pinaniniwalaang nakakasama ito sa bata, kaya’t maraming mga magulang sa Pilipinas ang nag-iingat dito. 

Puwede raw itong magdulot ng:

  • Sakit sa tiyan
  • Magka-lagnat
  • Convulsions
  • Sakit sa ulo

Ang iba pa nga ay sinasabing hindi lamang nakaka-apekto sa bata o sanggol ang “usog” kung hindi pwede rin sa matatanda.

Sa ibang purok ay sinsasabing nangyayari ito kapag ang estranghero ay mayroong tinatatawag na masamang mata o “evil eye”. Ang paniniwala ng masamang mata ay nagmula sa mga Kastila. Ito ay galing sa pamahiin nilang tawag “mal de ojo”. 

usog

Image source: Unsplash

Ang sinasabing “lunas” sa usog

1. Lawayan

May paniniwala na upang mawala ang sakit ay kailangan lawayan ng estranghero ang bata sa noo, dibdib, o tiyan. Hindi kinakailangan dilaan ng estranghero ang bata. Puwede niya lamang ipahid ang laway niya gamit daliri.

2. Pwera usog! 

Upang mapagaling ang bata na nausog ay hindi lang sapat ang pagpapahid ng laway. Bago umalis ang estranghero ay kailangan sabihin “pwera usog po!” upang hindi mausog ang bata. Ang salitang “pwera” ay katulad lang ng pang paalis ng masasamang bagay. 

Myth or fact?

Ang pamahiin na ito ay matagal nang pinagpapasa ng maraming generasyon ng Pilipino. Habang mayroon parin sa panahon natin ang naniniwala dito, marami rin ang kumokontra o kaya di naniniwala rito.

Ang ilan pa nga ay sinasabing baka makasama ito sa mga bata, dahil maraming bacteria ang matatagpuan sa laway. Kung may sakit ang taong nagpahid ng laway sa bata ay posibleng mahawa pa ito. Dahil sa sensitibong immune system ng mga bata, baka lumala pa ang sakit.

Hindi naman masamang maniwala sa mga pamahiin, ngunit importanteng huwag balewalain ang siyensya. Kung sa tingin mo ay may sakit ang iyong anak, mas mabuting pumunta sa doktor kaysa sumubok pa ng kung anu-anong pamahiin. 

Dahil pagdating sa kalusugan ng iyong anak, hindi ito dapat dinadaan sa makalumang paniniwala. 

Sources: Abante

Basahin: Mga maling akala tungkol sa mga pamahiing Pinoy

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Written by

Ally Villar

app info
get app banner