Totoo ba talaga ang usog sa mga bata?

Totoo ba talaga ang usog sa mga bata?

Totoo ba talaga ang usog? Alamin kung ano nangyayari kapag nausog ang iyong anak at kung ano ang mga puwedeng gawin para maiwasan ito.

Naniniwala ka ba sa “usog”? Papayag ka bang lawayan ng estranghero ang iyong anak? Dito papagusapan kung gaano kahalaga ang pamahiin na ito sa kalusugan ng mga bata at kung ano ang dapat gawin para maiwasan ito. Tayong mga pilipino, nakasanayan na natin ang iba’t-ibang mga pamahiiin. Ang iba ay naniniwala rito at iba rin naman ay mas pinaniniwalaan ang medical side.

Pero ikaw? Nakaranas kana ba ng usog? O dumating na ba ang pagkakataon na bigla na lang sasabihin ng iyong lola na ikaw ay na usog? Sabay-sabay nating alamin kung ano ang usog at bakit ito nangyayari.

Ano nga ba ang usog?

Ang usog, o balis, ay isang pamahiin na may masamang mangyayari kapag nakabati ang anak mo ng estranghero o di kilalang tao. Karaniwang pinaniniwalaang nakakasama ito sa bata, kaya’t maraming mga magulang sa Pilipinas ang nag-iingat dito. Ayon sa mga sabi-sabi, iba’t-ibang klaseng epekto ang mararanasan ng taong na-usog.

usog

Ano ang usog? | Image from Dreamstime

Narito ang sintomas ng usog sa baby na maaaring makita sa kanya:

  • Sakit sa tiyan
  • Magka-lagnat
  • Convulsions
  • Pagtatae
  • Sakit sa ulo

Ang iba pa nga ay sinasabing hindi lamang nakaka-apekto sa bata o sanggol ang “usog” kung hindi pwede rin sa matatanda.

Sa ibang purok ay sinasabing nangyayari ito kapag ang estranghero ay mayroong tinatatawag na masamang mata o “evil eye”. Ang paniniwala ng masamang mata ay nagmula sa mga Kastila. Ito ay galing sa pamahiin nilang tawag “mal de ojo”. Kaya naman halos lahat ng naniniwala rito ay sobrang nag-iingat sa mga taong hindi kilala o alam na malakas ang usog sa bata. Malakas kasi ang epekto nito kapag nausog ka at maaaring makaapekto talaga sa gawain mo.

usog

Sintomas ng usog sa baby | Image source: Unsplash

Ang sinasabing “lunas” sa usog

1. Lawayan

Upang mawala ang usog sa bata, ito ay kailangang palawayan agad para maging mabuti ang kalagayan. May paniniwala na upang mawala ang sakit ay kailangan lawayan ng estranghero ang bata sa noo, dibdib, o kaya naman sa tiyan. Hindi kinakailangan dilaan ng estranghero ang bata. Puwede niya lamang ipahid ang laway niya gamit daliri. May ibang kaso na sobrang malala ang kanilang pagdumi o pagsakit ng ulo ngunit ng ito ay nilawayan ng nakausog, agad itong nawala at bumuti ang kalagayan ng nausog.

2. Pwera usog!

Upang mapagaling ang bata na nausog ay hindi lang sapat ang pagpapahid ng laway. Bago umalis ang estranghero ay kailangan sabihin “pwera usog po!” upang hindi mausog ang bata. Ang salitang “pwera” ay katulad lang ng pang paalis ng masasamang bagay. Maaari mo rin itong sabihin kapag ang iyong baby ay pinupuri ng isang hindi kilalang tao o kaya naman tao na alam mong malakas ang usog. “Pwere usog!” Ito ang sasabihin mo kapag sinabihan ng compliment si baby. Makakatulong daw ito para mapigilan ang usog na maaaring makuha ni baby.

usog

Sintomas ng usog sa baby | Image from Dreamstime

Myth or fact?

Dapat bang ikabahala ito?

Ang pamahiin na ito ay matagal nang pinagpapasa ng maraming generasyon ng Pilipino. Habang mayroon parin sa panahon natin ang naniniwala dito, marami rin ang kumokontra o kaya di naniniwala rito.

Ang ilan pa nga ay sinasabing baka makasama ito sa mga bata, dahil maraming bacteria ang matatagpuan sa laway. Kung may sakit ang taong nagpahid ng laway sa bata ay posibleng mahawa pa ito. Dahil sa sensitibong immune system ng mga bata, baka lumala pa ang sakit.

Hindi naman masamang maniwala sa mga pamahiin, ngunit importanteng huwag balewalain ang siyensya. Kung sa tingin mo ay may sakit ang iyong anak, mas mabuting pumunta sa doktor kaysa sumubok pa ng kung anu-anong pamahiin.

Dahil pagdating sa kalusugan ng iyong anak, hindi ito dapat dinadaan sa makalumang paniniwala.

 

Sources:

Abante

BASAHIN:

Mga maling akala tungkol sa mga pamahiing Pinoy

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Ally Villar

Inedit ni

Mach Marciano

Article Stories
app info
get app banner