Ipon Challenge: Kaya Mo Ring Gawing Php68,900 Ang Php50 Mo!

Gusto mo bang makapagipon ng pera ngayong taon pero di mo magawa dahil sa mga nagsisitaasang mga bilihin? (TRAIN Law, nakatingin kami sa’yo.) Puwes, pwede mong gawin ang 52-week Ipon Challenge!

Matapos maging viral sa iba’t-ibang social media sites at blog sites sa Estados Unidos, ang hamon na ito ay nasa bansa na natin. Kaya binansagan ito ng ating mga kababayan na 52-Week Ipon Challenge”.

Si Rhea Mocorro, kilala sa pangalang Kuripot Pinay, ang nag-localize sa hamon na ito at ginawa ito noong 2014. Nakapagipon sya ng mahigit Php60,000 pagkatapos ng isang taon!

Paano ko gagawin ang 52-week Ipon Challenge?

Simple lang naman ang hamon na ito. Kailangan mo lang mag-ipon ng pakunti-kunti linggo-linggo.

Halimbawa, nagpasiya ka na mag-ipon ng Php50 sa unang linggo mo. Sa susunod na linggo, doblehen mo sya at gawin mong Php100. Tapos sa pangatlong linggo, titriplehen mo ang inihulog mo noong unang linggo, hanggang ipagpatuloy mo ang ganitong proseso sa mga susunod na linggo.

Mukang simple lang, ‘diba? Bago mo subukan ang 52-Week Ipon Challenge, tandaan mo ang mga bagay na ito para matapos mo ang Ipon Challenge, ayon kay Rhea ng The Kuripot Pinay:

• Isang layunin. Ito ang maguudyok sa’yo na maghulog sa iyong pinagiipunan. Magisip ka ng gusto mong paggastusan na di mo naman kadalasang ginagawa. Ito man ay isang cellphone o isang bakasyon sa ibang bansa. Mula doon, paghati-hatiin mo s’ya para malaman mo ang halaga na dapat mong tipirin linggo-linggo.
• Alkansiya. Pwede kang gumamit ng plastik na lalagyanan, bote, garapon, o kahit anong matibay na lalagyanan na kayang humawak ng maraming barya. Gumamit ka ng may takip para hindi siya madaling kuhanan at hindi rin madaling makita kung gaano na kadami ang naipon mo.
• Template. Ang hamon na ito ay meron nang template na pwede mong i-print at idikit sa iyong alkansiya. Pero ang template na ito ay base sa dolyar kaya pwede mo naman itong baguhin ayon sa kaya ng budget mo.

Heto ang iba’t-ibang 52-Week ipon challenge templates na pwede mong gawin.

Bawat linggo: Piso

Ang maiipon mo sa 52 linggo: Php1378

Bawat linggo: 5 Piso

Ang maiipon mo sa 52 linggo: Php6890

Bawat linggo: 10 Piso

Ang maiipon mo sa 52 linggo: Php13,780

Bawat linggo: 20 Piso

Ang maiipon mo sa 52 linggo: Php27,560

Bawat linggo: 50 Piso

Ang maiipon mo sa 52 linggo: Php68,900

Pwede mong ipunin ang Php68,900 mula sa pinakamababang halaga pataas…

…O pwede ka ring mag-ipon mula sa pinakamalaking halaga, pababa.

Bawat linggo: 100 Piso

Ang maiipon mo sa 52 linggo: Php137,800

Walang palyang Ipon Challenge

Kapag sinimulan mo ang 52-Week Ipon Challenge sa unang linggo ng Enero ng hindi ka lalaktaw ng isang linggo, ito ang pwede mong maipon pagdating ng katapusan ng Disyembre. 

Sana’y swertehin ang sinomang gustong gawin ang hamon na ito, at nawa’y makayanan mong mag-ipon hanggang sa bagong taon!

Ang mga templates at paalala dito ay inilathala ng may permiso galing sa Kuripotpinay.com

Pwede mo ring basahin: Tipid Mommy Shares: Grocery shopping hacks to help you save!

Isinulat sa Ingles ni Raisa Tan.

Isinalin sa Tagalog ni Paul Amiel Salonga

Kung meron kang mga tanong, suhestion, o mga komento sa artikulong ito, ibahagi mo ito sa amin at i-type sa Comment box sa baba. I-like mo rin kami sa Facebook para malaman mo ang napapanahon galing sa theAsianparent.com Philippines!