6 Natural na paggamot sa lagnat ng bata

6 Natural na paggamot sa lagnat ng bata

Sa pag aalaga sa batang may lagnat, maaaring ayaw niyang uminom ng gamot. Ito ang 6 na natural na paraan para mapababa ang kanyang lagnat.

Walang mas masakit na pakiramdam para sa ina ang makita ng anak na may sakit at nahihirapan. Lalo na kung gising pa sila nang madaling araw dahil sa lagnat. Mahirap at masakit sa damdamin ang pag aalaga sa batang may lagnat. At kahit may mga maaaring ibigay na gamot para bumaba ang kanilang temperatura, hindi lahat ng magulang ay gustong gumamit ng gamot sa kanilang toddlers, lalo na kung hindi sinabi ng duktor. Dagdag pa dito, minsan ay ang bata mismo ang ayaw uminom ng gamot dahil nandidiri dito.

how to break a fever in a child

Image source: iStock

Buti nalang ay may ilang maaaring gawin na natural para mapababa ang lagnat. Maaaring makatulong ang mga ito magbigay ginhawa para makapag-pahinga ang bata.

  1. Bihisan siya ng manipis — Kailangang malamigan ang kanyang katawan, kaya bawasan ang layer ng kanyang suot para bumilis ang proseso.
  2. Hikayatin siyang uminom ng inumin — Maaaring maging mahirap ito kapag masama ang pakiramdam ng kanyang tiyan. Para mapa-inom, maaari siyang bigyan ng tubig sa kutsarita maya-maya.
  3. Maligamgam na panligo — Nakakagulat kung gaano ito kabisa. Maniwala ka, nasubukan ko na. Paliguan ang iyong toddler ng ilang minuto gamit ang maligamgam na panligo. Matapos to makikita ang malaking pagbabago sa kanyang temperatura.
  4. Cold compresses — Ang paglalagay ng malamig na washcloth sa kanyang noo, pulso, at ari, kung nasan malapit ang mga ugat sa balat, ay makakatulongsa pagpapalamig.
  5. Sponge bath — Kung ayaw siyang paliguan, subukan ang maligamgam na sponge bath para mapababa ang lagnat niya.
  6. Alukin siya ng ice cubes — Kung ayaw niya uminom, bigyan siya ng ice cubes o ice chips na maaaring sipsipin. Makakatulong ito na ma-hydrate siya at mapalamig din.

ANG IMPORMASYON NA NABIGAY DITO AY SA MAY PAG-IINTINDI NA ANG CAFEMOM AY HINDI NAGBIBIGAY NG MEDIKAL NA PAYO. HINIHIKAYAT NG CAFEMOM NA MAGPATINGIN SA DUKTOR PARA SA MGA MEDIKAL NA SITWASYON.

Kailan Mo Nga Ba Dapat Dalhin Ang Iyong Anak Sa Doktor?

Kadalasan, kung ang temperatura ng iyong anak ay mas mababa kaysa sa 38°C, maaari mong gamitin ang anim na gabay na nasa itaas upang maibsan ang masamang pakiramdam ng iyong anak. Kaya naman, importanteng magkaroon ng body thermometer lagi sa bahay para sa mga panahong ganito para ma monitor mo ang temperature ni baby.

Depende sa edad ng bata, maaari mong malaman kung kailan ka dapat maalarma pagdating sa kanyang temperatura. Kapag dumating sa puntong ito, mas mabuti kung kumausap na ng pediatrician upang mabigyan na siya ng tamang prescription.

  • Mula pagkapanagnak hanggang edad na tatlong buwan – kung ang kanyang temperatura ay umabot na sa 38°C (100.4°F) or mas mataas pa dito.
  • Edad mula tatlong buwan hanggang anim na buwan – kung ang kanyang temperatura ay umabot na sa 39°C (102°F). Pansinin rin kung siya ay iritable or palaging inaantok.
  • Mula anim na buwan hanggang dalawang taong gulang – kapag ang temperatura niya na 39°C ay hindi naiibsan sa loob ng isang araw, kailangan mo na siyang madala sa doktor. Obserbahan rin kung mayroon siyang pinapakitang ibang sintomas kagaya na lamang ng rash, ubo, o diarrhea. Kapag mayroon siya sa kahit alin sa mga nabanggit na sintomas, siguraduhing makausap agad ang kanyang pedia o dalhin sa pinaka malapit na ospital.

Para sa mga batang edad dalawang taon pataas, obserbahan ang kanyang temperatura. Kapag ito ay pabalik balik sa 40°C, tumawag agad sa kanyang pediatrician o pumunta sa pinaka malapit na ospital upang siya ay mapa-examine.

Tip: Kung ang kanyang lagnat ay tumagal ng tatlong araw o higit pa, tumawag na ng doktor o pumunta na sa pinaka malapit na ospital upang siya ay mabigyan ng tamang diagnosis at prescription.

Bilang isang ina, hindi maiiwasang mabahala sa lagnat lalo na kapag nakikita mong ito ay nakakaapekto sa energy ni baby. Mabuti na lamang at mayroong mga home remedies na maaari mong gawin upang maibsan ang sama ng pakiramdam ni baby.

Ang article na ito ay unang na-publish sa CafeMom at na-republish ng theAsianparent nang may paalam.

Source: theAsianparent Singapore, healthline.com

Basahin: Lagnat-laki: Totoo ba ang kundisyon na ito sa mga bata?

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner