Mas maaga raw nagsasalita ang mga baby kapag ginawa ito ng magulang

lead image

Napag-alaman na, ang pagbabasa ng magulang sa kanilang mga anak ay nakakatulong raw upang mabigyan ng advantage ang mga bata sa pagsasalita

Importante sa mga magulang ang development ng kanilang anak. Kaya nga maraming nauusong mga preschool, playschool, at kung anu-ano pa na nakakatulong para mas mabilis matuto ang mga bata. Ngunit alam niyo ba na ang simpleng pagbabasa sa bata ay nakakatulong upang maging advanced ang kanilang pagbabasa?

Paano nakakatulong ang pagbabasa sa bata?

Base sa isinagawang pagsusuri ng mga researcher mula sa Newcastle University, mas nakakaintindi raw ang mga batang madalas binabasahan ng kanilang mga magulang. Kung ikukumpara daw sa ibang mga bata ay malayo ang agwat ng kanilang kakayanan na umintindi at magsalita.

Ayon kay James Law, Professor of Speech and Language Sciences sa Newcastle, matagal nang alam ang benefits ng pagbabasa sa mga bata. Ngunit ang nakakagulat raw ay nang malaman nilang nabibigyan daw nito ng advantage na 8 buwan ang mga bata.

Para sa mga batang may edad na 5 pababa, malaking bagay na raw ang 8 buwan, lalo na pagdating sa kanilang kakayahang magsulat.

Mahalagang patibayin ang language skills ng mga bata

Teach kids to love books

Dagdag pa ng mga researcher na importante raw ang language skills habang maliit pa ang mga bata. Nakakadagdag ito sa kakayahan nilang umunawa, na mahirap ma-develop kung tumanda na sila.

Madalas, kapag hindi gaanong malakas ang language skills ng bata, ay nahihirapan sila sa paaralan. Ito ay dahil nahihirapan silang umintindi, at hindi rin madali para sa kanila ang pagpapahiwatig ng kanilang saloobin.

Mahalaga ang pagpapatibay ng language skills dahil nakakatulong ito sa kanilang pagsasalita, pagbabasa, at pag-unawa. 

Anu-ano ang mga paraan para ma-boost ang language skills?

Bukod sa pagbabasa sa bata, heto ang ilang mga paraan upang matulungan ng mga magulang ang language skills ng kanilang mga anak:

  • Kausapin palagi ang iyong anak para masanay sila sa pag-uusap
  • Turuan sila ng mga bagong salita, at kausapin sa kanila gamit ito
  • Iwasan ang TV sa hapag-kainan. Sa halip, mas magandang maglaan ng oras para mag-usap ang pamilya
  • Sa halip na mga laruan, bilhan ng mga libro ang iyong anak
  • Maglaan ng oras sa pagbabasa upang mahalin ng iyong anak ang pagbabasa
  • Iwasan ang baby talk, dahil posibleng makasama ito sa development ng iyong anak

 

Source: Telegraph

Basahin: Reading accelerates more than just brain development in children!

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!