#AskDok: Bawal ba ang instant noodles o pancit canton sa buntis?

#AskDok: Bawal ba ang instant noodles o pancit canton sa buntis?

Moms, naiintindihan namin na maaaring mag-crave ng instant noodles habang nagbubuntis. Ngunit, bawal ba ang instant noodles sa buntis ayon sa mga eksperto?

Dito sa Asya, mahilig tayo sa instant noodles kahit pa alam natin na hindi ito ang tipo na nakakatulong sa kalusugan. Ngunit paano pa para sa mga buntis? Ligtas ba ito o bawal ba ang instant noodles sa buntis?

Dalawang rason kung bakit hindi pinapayo ang pagkain ng instant noodles habang nagbubuntis
instant noodles during pregnancy

Siguro naman ligtas ang masarap at murang pagkain na ito…di ba? | image Source: Stock Photo

1. May mataas na salt content

Ang isang serving ng instant noodles ay mayroong 861 mg ng sodium. Ito ay nasa 1,722 mg sa bawat isang pakete.

Ngayon, isipin ang pinapayo ng mga eksperto na panatilihin ang pagkain ng sodium sa pagitan ng 1,500 mg hanggang 2,300 mg sa isang araw. Makukuha na agad sa isang pakete ng instant noodles ang recommended na consumption nito. Ipinapayo ng mga duktor na bantayan ang pagkonsumo ng salt, nakakadagdag ito sa panganib ng mataas na blood pressure o hypertension.

Kapag buntis, lalong kailangang maging maingat pagdating sa blood pressure. Ito ay dahil ang hypertension ay maaaring magdulot ng kumplikasyon sa kalusugan. Ngunit lalong kailangang maging maingat sa tinatawag na preeclampsia. Maaari itong magdulot ng malubhang komplikasyon sa kalusugan ng baby at mommy.

Makikita sa mga pag-aaral na napatunayan nang ang pagbawas ng pagkain ng maaalat ay nakaka-iwas sa mataas na blood pressure. Sa isa pang pag-aaaral, makikitang ang hindi pagkain ng sobrang salt ay napapababa ang panganib ng cardiovascular diseases ng hanggang 30%.

Kaya, importante para sa mga buntis ang iwasan ang pagkain ng sobrang alat, lalo na ang mga high-sodium tulad ng instant noodles.

instant noodles during pregnancy

Habang buntis ay dapat iwasan ang instant noodles dahil naglalaman ito ng synthetic colouring at preservatives. | Image Source: Stock Photo

2. May synthetic chemicals tulad ng preservatives at colouring ang instant noodles

Ang mga processed na pagkain ay may mga dagdag na kemikal tulad ng preservatives at colouring. Marami nang pag-aaral ang nagpapakita ng panganib sa kalusugan ng ilang additives. Habang buntis, ang sobrang additives ay maaaring magdulot ng malubhang komplikasyon sa kalusugan ng baby. Naaapektuhan pa nito ang kanyang utak.

Dagdag pa dito, mas matagal matunaw ng katawan ang instant noodles. Ito ay dahil sa nilalaman na wax at ang preservative na TBHQ. Maaaring tumagal nang 4 hanggang 5 araw bago ito tuluyang matunaw. Ang matagal na pagtunaw ay maaaring maka-hadlang sa iyong digestive system na madalas ay marami nang prublema dahil sa pregnancy hormones.

Ang sinasabi ng mga duktor sa pagkain ng instant noodles habang buntis
instant noodles during pregnancy

Isang ina na kumakain ng instant noodles habang nagbubuntis (paglalarawan lamang). | Image Source: Stock Photo

Si Dr. Benny Johan Marpaung ay isang ispesyalista sa Obstetrics at Gynecology sa Brawijaya Women’s and Children’s Hospital sa South Jakarta. Ayon sa kanya, “Habang nagbubuntis, ano mang kainin ng ina ay direktang makaka-apekto sa fetal development. Kaya, makakabuti sa mga nagbubuntis ang maging ma-ingat sa kanilang kinakain.”

Ipinaliwanag ni Dr. Benny na ang synthetic flavors at preservatives sa instant noodles ay mapanganib sa pagbubuntis. Maaari din itong magkaroon ng negatibong impact sa baby. Kaya, makakabuti para sa mga ina ang iwasan ang pagkain ng instant noodles habang buntis.

Para sa mga buntis na nais kumain ng instant noodles, subukan ito

Buntis at nagcra-crave ng instant noodles? Bakit hindi subukan ang masmasustansyang alternatibo na beefy tomato noodle soup?

Mga sangkap:

  • 4 kamatis – chopped (tanggalin ang balat; gumawa ng cross sa base ng kamatis at ibabad sa mainit na tubig ng limang minuto para mas madaling balatan)
  • 500 g beef – sliced
  • 500 ml beef stock
  • 1 tsp of:
    • tomato puree
    • asukal
    • sesame oil
  • worcestershire sauce
  • paminta
  • harina at tubig (gawgaw)
  • noodles – sundin ang instruction ng pagluto ayon sa pakete
Paano ito gawin:
  1. Pakuluan ang kamatis sa beef stock hanggang maging malambot at hiwa-hiwalay.
  2. Idagdag ang beef at mga natitirang sangkap.
  3. Idagdag ang gawgaw.
  4. I-serve kasama ang noodles.

Sana ay makatulong ang article na ito sa mga nagbubuntis. Kung nais mag noodles, subukan ang aming wantan mee noodle o soto mee recipes. Siguradong mas masustansya ito kaysa sa instant noodles!

 

References: Healthline (1, 2), NCBI (1, 2)

Basahin din:

Eating right during your pregnancy

3 fruits to avoid during the first trimester of your pregnancy

8 Must-eat foods for pregnant mummies

Ang article na ito tungkol sa pagkain ng instant noodles habang nagbubuntis ay isinalin sa Filipino ni Camille Alipio-Luzande at na-republish nang may permission mula sa theAsianparent Indonesia.

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner