Ang pananakit ng lalamunan sa paglunok ay pangkaraniwan na nararamdaman ng sino man. Ano man ang iyong edad, maaari mong maramdaman ang masakit na paglunok. Ngunit, may iba’t ibang dahilan kung bakit nararamdaman ang sintomas na ito. Karaniwan, ang sakit sa lalamunan na may kasamang pananakit ay dahil sa impeksiyon o allergic reaction. Kung malala ang sakit na nararamdaman, magpakonsulta sa duktor.
Mga sanhi
Ang mga pangkaraniwan na sanhi ng sakit sa lalamunan ay:
- Sipon
- Trangkaso
- Talamak na ubo
- Impeksiyon sa lalamunan
- Pangangasim ng sikmura
- Tonsillitis
Ang mga hindi pangkaraniwan na sanhi ay:
- Pamamaga ng mga lymph nodes sa leeg
- Pinsala sa lalamunan
- Impeksiyon sa lalamunan
- Paglunok ng malalaking gamut
- Hindi tamang paglunok ng pagkain na matitigas
Mga posibleng komplikasyon
Kapag lumala at hindi agad nabigyang lunas ang sakit sa lalamunan, maaari itong maging sanhi ng iba’t ibang komplikasyon tulad ng:
- Impeksiyon sa baga
- Paglala ng mga bacterial o viral infections
- Panandalian o pang-habangbuhay na pagka-wala ng panlasa
- Pagalala ng pamamaga ng lymph nodes sa leeg
Sintomas ng impeksiyon
Kung mayroong impeksiyon na dala ang sakit sa lalamunan, maaaring maramdaman ang mga sumusunod na sintomas:
- Lagnat
- Panginginig
- Sakit ng ulo
- Tuyong pag-ubo
- Pagpapawis
- Pamamaga ng tonsils
Kailan dapat kumunsulta sa duktor?
Para sa mga bata, tawagan ang mga pedyatrisyan kung ang sakit sa lalamunan ay may kasamang:
- Hirap sa paghinga
- Hirap sa paglunok
- Paglalaway
- Pamamaga ng lalamunan
Sa mga nakaka-tanda, pumunta agad sa hospital kung nararanasan ang mga sintomas na sumusunod:
- Hirap ibuka ang bibig
- Hirap sa paglunok
- Patuloy na paglala ng sakit nsa lalamunan
- Hirap sa paghinga
- Dugo kasama ng pag-ubo
- Sintomas na tumatagal nang mahigit isang linggo
- Pagkawala ng boses nang mahigit dalawang lingo
- Pananakit ng mga kasu-kasuhan
- Bukol sa leeg
- Pagpapantal
Image from Freepix
Pagsusuri sa sanhi ng sakit sa paglunok
Kung ang pisikal na pagsusuri ng duktor ay hindi sapat upang matukoy ang sanhi ng sakit sa lalamunan, maaaring isagawa ang mga sumusunod na tests:
- Complete Blood Count – Binibilang ng pagsusuri na ito ang dami ng iba’t ibang cells sa dugo ng tao. Sa pamamagitan nito, matutukoy ng mga duktor kung may impeksiyon na sanhi ng virus o bacteria.
- MRI o CT Scan – Makikita ng duktor kung may kakaiba sa lalamunan ng sinusuri. makikita rin dito kung may mga tumor sa lalamunan.
- Throat Swab Culture – Kukuha ng sipon mula sa likod ng lalamunan at susuriin upang makita kung may mga organisms na maaaring nagdudulot ng impeksiyon.
- Sputum Culture – Kukuga ng plema upang suriin kung may mga organisms sa lalamunan.
- Barium Swallow Test – Papa-inumin ng Barium ang pasyente at kukuhanan ng X-Ray ang pag-lunok nito. Sa pamamagitan nito, makikita ng mga duktor kung ang pagkain at inumin ay dumadaloy nang maayos sa katawan ng tao.
Image source: Shutterstock
Mga lunas sa sakit sa lalamunan
Iba-iba ang lunas sa sakit sa lalamunan depende sa matatagpuan na sanhi nito. Kadalasan ay magre-reseta ang duktor ng antibiotics upang mabigyang lunas ang impeksiyon sa lalamunan, tonsils o esophagus. Maaari rin magreseta ng mouthwash o spray na magpapamanhid sa lalamunan upang matulungan ang mga pasyente na nahihirapan sa paglunok ng mga gamot na tutulong sa paglunas sa sakit.
Kung ang sakit sa lalamunan ay dala ng pabalik-balik na tonsillitis o kaya naman hindi na naaapektuhan ng gamot ang paglunas sa tonsillitis, maaaring irekomenda ng duktor na tanggalin na ang tonsils ng pasyente.
Madaliang remedyo
Kung ang pamamaga sa esophagus ay dulot ng acid reflux, maaaring bumili ng antacids mula sa mga drugstore upang mabawasan ang pamamaga. Pero kung pabalik-balik ang acid reflux, maaaring magrekumenda ng gamot para dito ang duktor.
Iba pang madaliang remedy para sa masakit na paglunok:
- Madalas na pag-inom ng tubig
- Magmumog ng 8 ounces na tubig na may halong 1 teaspoon ng asin upang mabawasan ang pamamaga at sakit ng lalamunan
- Humigop ng mainit na inumin
- Iwasan ang mga maaaring maka pagpalala ng sakit ng lalamunan tulad ng paninigarilyo at pag-inom ng may chemicals
- Gumamit ng humidifier
Maaaring gawin ang mga remedy sa bahay o uminom ng mga gamot na hindi kailangan ng reseta upang makatulong sa paglunok. Marami ang napapagaling ang sakit sa paglunok sa ganitong paraan lamang. Kapag lumala o tumagal pa ang pananakit, magpasuri na sa duktor.
Magpa-konsulta rin kung may iba pang sintomas na nararamdaman.
Source: Healthline
Basahin: 10-anyos patay dahil sa flu virus at strep throat infection
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
