13 sintomas ng depresyon sa mga bata

lead image

Lingid sa kaalaman ng karamihan, nagkakaroon din ng depression ang mga maliliit na bata. Alamin kung ano ang mga senyales nito.

Isa sa mga maling pagaakala ng mga magulang ay ang mga bata ay hindi posibleng makaranas ng depresyon. Sa kasamaang palad, kahit sa murang edad, maaaring makaranas ng sintomas ng depresyon ang mga bata.

Maaaring hindi ito maramdaman ang mga bata o hindi nila mahanap ang mga salita para maipahiwatig ang nararamdaman. Pagnapansin ang mga sintomas ng depresyon na ito, lapitan agad ang eksperto.

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan, at napapanahon, ngunit, hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerekomenda naming magpakonsulta sa doktor upang makakuha ng mas malinaw na impormasyon.

sintomas ng depresyon

13 sintomas ng depresyon sa mga bata

1. Bumababa ang mga grado sa paaralan

Pagnakakaranas ng depresyon ang mga bata, nahihirapan silang tumuon, makinig sa mga guro at sumabay sa mga aralin. Kapag ang mga grado ng bata ay biglang nagsibabaan, suriin ang dahilan nito.

Maaring sabihin ng mga bata na hindi sila makapag-isip nang mabuti at pakiramdam nila ay hindi gumagana nang tama ang isip nila.

2. Pagod ang pakiramdam kahit kumpleto sa tulog

Maaaring nakakaranas ng sintomas ng depresyon ang mga bata kung may malaking pagbabago sa kanilang pagtulog.

Kadalasan, kapag nagising nang maaga ang batang nakararanas ng depresyon, nahihirapan silang matulog muli. Ang tulog nila ay hindi mababawi kahit pa matulog sila buong hapon kinabukasan.

Ang pagod na naidudulot nito ay maaaring maka-apekto sa kanilang mga grado at sa mga relasyon sa tao sa paligid nila. Naaapektuhan nito kung paano sila mabuhay.

3. Pakiramdam ng bata ay wala silang halaga

Lumapit sa mga ispesiyalista kapag ang bata ay nagsasabi ng "ayaw ako ng lahat" o "wala akong kwenta." Maaaring makatulong ang mga eksperto upang makilatis ang mga ganitong naiisip ng bata.

4. Tila wala silang kaibigan ngunit ayos lang ito sa kanila

Ang mga batang nakararanas ng sintomas ng depresyon ay kadalasang pinipiling ibukod ang mga sarili nila mula sa iba.

Kadalasan ay hindi sila sinusubukan lapitan ng ibang bata dahil dito kaya ang nakararanas ng depresyon ay hindi naiimbita o naaaya ng mga kaibigan. Kung mayroon man mag-aya sa kanila, hindi sila sumasama o hindi natutuwa kung sumama man sila.

5. Tumatanggi sila sa mga masasayang aktibidad

Sa pagasikaso sa mga aralin, mga kaibigan, mga extra-curricular at iba pa, natural lamang na mapagod ang mga bata. Ngunit kailangan maging mapag-masid ng mga magulang kung ang mga aktibidad ng mga bata ay hindi na nagbibigay ng kasiyahan sakanila.

Ang mga may depression ay hindi tumutugon nang maayos sa mga masasayang aktibidad dahil napuwe-puwersa silang ipakita na masaya sila kahit hindi.

6. Ang bawat paguusap ay nagiging matindi

Ang depresyon sa mga bata ay maaaring hindi lumabas bilang malubhang kalungkutan ngunit bilang pagiging iritable. Kung ang bata ay nagagalit bigla nang walang kadahilanan sa kahit anong sitwasyon, maaaring nakararanas sila ng sintomas ng depresyon.

7. Hindi sila napapasaya ng masasayang ala-ala

May mga bata na likas na hindi masiyahin at may mga bata na may depresyon.

Para masabi ang pinagkaiba, pagusapan ang mga masasayang ala-ala. Ang mga hindi masiyahin ay mapapangiti sa mga ganitong usapan ngunit ang pagala-ala sa mga ito ay hindi magpapasaya sa may depresyon.

8. Nagiging madalas ang kanilang pag-iyak

Natural lamang ang pag-iyak sa mga bata. Ngunit, kung mapansin na mas dumadalas na ang pag-iyak ng bata, suriin ang mga sitwasyon na nagiging dahilan ng mga ito at ikonsulta sa mga eksperto.

9. Ayaw magpa-aliw ng bata

Natural lamang na malungkot ang bata lalo na kung may pinagdadaanan na malaking pagbabago. Kadalasan ang tao na may pinagdadaanan ay tinatanggap ang pagbigay ng suporta ng ibang tao.

Ang batang nakararanas ng depresyon at tatanggi sa pag-aliw na binibigay ng mga tao sa pagiisip na hindi nito mababago ang sitwasyon.

10. Dumadalas ang masakit na nararamdaman ng bata

Ang mga pisikal na sakit, tulad ng sakit ng tiyan o ulo, ay madalas nararamdaman ng mga batang nakararanas ng depresyon. Kung dumadalas ang mga ganitong nararamdaman ng mga bata, mangyaring ipasuri agad sa eksperto.

11. Tila nag-iba ang bata

Kung tila nawalan ng pakialam ang bata sa lahat ng bagay, eskuwelahan man o kaibigan, maaaring isa itong sintomas ng depresyon sa mga bata.

12. Nag-iba ang gana ng bata sa pagkain

Ang pagbago sa gana ng bata sa pagkain ay maaaring sintomas ng depresyon. Maaaring ang mapili sa pagkain ay biglang nagiging mahilig sa matamis o ang maganang kumain ay biglang nagiging mapili.

Natural lamang na magbago ang hilig ng bata sa pagkain ngunit kung biglaan ang pagbabago, obserbahan ang bata.

13. May ibang kapamilya na nakaranas ng depresyon

Ayon sa pagaaral, ang depresyon ay maaaring mamana. Maaaring ang ibang kamag-anak ay hindi nasuri ang depresyon na naramdaman kaya ito ay dapat bigyang pansin.

Tignan ang mga sintomas ng depresyon at tignan kung may kamag-anak na nakaranas o nakakaranas nito.

 

Kahit sino at kahit anong edad ay maaaring makaranas ng sintomas ng depresyon. Maaaring ito ay nabuo lamang o namana mula sa mga kamag-anak. Ang importanteng bagay ay mabantayan at mabigyang tulong ang mga bata nang malaman nila na hindi normal ang kanilang nararamdaman.

 

Source: Reader's Digest

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner