May mga pagkain na pang merienda na sadyang nakakahikayat para sa mga bata na kainin. At siyempre, bilang mga magulang nais natin ibigay ang mga nakakahiligan ng ating mga anak, lalo pa’t pagkain naman ito. Ngunit paano kung ang mga pagkain na ito ay mga pagkain na nakaka cancer?
Sa isang ulat ng Science in the Public Interest (CSPI), inalarma nila ang publiko na may mga ingredients sa mga pagakaing paborito ng mga bata na mayroong mga food dye na hindi maganda para sa kalusugan.
Ayon sa mga pag-aaral sa nakaraang 40 na taon, nagiging sanhi daw ang food dyes at iba pang ingredients ng pag-iiba ng ugali ng mga bata. Sumang-ayon naman dito ang U.S. Food and Drug Administration (FDA).
May pag-aaral din na ang refined petroleum na karaniwan ding ginagamit sa mga snack na pambata bilang preservative, flavor at pampatingkad ng kulay. Ito rin daw ay nagdudulot ng mga sumusunod na problema sa kalusugan ng mga bata. Ang Yellow 5 at Red 40 ay gawa mula sa petroleum at itinuturong puwedeng maging sanhi ng mga sumusunod*
- Hyperactivity sa mga bata
- Cancer (animal studies)
- Allergic reactions
- Pag-ihi sa kama
- Ear infections
- Sakit ng ulo
- ADD/ADHD
- Chromosomal damage
- Pagiging bugnutin
Bukod pa ito sa fact na walang nutrisyon ang mga dye na ito at ginagamit lamang pamalit sa tunay na ingredient. Katulad na lang ng Tropicana Twister Cherry Berry Blast (hindi available sa Pilipinas) na walang cherries o berries sa ingredients. Mukha lamang itong fruit juice dahil sa Red 40 dye.
Kaya naman sinimulan nang ipagbawal ang pag-gamit ng artipisyal na mga kemikal na ito sa mga pagkain sa buong Europe. Ngunit sa kasamaang palad, hindi pa ito striktong naipapatupad sa maraming bansa at nakakalusot pa rin ang mga ingredients na ito sa pagkaing pambata.
Narito ang limang popular na pagkaing pambata** na dapat daw iwasang ibigay nang maramihan sa mga bata:
1. M & Ms*
Ang listahan ng ingredients ng M&Ms na binili sa Singapore.
Ang popular na tsokolate na ito ay karaniwang gumagamit ng mga food dyes na Red 40, Yellow 5, at Blue 2, na kilalang nagiging sanhi ng tumor sa utak at bladder ayon sa CSPI.
Ayon pa sa ulat ng CSPI, sa mga animal testing na ginawa, hindi “safe” na gaitin ang Blue 2 dahil sa pagiging sanhi ng mga tumor sa utak dahil dito.
Ang Yellow 5 naman daw ay nakontamina ng ilang cancer-causing na kemikal, dagdag ng CSPI. Nagiging trigger din daw ito ng hypersensitivity sa ilang mga tao at hyperactivity naman at ibang problema sa pag-uugali ng ilang mga bata.
Mayroon din daw ganitong katangian na maaaring maging sanhi ng hypersensitivity ang Blue 1 na isa ring ingredient ng tsokolate na ito.
*Noong February 2016, naglabas ang Mars Inc, ang manufacturer ng M & Ms, ng announcement na tatanggalin na nila ang artificial colors sa kanilang mga pagkain, kabilang na ang M &Ms, sa loob ng limang taon. Basahin ang buong istorya dito.
2. Fruit Loops
Sa kaliwa ang Fruit Loops na binili sa Singapore. Sa kanan ang Fruit Loops galing sa US.
Ayon sa CSPI, ang US versionng popular na cereals ay mayroong mga food dyes na Red 40, Blue 1, at Yellow 6.
Nakasaad na sa itaas ang posibleng epekto ng Red 40 sa katawan. Ang Yellow 6 naman ay “maaaring nakontamina ng mga cancer-causing chemicals at minsan ay nagiging sanhi ng lubos na hypersensitivity.”
3. Fanta Orange
Ang Fanta na ito ay nabili sa Singapore. Hindi nakasaad kung anong “colorings” ang ginamit, ngunit sa website mismo ng Coca-Cola, kumpanya na gumagawa ng Fanta, nakalagay sa ingredients na mayroon itong Red 40 at Yellow 6.
Dalawa sa ingredients ng popular na inumin na ito ay ang Yello 6 and Red 40 dyes na nabanggit na sa itaas.
4. Skittles Original
Sa kaliwa ang Skittles na nabili sa Singapore. Sa kanan ang Skittles galing sa Amerika.
Mayroon namang mga food dye na Red 40, Yellow 5, Yellow 6, Blue 2, at Blue 1 ang matamis na candy na ito, ayon sa CSPI.
Narito ang buong listahan
Paalala sa mga magulang: Nilabas ang listahan na ito noong 2016. Maaaring may mga iba rito, katulad ng McDonald’s Strawberry Sundae, na binago na ang ingredients ng mga produkto. Usisain mabuti ang product label ng mga binibili upang makita kung may food dye na nabanggit sa itaas na kasama sa ingredients.
Kung nakakaramdam ng kung ano man dahil sa pagkain ng mga nasa listahan, kumonsulta sa duktor.
Reference: Center for Science in the Public Interest
Basahin ang link na ito para malaman ang masasamang epekto ng food dyes sa katawan. Ang artikulo na ito ay base sa ulat ng CSPI, walang additional sources o interviews na naisagawa para sa artikulo na ito. Gayunpaman, pinapaalalahanan ang mga magulang na ugaliing tignan ang label ng mga pagkain at i-research ang mga ingredients na nilalaman nito.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
