Umabot na sa mahigit P1 billion ang prize na puwedeng mapanalunan sa 6/58 lotto ng Philippine Charity Sweepstakes. Sa huling draw noong October 9, wala pa ring nananalo ng jackpot prize. Kaya naman madaming mga nagsimula nang tumaya para magkaroon ng chance na manalo at maging bilyonaryo.
Dahil trending ngayon ang pag-taya sa 6/58 lotto, may isang Facebook page, ang Official Kaloka, ang nagtanong: “Ano ang gagawin mo kapag ikaw ang nag-iisang nanalo ng 1 billion sa lotto?” At siyempre, sumagot ang mga netizens!
Narito ang nakalap namin na pinaka-nakakatawang mga sagot sa P1 billion-peso question:
May pinagdadaanan ka, ate?
“Ididikit ko yung pera sa katawan ko para magkaro’n ako ng halaga.”
Wag ka din, uuwi sa bahay ninyo.
“Bibigyan ko ng 100 million [ang] nanay ko, pag ‘di niya naubog ng isang gabi, wag [na] siyang uuwi.”
Grabeee.
“Bibigyan ko ng sampung sako ng tawas yung classmate kong amoy putok para mabuhay kaming lahat ng matiwasay.”
Ayaw niya kay Cardo.
“Bibilihin ko po si Cardo [tapos] papatayin ko siya para tapos na agad ang problema ni Lola Flora.”
Pero mayro’n ding fans si Kardo!
“Bibigyan ko ng pondo Ang Probinsyano para umabot ng 50 years ang eksena ni Kardo Dalisay at mamatay siya sa katandaan.”
May #hugot din si kuya.
“Magtatayo ako ng sarili kong Lotto outlet para kahit papaano maranasan ko rin na pilahan…”
Friends siguro sila nung gustong bumili ng Lotto outlet.
“Bibili ako ng maraming eroplano para sunduin yung mga tao na iniwan sa ere.”
Brgy. Chismosa
“Bibili ako ng lote, gagawin kong baranggay. Tapos tatayuan [ko] ng maraming bahay. Kunyari may charity [tapos ipamimigay ko ang bahay] pero ang pipiliin ko [lang] mga chismosa. Do’n sila magsama-sama.”
True!
“Sasabihin ko sa mga taong may utang sa’kin na huwag na silang magbayad [ng utang] para pansinin na nila ako ulit. Para friends na uli kami.”
LOL
“Bibigyan ko ng tig-iisang milyon lahat ng tambay para lalo silang tamarin mag-trabaho.”
Ibang klaseng pagkakawang-gawa
“Palalagyan ko ng buhok lahat ng panot para hindi sisipunin. At papalagyan ko lahat ng [pustiso] yung mga walang ngipin para maramdaman din nila kung gaano kasarap ang chicharon na malutong.”
Kahit karamihan ay kwelang mga sagot, may mga ilan ding na ganito:
“Magbibigay ako ng tulong sa mga taong may cancer, sa mga charities na sumusuporta sa cancer. Mama ko kasi namatay sa cancer at alam ko kung gaano kahirap ang dinanas niya. Sana I can make it happen.”
Manalo ka sana, kuya!
Source: Official Kaloka Facebook
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
