Para sa maraming mag-asawa, ang pagiging masaya kasama ang isa’t-isa ay napakaimportante. Dahil kung hindi ka masaya sa asawa mo, madalas ibig sabihin nito na mayroong kayong problema na hindi napag-uusapan, o di kaya’y may mga tinatago kayong mga hinanakit sa isa’t isa.
Karamihan ng mga tao ay iniisip na ang sikreto sa pagiging masaya sa buhay mag-asawa ay ang pagkakaroon ng parehas na hobbies, o di kaya’y parehas kayo ng mga kaibigan. Ngunit ayon sa isang research, iisa lang ang sikreto ng mga masayang mag-asawa, ito ay ang tumawa.
Importante ang tumawa para sa mga mag-asawa
Ayon kay Laura Kurtz, isang social psychologist sa University of North Carolina, nalaman niya na ang sikreto ng mga masasayang mag-asawa ay ang palagi nilang pagtawa.
Nalaman nila na ang mga mag-asawa na masaya kapag nag-uusap, at palaging natatawa o napapangiti sa mga kwento ng isa’t isa ay mas masaya kumpara sa mga mag-asawa na hindi ginagawa ang ganitong ugali.
Napansin din nila na mas komportable sa isa’t-isa ang mga mag-asawang mahilig tumawa, at nararamdaman nila na mas malapit sila sa kanilang asawa.
Ang pekeng pagtawa naman ay hindi maganda
Nalaman din ng mga researcher na ang mga taong madalas peke ang tawa, o kaya’y hindi komportable na tumawa kasama ang asawa nila ay mas mayroong mga problema. Ito rin minsan ay senyales na baka may malalim na problemang hindi pa napag-uusapan o di kaya’y nasosolusyonan.
Dagdag ni Laura Kurtz, “Moments of shared laughter are potent for a relationship. They bring a couple closer together.”
Tama nga naman, kapag malaya kang tumawa at ngumiti kasama ang iyong asawa, ibig sabihin nito ay komportable kayo sa piling ng isa’t isa, at mas malapit kayo.
Source: nowtolove.co.nz
READ: 5 Daily habits of happy couples who only have eyes for each other
Be sure to check out theAsianparent Community for more insightful stories, questions, and answers from parents and experts alike. If you have any insights, questions or comments regarding the topic, please share them in our Comment box below. Like us on Facebook and follow us on Google+ to stay up-to-date on the latest from theAsianparent.com Philippines!
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
Money Tips
Building a BakuNation
Para Sa Magulang
Anak
Pagpapalaki ng anak
Kalusugan
Edukasyon
Lifestyle
VIP Community
Press Releases
Rewards
VIP Parents
