X
theAsianparent Philippines Logo
theAsianparent Philippines Logo
EnglishFilipino
Product GuideSign in
  • Building a BakuNation
  • Para Sa Magulang
    • Nagplaplanong Magbuntis
    • Pagbubuntis
    • Pangaganak
    • Nawalan ng baby
    • Project Sidekicks
  • Anak
    • Newborn
    • Sanggol
    • Toddler
    • Pre-Schooler
    • Bata
    • Pre-Teen At Teen
  • Pagpapalaki ng anak
    • Gabay ng Mga Magulang
    • Balita
    • Relasyon
  • Kalusugan
    • Mga sakit
    • Allergies at mga kundisyon
    • Mga Bakuna
  • Edukasyon
    • Preschool
    • K-12
    • Edukasyon ng special children
  • Lifestyle
    • Mga kilalang tao
    • Contest at promotions
    • Bahay
    • Bakasyon
    • Fashion
    • Fitness
    • Wellness
    • Pinansyal
  • VIP Community
  • Pandemya ng COVID-19
  • Press Releases
  • TAP Picks
  • Shopping
  • Awards
    • Parents' Choice Awards 2023

Mga dapat dalhin pag manganganak na sa panahon ng COVID-19 pandemic

6 min read

Narito ang mga dapat dalhin pag manganganak na ngayong may COVID-19 pandemic. Upang masigurado ang kaligtasan mo at ni baby mula sa kumakalat na sakit.

dapat dalhin pag manganganak na

Image from Freepik

Panganganak sa gitna ng COVID-19 pandemic

Ayon sa UNICEF tinatayang nasa 116 million babies sa buong mundo ang ipapanganak ngayong may COVID-19 pandemic. At lahat sila ay apektado ng malaking pagbabago sa health system na dulot ng kumakalat na sakit. Kabilang na dito ang mga containment measures na ipinatutupad tulad ng lockdown. Kakulangan ng mga health workers na tatalima sa kanilang pangangailangan. At ang kakulangan rin sa supply at equipment na kanilang kakailanganin sa oras na magkaroon ng problema sa kanilang panganganak. Dagdag pa ang pangamba sa kung saan nga ba ang pinakaligtas na lugar sa panganganak na hindi mahahawa o mai-expose ang bagong silang na sanggol at kaniyang ina mula sa virus.

“Millions of mothers all over the world embarked on a journey of parenthood in the world as it was. They now must prepare to bring a life into the world as it has become – a world where expecting mothers are afraid to go to health centers for fear of getting infected, or missing out on emergency care due to strained health services and lockdowns. It is hard to imagine how much the coronavirus pandemic has recast motherhood.”

Ito ang pahayag ni UNICEF Executive Director Henrietta Fore.

Mga pagbabago at pulisiyang dapat sundin

dapat dalhin pag manganganak na

Image from Freepik

Bagamat, ipinapayo ng mga eksperto na ang panganganak sa bahay o homebirth ang pinakaligtas na paraan ng panganganak upang ma-protektahan sa kumakalat na sakit ang bagong silang na sanggol at kaniyang ina, marami namang dapat isaalang-alang bago matagumpay na gawin ito. Nangunguna na ang kondisyon ng manganganak na buntis. Dahil tanging ang mga may malulusog na pagbubuntis lang ang kandidato rito. At kailangan ng mapagkakatiwalaang doktor o midwife na mangunguna sa pagpapaanak ng buntis.

Kaya naman marami paring buntis ang pinipiling manganak sa isang ospital. Dahil dito kahit papaano ay mayroon silang kasiguraduhan na may agad na aagapay sa kanila sa oras na magkaproblema ang kanilang panganganak. Ang kailangan lang upang masiguro ang kanilang kaligtasan ay ang sumunod sa mga bagong pulisiyang ipinatutupad sa ospital laban sa kumakalat na sakit.

Tulad ng isa tao lang ang maaring makasama ng buntis habang at pagkatapos niyang manganak. Kailangan ang taong ito ay malusog, walang lagnat at kahit anumang sakit. At sa oras naman na walang problema sa panganganak ang buntis at kaniyang sanggol ay maari na silang pauwiin agad. Hindi na kailangan pa nilang magpa-confine o magtagal sa ospital.

“We are encouraging healthy moms with an uncomplicated delivery to go home the day after a vaginal delivery and two days after a C-section. In some cases, discharge may be arranged even sooner depending on the maternal and newborn needs.”

Ito ang pahayag ni Dr. Scott Sullivan, director of Maternal-Fetal Medicine sa Medical University of South Carolina.

Mga dapat dalhin pag manganganak na ngayong may COVID-19 pandemic

Maliban sa bagong pulisiya, may mga bagay ring nadagdag sa mga dapat dalhin pag manganganak na ang isang buntis.

Ang mga sumusunod ay ang maternity bag essentials o mga dapat dalhin ng isang buntis:

  • Mga importanteng dokumento tulad ng ID, insurance info, hospital forms at birth plan
  • Pamalit na damit ni Mommy at baby
  • Pamalit na sapatos at tsinelas
  • Medyas ni Mommy at baby
  • Unan at kumot
  • Blanket na ibabalot kay baby pauwi
  • Jacket o robe
  • Tuwalya
  • Toiletries tulad ng toothpaste, toothbrush, napkin, deodorant, shampoo at sabon
  • Maternity bra at nursing pads
  • Headband, panali ng buhok o ponytail
  • Cellphone, charger o power bank
  • Librong babasahin
  • Eyeglasses kung kinakailangan
  • Prescription medicine o gamot at maintenance na iniinom
  • Car seat na paglalagyan ni baby kapag uuwi na.

Habang ang mga sumusunod naman ay ang mga nadagdag sa mga dapat niyang dalhin ngayon kapag manganganak na sa gitna ng COVID-19 pandemic.

Baong pagkain at inumin

Para mabawi ang kaniyang lakas, kailangang agad na kumain ng isang babaeng bagong panganak. Kaya naman makakatulong kung mayroon siyang baong pagkain at inumin. Mabuto rin ito upang mabawasan ang mga instances na kailangan pang lumabas ng kaniyang bantay para bumili. Habang sinisiguro rin na ang kanilang dalang pagkain ay hindi na-contaminate ng kahit anumang germs o viruses.

dapat dalhin pag manganganak na

Image from Freepik

Face covering o face mask

Dahil ang pagsusuot ng face mask ang itinuturing na isa sa mga paraan ng proteksyon mula sa COVID-19 virus, ipinapayo ng CDC na magsuot nito sa mga pampublikong lugar. Lalo na ospital na kung saan maaring ma-expose sa mga taong nagtataglay ng iba’t-ibang mga sakit.

Hand sanitizer

Sa oras naman na hindi posible ang paghuhugas ng kamay, ang paggamit ng hand sanitizer ang magsisiguro na malinis ang iyong kamay mula sa germs at viruses bago hawakan si baby. Bagamat mayroon naman nito sa ospital, mainam kung mayroon ka ring baon na pansarili. Para hindi ka mahirapan pang manghingi at maari mo pang gamitin kahit anumang oras mo naisin. Kailangan lang ang iyong hand sanitizer na daldalhin ay may taglay na 60% alcohol.

Tripod at smartphone

Dahil sa hindi na maaring tumanggap ng bisita o maraming miyembro ng pamilya upang makita ang iyong bagong panganak na baby, makakatulong ang pagdadala ng tripod at smartphone sa ospital. Dahil sa ganitong paraan ay maari kang mag-setup ng video call o conferencing upang maihatid sa kanila ang magandang balita. At upang ma-welcome nila ang bagong miyembro ng inyong pamilya.

Samantala, hindi naman na kailangang magdala pa ng cleaning supplies ng isang buntis. Dahil ang bawat ospital may mahigpit na guidelines na sinusunod pagdating sa paglilinis ng kanilang equipment at iba pang mga gamit.

Hindi rin advisable na magdala ng gloves dahil binabawasan umano nito ang dalas ng paghuhugas ng kamay. Para sa ligtas naman na pagtratransport kay baby pauwi sa bahay, mahigpit na ipinapayo ang pagdadala ng car seat.

Sa kabuuan ayon sa mga eksperto, dapat hangga’t maari ay kaunti lang ang dadalhing gamit ng manganganak na buntis. Ito ay upang hindi na mahirapan sa pagdadala. At mas kakaunti lang ang mga gamit o bagay na kailangang i-disinfect pag-uwi ng bahay.

 

Source:

UNICEF, What To Expect

Basahin:

Partner Stories
From “Kulang” to “Lamang”: How Lactum 3+ Helps Provide Upgraded All-Around Development For Your Child
From “Kulang” to “Lamang”: How Lactum 3+ Helps Provide Upgraded All-Around Development For Your Child
A Simple Guide To Gentle Parenting
A Simple Guide To Gentle Parenting
Experts say curbing the spread of seasonal flu virus starts at home
Experts say curbing the spread of seasonal flu virus starts at home
Absolute Celebrates Mommy Welfare Month this September:  Pure Moms, Pure Love Video Podcast
Absolute Celebrates Mommy Welfare Month this September: Pure Moms, Pure Love Video Podcast

Nakararanas ng postpartum depression dumadami dahil sa COVID-19?

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

img
Sinulat ni

Irish Mae Manlapaz

Maging Contributor

  • Home
  • /
  • Pandemya ng COVID-19
  • /
  • Mga dapat dalhin pag manganganak na sa panahon ng COVID-19 pandemic
Share:
  • Mga pag-iingat na dapat gawin kung ikaw ay manganganak o nanganak na ngayong panahon ng COVID-19

    Mga pag-iingat na dapat gawin kung ikaw ay manganganak o nanganak na ngayong panahon ng COVID-19

  • Ilang pregnant patients tinatangging may COVID-19 symptoms sila

    Ilang pregnant patients tinatangging may COVID-19 symptoms sila

  • 10 parenting mistakes kung bakit lumalaking hindi close ang bata sa magulang

    10 parenting mistakes kung bakit lumalaking hindi close ang bata sa magulang

  • Dani Barretto sa speech delay ng kaniyang daughter: “Kahit ano pa siya, mamahalin ko siya.”

    Dani Barretto sa speech delay ng kaniyang daughter: “Kahit ano pa siya, mamahalin ko siya.”

  • Mga pag-iingat na dapat gawin kung ikaw ay manganganak o nanganak na ngayong panahon ng COVID-19

    Mga pag-iingat na dapat gawin kung ikaw ay manganganak o nanganak na ngayong panahon ng COVID-19

  • Ilang pregnant patients tinatangging may COVID-19 symptoms sila

    Ilang pregnant patients tinatangging may COVID-19 symptoms sila

  • 10 parenting mistakes kung bakit lumalaking hindi close ang bata sa magulang

    10 parenting mistakes kung bakit lumalaking hindi close ang bata sa magulang

  • Dani Barretto sa speech delay ng kaniyang daughter: “Kahit ano pa siya, mamahalin ko siya.”

    Dani Barretto sa speech delay ng kaniyang daughter: “Kahit ano pa siya, mamahalin ko siya.”

Makakuha ng regular ng payo tungkol sa pagbubuntis at paglaki ni baby!
  • Pagbubuntis
    • Unang trimester
    • Pangalawang trimester
    • Pangatlong trimester
  • Gabay ng Mga Magulang
    • Safety ng bata
    • Payo sa pagpapalaki ng anak
    • Payo para sa mga magulang
    • Gamit ng sanggol
  • Relasyon
    • Mag-asawa
    • Biyenan
    • Kasambahay
  • Pagpapasuso at formula
    • Tamang pagpapasuso
    • Pag-pump at pag-imbak ng gatas
    • Formula
  • More
    • TAP Community
    • Advertise With Us
    • Contact Us
    • Maging Contributor


  • Singapore flag Singapore
  • Thailand flag Thailand
  • Indonesia flag Indonesia
  • Philippines flag Philippines
  • Malaysia flag Malaysia
  • Sri-Lanka flag Sri Lanka
  • India flag India
  • Vietnam flag Vietnam
  • Australia flag Australia
  • Japan flag Japan
  • Nigeria flag Nigeria
  • Kenya flag Kenya
© Copyright theAsianparent 2023. All rights reserved
About Us|Team|Privacy Policy|Terms of Use |Sitemap HTML
  • Tools
  • Articles
  • Feed
  • Poll

Gumagamit kami ng cookies upang matiyak ang iyong magandang karanasan. Matuto paOk, nakuha ko

Gumagamit kami ng cookies upang matiyak ang iyong magandang karanasan. Matuto paOk, nakuha ko

theAsianparent heart icon
Nais naming magpadala ng notification sa'yo tungkol sa latest news at lifestyle update.