Mental Health Law: Mga benepisyo para sa may postpartum depression

Mental Health Law: Mga benepisyo para sa may postpartum depression

Ano ang mga maitutulong para sa may mga postpartum depression mula sa bagong batas na ito?

Matapos ang maraming taon, nalagdaan na at naisabatas na ang Philippine Mental Health Law o Republic Act 11036. Magandang balita ito sa lahat pero lalo na sa mga mayroong mahal sa buhay na may mental health problems. 

Ngunit hindi lamang ang mayroong struggles sa kanilang mental health ang makikinabang sa batas na ito. Lahat tayo ay may kaniya-kaniyang pangangailangan sa ating mental heatlh.

Para sa mga mommy na may postpartum depression marami rin maitutulong ang batas na ito. 

Mental Health Law Philippines: Mga Dapat Malaman ng Mga Ina na May Postpartum Depression
mental health law philippines

Mental Health Law Philippines—Ang bagong batas na ito ay makakatulong sa lahat sa atin, hindi lamang sa may mental health problems. | image courtesy: shutterstock

1. Mas Magiging Accessible na ang Mental Health Services 

Ang bagong batas na ito ay naglalayon na ibaba sa barangay level ang mental health services. Included na dito ang mga medical at psychotherapeutic services, na mas magiging available na sa mga nangangailangan sa siyudad, munisipyo o barangay health center.

2. Makakatulong Itong Pagtibayin ang Loob Nila Pati na rin Ang Kaalaman sa Sarili Nilang Kondisyon

Dahil sa mga programa ng bagong batas na ito na mental health education sa schools at iba pang lugar, mas lalaganap ang kaalaman tungkol sa importansiya ng mental health.

Mapapatibay din ang loob ng mga mommies na may postpartum depression dahil makikita nila na pina-prioritize ng gobyerno ang pangangailangan nila. Dahil din dito mas lalalim ang pagkakaintindi nila sa pinagdadaanan nila.

3. Mas Marami Nang Susuporta sa Mga Ina na May Postpartum Depression

Maliban sa pag-educate sa mga mommies, ang bagong batas na ito ay magpapalawak sa kaalaman ng mga mahal nila sa buhay . Dahil dito, mas magiging bukas sila sa pagsuporta kay mommy na may postpartum depression.

Kung dati ay binabalewala ng iba ito at sinasabi na “drama” lang na lilipas din, ngayon ay ramdam na nila ang importansiya ng pangalagaan ang mental health, hindi lang ni mommy, kundi ng buong pamilya. 

Mga Sintomas ng Postpartum Depression

Paano nga ba malalaman kung ikaw ay may postpartum depression? Natural lamang na makaranas ng kalungkutan o ang tinatawag na postpartum blues pagkatapos manganak.

Ang kadalasang sintomas ng postpartum blues ay kawalan ng gana kumain, hirap matulog, madalas na pag-iyak, pangangamba, o hirap sa pagco-concentrate sa isang bagay.

Pero kung tumatagal na ito ng ilang linggo hanggang buwan, maaaring ito ay postpartum depression na.

Narito ang mga pinaka-madalas na sintomas ng kondisyong ito: 
  • Matinding mood swings or pagiging iritable o galit ng bigla-bigla na lamang
  • Kawalan ng interes sa mga bagay na dating hilig mo, maaaring simpleng hobby ito tulad ng panonood ng sine atbp.
  • Mababang self-esteem o yung pakiramdam na hindi kaaya-aya ang itsura o wala silang kakayanan
  • Malayo ang loob sa baby dahil ayaw mong makipag-bonding sa kanya.
  • Matinding pagod o kawalan ng energy.
  • Hindi kayang mag-decide o mag-concentrate.
  • Panic attacks o malubhang pangangamba.
  • Matinding insomnia o kabaligtaran nito, masyado namang natutulog buong araw.
  • Pag-iisip tungkol sa pananakit sa sarili o suicide.

 

sources: CNN PhilippinesABS-CBN News, DOH, Mayo Clinic

Also READ: The mental health bill has been unanimously approved by the senate

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Bianchi Mendoza

app info
get app banner