Miriam Quiambao buntis sa kaniyang unang anak

lead image

Miriam Quiambao buntis sa kaniyang unang baby sa asawang si Ardy Roberto. Kasalukuyang 9 weeks na ang dinadala ng 43-year old na beauty queen. | PHOTO: Miriam's Instagram

Dating beauty queen na si Miriam Quiambao buntis sa kaniyang unang baby sa asawang si Ardy Roberto! Iyan ang masayang balita na naikuwento niya sa amin sa press conference ng 1st Global Homeschool Conference.

Pagbubuntis

Kasalukuyang nasa ika-9 weeks na si Miriam. Ito ang kaniyang unang pregnancy mula ng ikasal sila ng kaniyang asawang si Ardy—isang manunulat, motivational speaker at businessman—noong 2014. Mayroong 10-taong gulang na anak si Ardy sa kaniyang yumaong unang asawa.

"For my age, I'm already 43 so it's already in the high risk category, but so far, I'm not experiencing morning sickness," kuwento ni Miriam sa aming panayam. "I'm not experiencing cravings, even."

Ngunit kagaya ng maraming buntis, nakakaranas din daw siya ng fatigue.

"I'm just tired a whole lot. Sleepy all the time. Like after lunch, I need to take a nap. Usually, late at night, I can stay up until midnight, 1 o'clock, but now, by 10:30 p.m. I need to be in bed na. Iyong gano'n."

Kung dati rati'y active na active si Miriam sa pag-eehersisyo, ngayon naman, madali na raw siyang mapagod.

"I used to be able to go up to the fifth floor without taking the elevator, but now, pagdating ng second floor, pagod na ako. Kasi there are so many changes happening in the body."

Kadalasan ang mga babae na nagbubuntis sa kanilang 40s ay nagkakaroon ng maraming kumplikasyon sa pagbubuntis katulad ng high blood pressure, gestational diabetes, at iba pang problema. Laking pasasalamat ni Miriam na hindi niya pinagdaraanan ang mga ito.

"Thank God everything is okay naman," aniya. "Mayro'n ilang ano na I have to take it easy. I can't be exposed to too much stress or crowds kasi baka ma-infect lalo na first trimester. I'm about to enter the third month."

Dahil masyado pang maaga, hindi pa raw nila alam kung ano ang gender ng kanilang baby. Ngunit kung ano man daw ang ibigay sa kanila ay malugod nila itong tatanggapin. Biniro namin si Miriam na sana babae para maging pambato ulit natin sa Miss Universe kagaya niya.

"Malay mo!" natatawa nitong sagot. "We'll see."

Mom-preneur

Kahit hindi na gaanong nakikita si Miriam sa showbiz, marami naman itong pinagkakaabalahan katulad ng pag-invest sa real estate, pag-manage sa kanilang business, at ang bagong bukas nila na The Learning Hub by Homeschool Global sa Festival Mall Alabang. Tinutulungan ng center na ito ang mga magulang na gustong ipag-homeschool ang kanilang mga anak sa pamamagitan ng pagbibigay ng programs, guide sa pagtuturo, at adviser sa pag-aaral.

Sabi ng dating beauty queen, na-engganyo raw siya sa ideya ng homeschooling dahil sa mga pagbabagong nakikita nilang mag-asawa sa kanilang 10-anyos na anak na si Joshua na nasa Grade 5.

"This past year, we noticed that his friends had a lot of influence on him," aniya. "He got interested in music, songs that we're not even familiar with. Toys and games that we're not familiar with. So we observed that these are all influences from his classmates. One day he came home just spewing out bad words. And he never hears this from anyone in the household. Where else will he pick it up? From his friends!"

Gusto raw nitong palakihin ang kanilang anak na naibabahagi niya ang kanilang values imbis na makuha nito ang values ng ibang tao. Kaya napag-desisyunan nilang mag-asawa na ipag-homeschool ang kanilang anak. Sa pamamagitan din daw ng homeschooling, hawak nila ang oras nila bilang pamilya at mas natututukan daw nito ang pag-aaral ng bata.

Sinabi rin ni Miriam na affordable ang homeschooling kaysa sa traditional schools dahil P35,000 lang daw ang tuition ng bata at kung ipapasok din sa programa ang mga ibang kapatid, additional P5,000 na lang daw ang babayaran.

Para sa karagdagang impormasyon tungkol sa Homeschool Global at sa homeschooling, magkakaroon ng 1st Global Homeschooling Conference sa Oktubre 13, sa SMX Aura, SM Aura, Taguig.

 

Basahin: Miriam Quiambao, gives birth at 34 weeks!

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner