Unsa ang binat, ug unsa ang mahimo sa mga inahan aron sila wala niini human sila manganak? Basaha para makabalo!
Mga inahan, nahibalo ka ba kung unsa ang binat? Tingali nakadungog na kini kaniadto, apan wala ka makasiguro kung unsa gayud kini.
Atong tan-awon kung unsa ang binat ug unsaon kini mapugngan human manganak.
Unsa ang binat?
Ang gitawag nga binat, mao ang pagkakapoy kaayo o pagkaluya sa lawas nga kasagaran nasinati human manganak.
Ang mga inahan nga bago ra nanganak, puwedeng magka-binat kay nag-antus ang ilang lawas gikan sa grabeng trauma nga nahitabo sa ilang lawas tungod sa pagpanganak, ug walay panahon sa pagpahulay.
Kasagaran, ang mga inahan nga muagi sa caesarean section o C-section ang maka-experience sa binat, ilabi na ug kini usa ka dakong operasyon.
Ang uban usab nag-ingon nga ang binat kay konektado sa postpartum depression, apan dili pa kini klaro kung nganong ang mga inahan nga adunay postpartum depression kay mabinat pud.
Ang anemia usab, o adunay ubos nga gidaghanon sa red blood cells sa dugo ang posibleng hinungdan sa binat.
Mahimo usab nga ang binat usa ka epekto sa pagka-aktibo sa thyroid gland o hypothyroidism.
Kini ang mga sintomas kung naay binat nga gibati sa mga inahan:
-
- Grabe nga sakit sa ulo
- Gibugnaw
- Taas nga hilanat
- Paglihok sa mga ugat sa lawas, ilabi na sa may mata
- Pagdugo sa samad human manganak
- Ang pagkalipong ug pagsuka
Unsaon paglikay sa binat?
Importante alang sa bisan kinsa nga inahan ang paglikay sa binat. Importante nga ang inahan magmalig-on ug mahimsog sa pag-atiman sa iyang bag-ong natawo nga bata.
Ania ang pipila ka mga paagi sa paglikay sa binat:
1. Pagpahulay. Ayaw pugsa ang imong kaugalingon, tungod kay importante nga mag-reserve ka ug oras sa pagpahulay ug pagpauli sa kusog sa imong lawas.
2. Pagkat-on unsaon sa pagrelaks. Ayaw paghatag sa imong sarili ug sobra ang gibug-aton, o stress, tungod kay kini maoy hinungdan sa kakapoy ug kasakit sa imong lawas.
3. Kaon sa mga sustansyang pagkaon. Ang hustong pagkaon kinahanglanon aron ang imong lawas magmalig-on ug mubalik sa kusog.
4. Ang mga prutas nga adunay fiber makatabang sa pagpahumok sa imong stool. Tungod kay usahay, ang grabeng kasakit sa lubot sa inahan kung siya malibang, labaw na kung wala pa naayo ang iyang samad gikan sa pagpanganak.
5. Ayaw kaulaw nga mangayo ug tabang gikan sa imong bana o mga paryente, ilabi na sa pag-atiman sa imong anak. Importante nga adunay panahon sa pagtulog ug sa pagpahulay, ug ayaw kuhaa tanan ang tibuok responsibilidad sa pag-atiman sa imong anak.
6. Kung ikaw adunay postpartum depression palihug ayaw kaulaw nga pagpangayo ug tabang gikan sa doktor o therapist. Wala ka nag-inusara, ug daghang mga inahan ang nakasinati niini nga kondisyon. Kinahanglan nga walay kaulaw, o kahadlok, tungod kay mas importante ang imong pagkaayo.
Source: pagbubuntis.com
READ: Ilang gabay na puwede mong subukan para mapadali ang pagbubuntis
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
