Anong pinagkaiba ng braxton hicks sa true labor?

Anong pinagkaiba ng braxton hicks sa true labor?

Ano ng pinagkaiba ng braxton hicks in tagalog sa true labor at bakit nakakaramdam tayo na manganganak na pero hindi naman pala? | Lead Image from Freepik

Maaaring natatandaan mo pa ang unang pregnancy memory mo, mommy. Hindi mo alam kung excited ka lang ba sa paglabas ni baby o talagang naramdaman mong manganganak kana talaga. Pero sa huli, false alarm lang pala ito at hindi ka talaga in labor. Ito ay tinatawag na braxton hicks sa tagalog.

Ngunit ano ng pinagkaiba nito sa true labor at bakit nakakaramdam tayo na manganganak na pero hindi naman pala?

Ano ang Braxton Hicks sa tagalog?

Ang Braxton hicks sa tagalog ay kapag akala mo na manganganak kana pero hindi naman pala. Mas kilala ito bilang tawag na ‘false labor’. Ipinangalan ang Braxton Hicks mula sa doctor na nakadiskubre nito.

Kadalasang nararamdaman ang Braxton Hicks pagdating ng 3rd trimester ng babae kung saan active na si baby at malapit na ang kabuwanan ni mommy. Madalas itong nararamdaman sa hapon o pagkatapos ng active day ni mommy. 

Sa paglapit ng due date ng isang buntis, madalas nang nararamdaman ang Braxton hicks.

braxton-hicks-in-tagalog

Braxton hicks in tagalog | Image from Dreamstime

Sintomas ng Braxton Hicks

Ayon sa mga nakaranas na nito, madali mong mararamdaman ang Braxton Hicks dahil bigla na lamang sisikip ang iyong belly. Minsan ito ay mabilis na mawawala pero agad ring babalik. Ito rin ay parang mild menstrual cramps para sa ilan.

Makakaramdam ka ng sandaling sakit pero hindi naman ito dahilan ng totoong labor at pagbukas ng iyong cervix.

Ang Braxton Hicks ay:

  • Hindi masakit
  • Katulad ng mild menstrual cramps
  • Agad nawawala kapag ikaw ay gumalaw o nagbago ng posisyon
  • Walang pattern
  • Nawawala pero bumabalik din
  • Nararamdaman sa belly

Bakit nakakaramdam ng Braxton Hicks?

Ayon sa pag-aaral, nararanasan ang Braxton Hicks kadalasan kapag dehydrated ang isang pregnant mom. Kasama sa sanhi nito ang paggalaw ng fetus, paggalaw ng todo ni mommy o kaya naman pagkakasakit ng ina.

braxton-hicks-in-tagalog

Braxton hicks in tagalog | Image from Dreamstime

Paano malalaman kung ito ba ay False labor o True Labor?

FALSE LABOR TRUE LABOR
Ano ang mararamdaman? Ang false labor ay hindi masyadong masakit at walang pattern sa pagkakaroon. Kadalasan, mararamdaman dito ang pag sikip ng iyong belly.

Pagsikip ng todo na may kasamang pagsipa. Nagiging malakas at masakit ito sa paglipas ng oras.

Kailan ito mararamdaman? Pinakamaaga nito ang 2nd trimester pero kadalasan ito ay nararamdaman sa 3rd trimester. Pagkatapos ng iyong 37th week.
Gaano ito katagal? Kadalasan ito ay tumatagal ng 30 seconds hanggang 2 minutes. Ang true labor ay may time interval na 30-60 seconds.
Paano ito mawawala? Mawawala ito kapag ikaw ay gumalaw o nagbago ng position. Hindi mawawala ang contractions kahit na ikaw ay magbago ng position, gumalaw o magpahinga.
Saan ko mararamdaman ang sakit? Kadalasang mararamdaman ang sakit sa iyong belly. Mararamdaman ang sakit sa iyong lower back papunta sa abdomen.

Kailan dapat ako mag-alala?

Kung sakaling nakakaramdam nito, mas mabuti kung tawagin muna ang iyong midwife. Ito ay para masabi o maipayo niya sa’yo ang mga dapat mong gawin kung sakaling makaranas ulit nito.

braxton-hicks-in-tagalog

Braxton hicks in tagalog | Image from Dreamstime

Bukod dito, mahalaga ang pagkonsulta sa iyong doctor sa iyong 1st trimester pa lamang. Dito ay matatanong mo sa kanya kung ano ang mga dapat mong i-expect o mga dapat tandaan sa iyong pagbubuntis.

Agad na tawagin ang iyong doctor kapag:

  • Senyales ng true labor bago ang iyong 37th week
  • Pagbabago ng galaw ni baby
  • Pagbawas ng galaw ni baby sa loob ng 2 oras
  • Malakas na pressure o contraction kada 5 minutes
  • Nakaramdam ng pagdurugo
  • Pagputok ng panubigan

Source:

WebMD

BASAHIN:

STUDY: COVID-19 inaatake ang placenta ng mga buntis

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan at napapanahon ngunit hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerecomenda naming magpakonsulta sa doktor upang makakuha ng mas malinaw na impormasyon.


May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Mach Marciano

app info
get app banner