Maaaring maging airborne ang COVID-19 sa mga indoor places katulad ng bahay. Ano nga ba ang dapat tandaan?
COVID-19 airborne indoor
Pag-amin ng World Health Organization, ang COVID-19 ay maaari nang mabuhay sa mga crowded indoor places. Dahil dito, maaari nang mapasa ang nasabing virus sa mga taong nasa loob ng isang lugar kung saan may COVID-19 sa hangin.
Mahigit 200 na scientists ang nagsabi sa WHO na pag-aralan ulit ito. Kasunod rin ng kanilang anunsyo noong nakaraang linggo na ang COVID-19 ay nabubuhay na sa hangin o tinatawan nating ‘airborne’.
Image from Unsplash
Ayon sa WHO, ang transmission ng COVID-19 sa loob ng isang crowded na lugar ay bihira lamang. Ngunit dahil sa maaaring pag-aaral na isinagawa, ang konseptong ito ay importante sa transmission ng COVID-19.
Ang mga indoor places na tinutukoy rito ay kung saan kadalasang mga naglalagi ang maraming tao. Katulad ng restaurant, nightclub, office, simbahan o iba pang lugar kung saan madalas nagsasalita o kumakanta ang mga taong nasa loob nito.
Maaaring pang makuha at maipasa ang COVID-19 sa mga contaminated surface sa loob ng isang lugar.
Bukod dito, sinabi rin nila na maaaring maipasa ng isang taong walang sintomas ng COVID-19 o tinatawag na asymptomatic ang virus sa ibang taong hindi pa infected. Inilarawan din ito ng WHO na bihira lamang kung mangyari.
Ayon kay Linsey Marr, isang aerosol expert,
“It is refreshing to see that WHO is now acknowledging that airborne transmission may occur, although it is clear that the evidence must clear a higher bar for this route compared to others.”
Paalala rin ng World Health Organization, hindi sapat ang pag-iwas sa mga crowded places o pag-iwas sa mga taong infected ng COVID-19. Kailangan rin ay dapat mayroong maayos at secured na ventilation ang mga office o bahay ninyo. Kailangan rin na iwasan muna ang pumunta madalas sa labas o maging matagal ang exposure rito. ‘Wag ring kakalimutan ang face mask na mahalaga para makaiwas sa COVID-19
Kung sasanayin ito, maaaring makaiwas ang bawat isa sa COVID-19 lalo na ngayon ay airborne na ito.
Image from Unsplash
Paano nahahawa sa COVID-19?
Ayon sa World Health Organization (WHO), ang COVID-19 ay isang virus na sobrang delikado dahil mabilis itong kumalat. Maaari itong maipasa sa hayop pero sobrang bihira lamang.
Naipapasa ang COVID-19 kapag ang isang taong carrier ng virus ay umubo o bumahing. Ang mga malilit na water droplets na galing dito ay mapapasa sa hindi infected na tao. Dito magsisimula ang pagkakaroon ng exposure.
Sintomas ng COVID-19
Ito ang mga karaniwang sintomas na maaaring makita sa mga matatanda. Sa ibang kaso naman, matatawag silang asymptomatic o walang mararamdamang mga sintomas sa katawan. Ang sintomas ng COVID-19 sa tao ay kadalasang nararamdaman at nakikita pa pagkatapos ng 2-14 days matapos ang exposure sa isang carrier ng virus.
- Dry cough
- Mataas na lagnat
- Panghihina
- Pananakit ng katawan
- Diarrhea
- Pananakit ng ulo
- Pagkawala ng panlasa
- Pananakit ng lalamunan
Narito ang mga seryosong sintomas na kailangang bigyang pansin. Kung sakaling maramdaman ang mga ito, agad na humanap ng medical assistance.
- Hindi makagalaw
- Hindi makapagsalita
- Hirap sa paghinga
- Pananakit ng dibdib
Image from Freepik
Ang mga taong mataas ang risk factor sa COVID-19 ay ang mga mayroong chronic lung disease. Ang iba pang kaso nito ay:
- Buntis
- 65 years old pataas
- Mga taong may travel history
- Mga taong nag-aalaga ng COVID-19 patients
- May mga medical condition katulad ng liver disease, asthma, renal failure, heart disease, high blood, diabetes
COVID-19 Health protocols
Ayon sa CDC, ang mga taong delikado sa COVID-19 ay kailangan ng matinding pag-iingat sa panahon ngayon. Narito rin ang mga bagay na dapat tandaan at gawin:
- Palaging pagsusuot ng mask
- Iwasan ang mga matataong lugar
- Iwasan ang mag-travel
- Panatilihin ang social distancing
- Palagiang paghuhugas ng kamay
- Iwasan ang paghawak sa mukha
- Maging malinis
Source:
Inquirer
BASAHIN:
Transmission ng COVID-19 mula nanay hanggang unborn babies meron nang ‘Strong evidence’
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
