10 natural home remedies para sa pagtatae
Alamin ang mga natural home remedies at halamang gamot sa pagtatae na makakatulong upang malunasan ang diarrhea o loose bowel movement (LBM).
Ang pagtatae ay hindi maganda sa pakiramdam at isang malaking abala. Isa itong senyales na ang katawan ay may gustong ilabas na toxins. Bukod sa mga nabibiling mga gamot sa botika, mayroong mga natural home remedies at halamang gamot sa pagtatae na puwedeng gamitin bilang lunas.
Tandaan: Kapag nakakaramdam ng matinding pananakit ng tiyan o kapag hindi humuhupa ang pagtatae, huwag mag-atubiling kumonsulta sa duktor. Maaaring ma-dehydrate kapag hindi nalunasan ang pagtatae.
10 natural home remedies at halamang gamot sa pagtatae
1. Gawang bahay na Gatorade
Ang unang kailangan na bantayan sa isang taong nagtatae ay ang dehydration. Marami ang nawawalang tubig at electrolytes sa katawan kapag nagtatae. Isa rin ang dehydration sa maaaring dahilan kung bakit nasisira ang tiyan.
Maaaring gumawa ng sariling Gatorade upang makatulong sa hydration. Maghalo ng 6 na kutsarita ng asukal at kalahating kutsarita ng asin sa isang litro ng tubig at inumin.
2. Clear broth o juice
Ang pag-inom ng apple juice at mga sabaw na malinaw ay nakakatulong upang palitan ang nawawalang salt at minerals sa pagtatae. Simulan sa pakonti-konting pag-higop hanggang magawang mag-isang tasa kada-kalahating oras.
Ngunit dapat iwasan ang citrus, pinya, kamatis at iba pang juice na hindi malinaw ang kulay dahil makakapagpasakit lalo ng tyan ang acid na dala nito.
3. Puting kanin
Kahit mahirap kumain habang sumasakit ang tiyan, ang pagkain ng puting kanin ay makakatulong upang gumaan ang pakiramdam.
Ayon sa nutritionist na si Lisa Richards ng The Candida Diet, ang puting kanin ay madaling natutunaw sa tyan ngunit hindi nakaka-irita. Mababa ang bilang ng fiber nito kaya nakakatulong sa pagpatigil ng pagtatae.
4. Pag-iwas sa dairy at citrus
Kapag nagtatae, ang pagkain o pag-inom ng dairy at citrus ay makakapagpalala sa nararamdaman. Iwasan lahat ng dairy products dahil ang enzymes para sa digestion nito ay nailabas na kapag nagtatae. Dahil dito, lalong tatagal ang pagtatae sa pagkain o pag-inom ng dairy. Ito rin ang nangyayari sa acidity ng citrus.
5. Kumain ng saging
Maraming matatanda ang nagsasabi na kumain ng saging kapag nagtatae.
Ganito rin ang sinasabi ni Dr. Nikola Djordjevic ng MedAlertHelp.org. Ayon sa kanya, nakakatulong ang pagkain ng saging sa pag-ayos ng mga likido, tensyon ng muscles, at nerve signals. Nakakatulong ang saging sa pamamagitan ng pagbibigay ng potassium na nakaka-pagpahina at pulikat kapag bumababa.
6. Probiotics
Isa sa mga pinaka-mabilis na paraan para labanan ang bad bacteria sa tiyan ay ang pagkain ng probiotics na may good bacteria. Nalaman sa mga pag-aaral na nakakatulong ito upang maibsan ang pagtatae bukod sa siguradong ligtas ito. Maaaring makuha ang probiotics sa mga supplements o kaya naman sa yoghurt.
7. BRAT diet
Bread, rice, apple sauce at toast o BRAT.
Ang mga pagkaing ito ay yari sa starch at mababa ang fiber kaya nakakatulong sa pagbuo ng dumi. Hindi rin nahihirapan ang tiyan sa pagtunaw nito kaya nakakatulong sa pagpapagaan ng pakiramdam.
Nais lamang ipaalala ng mga eksperto na ang BRAT diet ay hindi sapat bilang tanging pagkain dahil wala itong sapat na nutrisyon.
8. Subukan ang psyllium
Ang paghalo sa inumin ng natutunaw na fiber na psyllium ay nakakatulong sa kalusugan ng tiyan. Ang pangunahing sangkap na metamucil ay mula sa Indian na hamang gamot sa pagtatae na plantago ovata.
Ayon kay Dr. Carolyn Dean, nakakatulong ito sa pag-absorb ng likido ng bituka at nakakapagbuo ng dumi. Maaring magtunaw ng isang kutsarita ng psyllium sa isang pitsel ng tubig o kaya uminom ng dalawang capsule dalawang beses sa isang araw nang may konting tubig na panulak.
9. Hot chocolate
Isa pang rekomendasyon ni Dr. Dean ang paghalo ng dalawang kutsarita ng carob powder (isang substitute sa cocoa powder) sa anim na ounces ng tubig para sa kakaibang mainit na tsokolate. Ang carob powder ay may lasang tsokolate at nakakatulong bawasan ang pagtatae sa pagpapatigas ng dumi.
10. Magdagdag ng zinc
Ang pagkain ng mga mapagkukunan ng zinc, tulad ng mani, buto at itlog, ay kailangan lalo na ng mga bata. Kapag nagtatae, nababawasan ang mga bitamina at zinc ng katawan. Importante ang zinc sa pagpapagaling at pag-iwas sa malalang diarrhea lalo na sa mga bata.
Bukod sa dehydration kapag nagtatae, dapat nang magpasuri sa duktor kapag nakakaranas na ng lagnat, matinding sakit sa tyan, o dugo sa pagdumi. Ipaalam agad sa duktor kung kakagaling lang sa ibang bansa o kaya ay hindi kayang uminom ng tubig. Sa pakikipag-tulungan sa mga eksperto, madaling mapapaginhawa ang sakit na nararamdaman.
Source: Reader's Digest
