Ano nga ba ang tamang edad upang magsimulang kumain ang isang baby? Ligtas na nga bang magsimulang kumain ang isang apat na buwang sanggol? Celebrity mom Marian Rivera sinimulan na ngang ipakilala at pakainin ng solid food ang apat na buwan na son na si Ziggy.
Noong ika-22 ng Agosto nag-post ang Instagram account na Dantes Squad, na dedicated sa pamilya ni Marian Rivera at Dingdong Dantes, na umiiyak si Baby Ziggy matapos maubos ang kaniyang kinaing broccoli puree.
View this post on Instagram
Kung matatandaan, sinalubong nila Marian Rivera at Dingdong Dantes ang baby boy nilang si Ziggy nitong ika-16 ng Abril pa lamang, kung gayon siya ay apat na buwan pa lamang ngayong Agosto.
Maraming nagtaka sa sa post ng @dantes.squad kung maaari na nga bang kumain ng solid food ang isang apat na buwang taong gulang.
Sa Instagram post nga na ito, may mga natanggap na papuri si Marian pero siyempre hindi rin maiiwasan ang ilang batikos.
Ilan sa mga papuri ngang natanggap ni Marian ay ang pagiging magaling na hands-on na ina, magandang pagpapalaki sa kaniyang mga anak, at kahit ang kaniyang masarap na pagluluto di-umano.
Mayroon ring nagbigay ng babala kay Mommy Yan patungkol sa pagpili ng papakain na gulay at isang netizen na pinag-iingat lamang si Yan. May nagsabing hindi raw broccoli ang dapat ipinakain kay Baby Ziggy dahil hindi pa kaya ng tummy nito na i-digest, mas mainam daw ito sa mas malaki nang baby.
Ang iba naman ay nagsabi na hindi pa puwedeng bigyan ng solid food ang mga baby bago mag-6 na buwan dahil ito ang rekumendasyon ng WHO (World Health Organization).
May ilang mommies naman na sinang-ayunan ang pagpapakain ni Marian sa apat na buwan niyang si Ziggy, sapagkat ganun din daw kaaga nilang pinakilala ang solid food sa kanilang mga anak dati.
Ang tugon ni Marian Rivera sa kaniyang Instagram
Noong ika-23 ng Agosto nga ay nag-post na ng kaniyang saloobin sa kaniyang Instagram account si Marian Rivera patungkol sa post ng @dantes.squad.
Aniya nga ni Yan sa kaniyang post na patuloy pa rin ang suporta nito sa padede moms at siyempre bago naman niya pinakilala ang solid food kay Ziggy humingi muna ito ng go signal sa pediatrician nito.
Pag-uumpisa nga ni Marian sa kaniyang caption, “Nais kong ipakita ang suporta ko sa breastfeeding advocacy magmula noon hanggang ngayon.”
Aniya pa, “Bagamat nakapagsimula ako ng solids kay Ziggy sa mga nakaraang araw base sa payo ng aming pediatrician, wala akong plano na ihinto ang aking pagiging padedemom sa aking bunso.”
“Batid ko ang kahalagahan ng eksklusibong pagpapasuso mula 0-6months,” pagpapatuloy ni ng celebrity mom.
Nito lamang buwan ay nakakuha ng award si Marian dahil sa pagiging breastfeeding influencer.
“Isang pakiusap lamang po, nawa’y sa adbokasiyang eto ay hindi tayo makasakit ng damdamin ng mga kapwa natin ina, nawa’y hindi gamitin ang pangalan ko sa mga kumento at mensahe na humuhusga sa pag bigay ko ng masustansyang gulay sa aking anak,” dagdag ng GMA-7 actress.
Batid niya, “Kinikilala ko po ang rekomendasyon ng WHO patungkol sa complementary feeding. Eto po ang sundin nyo.”
“Kung meron man akong ginawa na hindi base dito, huwag naman sana itong maging batayan para ako ay mahusgahan,” aniya.
At tinapos ni Marian ang kaniyang post sa isang paalala, “Lahat po tayong ina ay gusto lamang ang ‘best’ sa kanyang anak. Hanggat kaya ko ay lalaban ako bilang #padedemom #notomomshaming.”
View this post on Instagram
Complementary feeding
Ayon sa World Health Organization (WHO), inirerekumenda ang exclusive breastfeeding mula pagkapanganak hanggang sa ika-6 na buwan ng sanggol.
“Exclusive breastfeeding for 6 months has many benefits for the infant and mother. Chief among these is protection against gastrointestinal infections which is observed not only in developing but also industrialized countries. Early initiation of breastfeeding, within 1 hour of birth, protects the newborn from acquiring infections and reduces newborn mortality. The risk of mortality due to diarrhoea and other infections can increase in infants who are either partially breastfed or not breastfed at all.”
Dagdag na rekumendasyon ng WHO na simulan ang pagpapakain ng solid food kasabay ang breastfeeding simula 6 na buwan ng sanggol.
“Around the age of 6 months, an infant’s need for energy and nutrients starts to exceed what is provided by breast milk, and complementary foods are necessary to meet those needs. An infant of this age is also developmentally ready for other foods. If complementary foods are not introduced around the age of 6 months, or if they are given inappropriately, an infant’s growth may falter.”
Ang guidelines ng WHO ay rekumendasyon lamang. Iba’t ibang ang development at pangangailangan ng bawat bata kaya’t mabuti na kumonsulta sa duktor bago simulan ang complementary feeding ang baby, gaya ng ginawa ni Marian Rivera sa feeding ni Baby Ziggy.
Huwag mag-atubiling magtanong sa inyong duktor dahil siya ang mas nakakaalam sa kaso ng iyong baby.
Source: Marian Rivera, Dantes Squad
Basahin: Marian Rivera, nanalo ng award para sa pagiging breastfeeding influencer!
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
