STUDY: Ganitong oras nagiging active si baby sa loob ng tiyan ni mommy

lead image

Ayon sa isang pag-aaral, mas madalas at malakas daw ang sipa ni baby sa tiyan ni Mommy kapag gabi.

Baby Name Generator

Gender

Letter

Category

Country

Results

No Results

Pagsipa ng baby sa tiyan mas madalas daw sa gabi at tuwing matutulog na si Mommy, ayon sa pag-aaral.

Pagsipa ng baby sa tiyan study

Ayon sa isang pag-aaral na ginawa ng Auckland University mas nagiging active daw ang baby sa loob ng tiyan kapag malapit na itong maipanganak. Mas malakas at madalas nga daw itong sumipa sa gabi o sa tuwing matutulog na ang kaniyang mommy.

Ito ay kanilang natuklasan matapos interviewhin ang mga babaeng buntis sa New Zealand na nasa kanilang 3rd trimester tungkol sa dalas ng pagsipa ng baby sa kanilang tiyan.

Sa kanilang interview ay ito ang kanilang mga nalaman:

  • Sa kabuuang bilang ng babaeng buntis na kanilang ininterview 59% ang nagsabing mas lumalakas ang pagsipa ng baby sa tiyan nila dalawang linggo bago manganak.
  • 73% naman ng babaeng buntis ang nagsabing mas malakas ang nararamdaman nilang paggalaw ng baby sa kanilang tiyan sa gabi. Habang 79% ang nagsabing madalas ito kapag sila ay matutulog na.
  • Mas nararamdaman nga nila ang pagsipa ng baby sa tiyan nila sa tuwing sila ay nakaupo kaysa kapag gumagawa ng ibang activities.
  • Karamihan din sa mga babaeng buntis ang nagsabing nararamdaman rin nila ang pag-sinok ni baby sa loob ng kanilang tiyan.
pagsipa ng baby sa tiyan

Image from Freepik

Pattern at normal na pag-galaw ng baby sa tiyan

Una ng sinabi ng mga doktor na dapat bantayan ang paggalaw ng sanggol sa loob ng tiyan ng isang buntis. Dahil ang decrease in movements o kabawasan sa paggalaw ay maaring palatandaan na ng isang kondisyon na dapat bigyang pansin.

Kaya naman ayon sa practicing midwife at PhD student sa Aukland University na si Billie Bradford at lead author ng ginawang pag-aaral, ang kanilang findings ay makakapagpaliwanag sa mga buntis kung kailan nga ba normal ang pagsipa ng baby sa tiyan na makikita sa pattern na lumabas base narin sa pahayag ng kanilang mga na-interview.

Ngunit ang pagkaramdam ng mga buntis sa lakas ng sipa ni baby sa gabi ay hindi lang daw dahil sa wala ng ginagawa o hindi na busy sa mga oras na ito. Ito daw ay dahil may sinusundan ding pattern o body clock ang mga baby sa tiyan na una ng pinatunayan ng iba pang pag-aaral.

“A number of ultrasound and animal studies have shown that the fetus has a circadian pattern that involves increased movement in the evening, and this is likely to reflect normal development,” paliwanag pa ni Bradford.

Ang mga oras nga daw na very active si baby sa gabi ay mas kilala sa tawag na “witching hour” na mararanasan ng bawat magulang.

Kaya naman paalala niya sa mga buntis ay magpahinga hanggang sa kaya nila lalo na sa gabi na makulit si baby.

At kung makaramdam silang humina ang pag-galaw ni baby sa gabi o hindi tulad ng normal ay hindi na daw dapat maghintay na magpabukas pa para magpunta ng ospital.

It may be an antisocial hour for adults, but it is a social hour for the fetus (and incidentally the newborn), so lack of movement at that time warrants an urgent check-up,” pahayag ni Bradford.

 

Source: Stuff
Photo: Freepik

Basahin: Mga posisyon ng baby sa loob ng tiyan: Alamin kung ano ang ibig sabihin nito

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!