Sikreto ng hindi pagkakaroon ng materyosong anak ayon kay momshie Melai

Sikreto ng hindi pagkakaroon ng materyosong anak ayon kay momshie Melai

Paano mo nga ba masisiguradong hindi spoiled o hindi maging materyosong anak ang iyong chikiting? Alamin ang sikreto ni momshie Melai!

Noong nakaraang Enero 21, 2020, inimbitahan ang the Asian Parent upang maging parte ng official opening ng first-ever Adobo Connection franchise ni momshie Melai Cantiveros. Ang event na ito ay ginanap sa mismong branch na nasa SM Annex, North EDSA. Dahil dito, naka-kwentuhan namin siya at ibinahagi na rin niya sa amin ang kanyang solusyon para hindi magkaroon ng materyosong anak.

Nagpahayag ang dating Pinoy Big Brother housemate tungkol sa mga happenings ngayon sa buhay mag-asawa nila ni Jason Francisco. Matatandaan na mula pa lamang PBB days nila, hindi na maitatanggi ang natural na chemistry ng dalawa. 

Kaya naman paglabas ng bahay, nagpatuloy ang kanilang romansa hanggang sa magkaroon ng dalawang anak na sila Mela at Stela. 

“Lagi nga kaming may realizations pag nagda-drive kapag kami lang ang magkasama,” sabi ni pa ni Melai. “Grabe noh, ang bilis ng panahon. Dati nasa PBB lang tayo, ngayon, dalawa na anak natin…” 

sikreto-ng-hindi-pagkakaroon-ng-materyosong-anak-ayon-kay-melai

Image from Melai Cantiveros

Hindi rin maiwasan ng mag-asawa na isipin ang nalalapit na pagdadalaga ng kanilang mga anak lalo na’t nasa grade 1 na ang kanilang panganay! 

Baby Boy Naman?!

Tinanong din ng media kung nais ba nilang sundan si Mela at Stela. Hindi naman itinanggi ng day-time host na napag-uusapan din nilang mag-asawa ang bagay na ito. 

“Kasi gusto ni Jason, meron siyang buddy,” sabi ni Melai. “Kasi dalawang babae na yung anak namin. So, gusto naman niya ng isa namang lalaki.” 

Ayon kay Melai, hinihiling ni Jason na magkaroon ng baby boy para maaari nilang gawin ang mga father-and-son bonding na hindi niya masyadong nagagawa kasama ang kanilang dalawang anak na babae dahil sa pagkakaiba ng hilig. 

“Siyempre tingnan natin kung pagdating ng panahon, ibe-bless kami. Pero ngayon, sobrang happy na namin sa dalawang mga anak namin,” dagdag pa niya.

Nakakatuwa rin ang pagkwento ni Melai tungkol sa pagkahilig ng kanyang anak na si Mela sa pag you-YouTube! Nabanggit pa nga na idol daw ng kanyang anak si Alex Gonzaga at laging pinapanuod ang mga videos nito. 

Ngunit kahit na nahihilig sila sa mga ganitong klase ng entertainment, sinisiguro pa rin nilang balanse ang kanilang panahon sa paglalaro at pag-aaral. 

sikreto-ng-hindi-pagkakaroon-ng-materyosong-anak-ayon-kay-melai

Image from Melai Cantiveros

Paano Natutukan sa Pag-aaral sina Mela at Stela?

Proud si momshie Melai na all-out support siya pagdating sa pag-aaral ng kanyang mga anak. Sa katunayan nga, tumutulong din ang kanyang former co-housemate sa Pinoy Big Brother: Double Up na si Carol Batay. 

Aminado raw siya na hindi siya magaling mag-tutor kaya naman pinapasalamat niyang andyan si Carol upang tulungan siya sa pagmomotivate kay Mela sa pag-aaral.

“Si Carol, kasama ko sa PBB dati. Siya nagtu-tutor kay Mela. Doon minomonitor niya, tinuturuan nya na ‘ganito’ talaga dapat. Dahan-dahan na kasi siyang natututong magbasa.”

Isa pang malaking pinasasalamat ni Melai ay ang paglaking maayos ng kanilang dalawang anak. Kahit na nakaaangat na sila sa buhay, sinisigurado niyang hindi sila lumalaking “spoiled”. 

Paano nga ba magkaroon ng hindi materyosong anak? Ayon kay momshie Melai, ang pagpapakilala ng buhay nila noon. 

Nai-kwento niya rin na hindi nila gawain ang mag-hotel kapag Christmas at New Year. Ginagawa pa rin nila kung ano ang nakagawian nila — ang pagbisita sa kanilang probinsya. Dahil dito, nagpapasalamat si Melai na hindi lumaking materyoso ang kanilang dalawang anak. 

sikreto-ng-hindi-pagkakaroon-ng-materyosong-anak-ayon-kay-melai

Image from Melai Cantiveros

“Dun ko nakita na mas masaya sila kasama mga pinsan nila kaysa sa mga material things. Kaya, thank you, Lord at I’m in the right track of my role bilang mama!”

Gusto rin nilang lumaking laging handa ang kanilang anak. Kaya naman ginagawa niya ang kanyang makakaya upang ipa-intindi ang totoong buhay kina Mela at Stela. 

“‘Yun ‘yung sinasabi ko na hindi ka na masha-shock sa buhay kung ano mang dadating sa future. Always ready ka at immune sa mga pangyayari sa buhay kaya ginagawa namin.”

Para sa kanya, importante ang pagmumulat sa kanilang nakasanayan upang magkaroon ng mas malalim na pag-iintindi ang kanilang dalawang anak na babae sa bawat aspeto ng buhay.

Para kay momshie Melai, ang tanging hiling na lamang niya ay ang lumaking maayos ang kanyang dalawang anak. 

“Ang pangarap ko sa mga anak ko is syempre lumaki sila na mabubuting bata mabait na bata… Kasi ‘pag mabuti ka at mabait kang bata sunod-sunod na ‘yung mga blessings na dadating.”

 

Basahin: Jolina, nagbigay ng tips sa pag-iwas sa depression at bullying sa mga kabataan

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Audrey Torres

Article Stories
app info
get app banner