Isang taong gulang na bata hindi na nagising sa pagkakatulog

Sudden unexplained death in childhood storieso mga kaso ng SUDC hanggang ngayon ay hindi parin matukoy ang dahilan.

Image from Facebook

Sa pamamagitan ng isang Facebook post ay ibinahagi ng isang inang netizen ang kaniyang karanasan sa biglaang pagkawala ng isang taong gulang niyang anak.

Kwento ng inang si Pearl, noong araw na biglang nasawi ang kaniyang 13 months old na anak na si Ryan ay nagising ito ng isang oras na mas maaga sa nakagawian. Very active at tumatawa pa daw ito. Naghabol pa nga daw ito sa kaniya ng siya ay umalis na para pumasok sa trabaho. Matapos nito ay nakapasok pa ito sa daycare kasama ang kaniyang babysitter. Hanggang sa ito ay makatulog ng tulad ng ginagawa niya tuwing umaga. Pero noong araw na iyon ay hindi na ito nagising.

Nagulat nalang si Pearl ng nakatanggap siya ng tawag tungkol sa nangyari sa anak. Dali-dali siyang pumunta sa ospital na kung saan nakita niya ang anak na may tubo sa kaniyang bibig at wala ng buhay.

Ayon sa doktor na tumingin dito ay sinubukan nila ang lahat para mailigtas ito. Pero ang bata ay nasawi sa hindi pa malamang dahilan.

Nang lumabas ang autopsy result ng pagkamatay ng kaniyang anak, ang naging findings ay Sudden Unexplained Death in Childhood o SUDC. Ito ay ang biglaang pagkamatay ng batang higit isang taong gulang na kahit mga eksperto ay hindi pa maipaliwanag ang dahilan.

Ang nangyari sa anak ni Pearl ay isa lamang sa mga sudden unexplained death in childhood stories sa mundo na hanggang ngayon ay wala paring malinaw na pinag-ugatan.

Ang SUDC ay tulad din ng Sudden Infant Death Syndrome o SIDS na madalas na nararanasan sa pagtulog ng isang bata. Kinaibahan lang, ito ay nangyayari sa mga batang lagpas isang taong gulang. Habang ang SIDS naman ay nararanasan ng mga sanggol na isang taong gulang pababa ang edad.

Pagdating sa bilang ng sudden unexplained death in childhood stories, ito ay mas bibihira na may naitala lang na 1.0-1.4 deaths per 100,000 ng isang populasyon. Habang ang SIDS naman ay may death rate na 38.7 per 100,000 live births.

Ang SUDC ang itinuturong category ng pagkamatay ng isang bata kapag walang nakitang medikal na dahilan. Kahit matapos tingnan ang clinical history, autopsy result at iba pang death circumstances nito.

Dahil sa nadaragdagang kaso ng SUDC, nagtulong-tulong ang higit sa 100 pamilya sa US na nawalan ng kanilang mahal sa buhay dahil sa hindi maipaliwanag na kondisyon. Gamit ang mga blood samples at medical records ng mga batang nasawi dahil sa SUDC ay isang pag-aaral ang isinagawa para masagot ang mga katanungan tungkol dito.

Matapos ang apat na taon ay nagbigay ng pahayag ang mga scientists at physicians na nakiisa sa pag-aaral.

Ayon kay Dr. Orrin Devinsky, isang neurologist sa Langone Medical Center sa New York University at principal investigator ng ginawang pag-aaral, natuklasan nilang halos lahat ng SUDC victim ay nasawi habang sila ay natutulog. Habang 30% sa mga ito ay may history ng febrile seizures. Ito ang seizure o kombulsyon dulot ng lagnat. At 8% naman sa mga ito ang nakaranas ng gene mutation na nakaapekto sa kanilang puso at utak. Ito ang naging dahilan ng kanilang pagkasawi. Ngunit ang natitirang bilang ng mga batang nasawi dahil sa kondisyon ay wala silang nakitang medikal na paliwanag.

Magpahanggang ngayon ay wala paring nakikitang paliwanag tungkol sa SUDC at paraan kung paano ito maiisawan. Ngunit patuloy na nagsasagawa ng mga pag-aaral upang ito ay mas maimbestigahan at malaman ang tunay na dahilan. Ang tanging malinaw lang na impormasyon tungkol sa kondisyon, ay ito ay nangyayari sa mga batang 1-18 gulang. Ito ay ang itinuturong dahilan ng pagkamatay ng mga batang malulusog at walang sakit. Wala rin itong ipinapakitang sintomas. Ang isa lang sa palatandaan nito ay ang hindi na paggising ng isang bata mula sa kaniyang pagkakatulog.

Source: SUDC, NCBI, Chicago Tribune

Photo: Pixabay

Basahin: What you need to know about SIDS and daycares