"Hindi mo na ba ako mahal?" — Bakit hindi ito dapat sabihin sa iyong anak

"Hindi mo na ba ako mahal?" — Bakit hindi ito dapat sabihin sa iyong anak

Ang mga binibitawan na masasakit na salita, bukod sa nakakasakit ng bata, ay may matinding impact sa kanila na maaaring tumagal habang buhay.

“Hindi mo na ba ako mahal? Hindi mo ba pwedeng gawin ang maliit na bagay na ito para sa akin?” sabi ng kaibigan ko sa kanyang 4 na taong gulang na anak sa pagpilit nito na ibigay sa kanya ang remote ng TV. Simple lang ito para sa atin, ngunit nakakasakit ng bata ang ganitong pananalita.

Sa 10 minutong lumipas, sumubok siya ng hindi bababa sa 5 iba’t ibang paraan para makuha ang remote. Sa huli, nang hindi nakuha ang remote, sumigaw siya, “Papuntahin mo ako diyan at sisiguraduhin kong wala kang TV ng sampung araw!”

Little girl sitting backwards with brown teddy bear Free Photo

“Kailangan maging malupit sa kanya, kung hindi, hindi siya makikinig. Ito ang siguradong gaganang pagbabanta. Gagawin niya ang lahat para sa TV,” sabi niya habang humaharap sa akin hawak ang remote. Subalit hindi niya napansin na nakatayo parin duon ang kanang anak at nakikinig sa amin.

Kahit ang iyong mga salita ay nakakasakit ng bata

Lagi nating iniisip ang abuso bilang pisikal na pananakit o mga gawain na nagdudulot ng peklat sa katawan ng tao. Ngunit pagdating sa bata, madalas ang salita at masmalakas kumpara sa ginagawa at mas nakakasakit ng bata habang buhay. Maraming iba’t ibang uri ang pang-aabuso.

Ang nakakasakit na sinabi sa 5 taong gulang ay maaaring magkaroon ng matinding impact kumpara sa pagpalo sa puwet dahil nag-misbehave siya sa party. Ito ang 4 na paraan na nakakasakit ng bata emotionally. Maaaring hindi man lang ito alam!

1. Panlalait sa harap ng pamilya, kaibigan at mahal sa buhay

Bilang magulang ay gusto nating pinagmamalaki ang mga kakayanan ng anak sa mga bisita. Ngunit madalas na kapag hindi nila nagawa ay may mga masasakit na nasasabi sa kanila. Madalas ginagawa ito sa harap ng mga bisita sa mga ganitong sitwasyon. Naiiwan ang mga bata na napapahiya at nakakaramdam ng rejection.

Dapat din natin itigil ang pagtrato sa mga bata bilang sanggol kahit pa alam nating naiintindihan at nararamdaman nila ang lahat at pabirong nagko-komento sa sa harap ng iba.

“Tignan mo, kita mo paano niya ginagawa yun? Bakit hindi mo magawang maging tulad niya?” Madalas kapag may nasasabi tayong ganito o kinukumpara ang anak sa iba, hindi lamang nito napaparamdam na sila ay masmababa ngunit pati na sila ay walang bagay na kinagagalingan.

photo: dreamstime

2. Pagbabanta o emotional blackmailing na nakakasakit sa bata

Ilang beses mo na nasabi ang sumusunod sa iyong anak: “Kung hindi ka sumunod, ipapapalo kita kay Daddy” o “Gawin mo homework mo o kundi, sasampalin kita” o “Makinig ka sa akin at ipapanuod kita ng TV nang isang oras.”

Hula ko kung hindi marami, may ilang beses din, tama? Ito ay paglalaro sa emosyon ng bata at pagpapakita sa kanila na kapag may gusto kang gawin na bagay, may dapat silang gawin para mapasaya ang mga magulang.

3. Hindi pagbibigay ng atensyon sa nais nilang sabihin

Madalas marami tayong sinasabi sa ating mga anak. “Huwag maglaro sa putik, maghugas ng kamay bago kumain, huwag lalabas ng classroom nang walang pahintulot ng teacher, huwag magsalita kapag nagsasalita ang teacher”: mayroon tayong ilang milyong sinasabi sa ating mga anak araw-araw.

Ngunit gaano kadalas mo talagang binibigyan ng atensyon ang sinasabi ng iyong anak? Hindi ko kailangang sabihin na nag-oopen up ang bata kapag komportable siya at isang paraan para masiguradong okay ang pakiramdam niya ay pagsalitain siya. Bukod dito, baka simulan na niyang magtago ng mga bagay mula sa iyo.

4. Sinisigawan ang iyong anak

Mother hit her kid, two children crying, little girl and boy cry, feeling sad, young child unhappy, selective focus and soft focus Premium Photo

Ang pagsigaw, pagmumura at maging mga kilos na nagpapakita sa bata na galit ka ay isang paraan ng emosyonal napananakit sa iyong anak. Pagalitan sila nang may pagmamahal, kalmado, at hindi gumagamit ng mga nakakasakit na salita. May paraan para maging mahigpit sa kanila nang hindi nagpaparamdam na hindi sila mahal.

Lahat ito ay hindi kailan man nabibigyang katwiran ang pananakit sa bata bilang masmagandang paraan ng pagdidisiplina. Mabuting malaman na ang pang-aabuso ay may iba’t ibang uri, at ang pagpapalawak ng pang-unawa nito ay makakatulong sa pagpapalaki ng masaya, well-adjusted at disiplinadong mga bata.

 

BASAHIN: Smart and age-appropriate ways to discipline your child at every stage

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Article Stories
app info
get app banner