Ang mga dapat malaman ng kababaihan tungkol sa paggamit ng Daphne Pills

Ang mga dapat malaman ng kababaihan tungkol sa paggamit ng Daphne Pills

Narito kung paano tamang gamitin o inumin ang Daphne pills. Pati na ang mga pagbabago sa katawan na dapat asahang mangyari ng babaeng gumagamit nito.

Daphne pills paano gamitin at ano nga benepisyong makukuha ng mga kababaihan sa paggamit nito.

daphne pills paano gamitin

Image from Freepik

Daphne pills paano gamitin

Ang Daphne pills ay isa sa mga uri ng oral contraception pills na available dito sa Pilipinas. Ito ay nagtataglay ng active ingredient na Lynestrenol na ginagamit bilang lunas sa mga kondisyon na may kinalaman sa menstruation at nakakatulong upang maiwasan ang pagdadalang-tao sa mga babae.

Pero hindi tulad ng mga pills na madalas na ginagamit ng karamihang Pilipina na combined oral contraceptive, ang Daphne ay progestin-only pills at hindi nagtataglay ng hormones na estrogren.

Tinutulungan ng progestin-only pills ang isang babae na hindi mabuntis sa pamamagitan ng pagpapalapot o pagpapakapal sa cervical mucus na pumipigil sa sperm ng lalaki na makagalaw at makipagtagpo sa egg cell n babae.

Ang progestin-only pills tulad ng Daphne, ay inirereseta sa mga babaeng nakakaranas ng estrogen-progestogen intolerance. Pati na sa may mga migraine headaches, history ng blood clots, babaeng naninigarilyo at nagpapasuso.

Hindi naman ito maaring gamitin ng mga babaeng may undiagnosed vaginal bleeding, severe arterial disease, hormone dependent neoplasm, severe liver disease tulad ng hepatic adenoma at mga babaeng may porphyria.

Ito ay nagtataglay ng 28 small white pills na dapat inumin ng isang babae sa parehong oras araw-araw na walang palya.

Daphne pills paano gamitin ng mga first-timers

Para sa mga babaeng gagamit ng Daphne pills sa unang pagkakataon, dapat ay siguraduhin munang ito ay inereseta at inirekumenda ng isang doktor. Ito ay upang makasigurado na ito ay angkop sa kaniyang pangangailangan at walang maging conflict sa kaniyang kalusugan.

Sa mga first-timers, ang Daphne pills paano gamitin steps at mga dapat tandaan ay ang sumusunod:

  • Simulan ang pag-inom ng unang pill sa unang araw ng menstrual bleeding o regla. Ngunit maari rin itong simulan kahit anong araw basta’t sigurado ang isang babae na siya ay hindi buntis.
  • Para sa mga bagong panganak ipinapayo ang pag-inom ng Daphne pills anim na linggo matapos ang panganganak.
  • Sa pag-inom ng susunod na pill ay sundan lang ang arrow o araw na nakasulat sa pakete ng pill.
  • Ang pill ay umeepekto sa katawan ng isang babae 48 hours o dalawang araw matapos simulang inumin ito. Kaya naman sa unang dalawang araw ay gumamit ng back-up contraception method tulad ng condom upang makasigurong hindi mabubuntis.
  • Tandaan na dapat, 24 oras lang ang pagitan ng pag-inom sa bawat pill. Kaya naman dapat itong inumin araw-araw sa parehong oras. Mas maganda kung ito ay iinumin sa gabi matapos kumain ng hapunan o bago matulog.

Dapat gawin kapag nalimutang uminom ng pill sa oras

  • Kung makalimot uminom ng pill sa tamang oras ay inumin agad ito sa loob ng tatlong oras matapos ang scheduled na pag-inom.
  • Kung lagpas na ang 3 oras ay inumin parin ang missed pill. Ngunit gumamit muna ng condom sa susunod na dalawang araw. Kailangan ring siguraduhin na iinumin ang mga susunod na pills sa oras at hindi na ito malilimutan.
  • Ang pagkalimot sa pag-inom ng pills sa oras ay nagpapanipis ng cervical mucus ng isang babae na mas magpapadali sa sperm na makapasok at makatagpo ang egg cell. Ang resulta ito ay maaring mauwi sa pagbubuntis.
  • Kung sakaling nasuka matapos uminom ng pill ay inumin agad ang sumunod na pill. At gumamit ng back-up contraception method tulad ng condom sa susunod na 48 oras.
  • Ipagpatuloy ang pag-inom ng pill sa loob ng 28 araw.
  • Simulan ang pangalawang pakete ng pills isang araw matapos inumin ang huling pills sa naunang pakete. Gawin ito may regla man o wala.
  • Ipagpatuloy ang pag-inom ng pills kahit na hindi nakikipagtalik. Maliban nalang kung nasa 3 buwan o higit ng walang sexual contact. Ito ay para makasiguradong hindi mabubuntis.
daphne pills paano gamitin

Image from Freepik

Ano ang dapat asahan sa oras na itigil ang pag-inom ng Daphne pills?

  • Sa oras na gusto ng itigil ang pag-inom ng pills ay asahang ang regla ay manunumbalik 4-6 araw matapos inumin ang huling pill. Kung lumipas na ang 8 linggo at hindi parin nanunumbalik ang regla ay magpunta na agad sa doktor.
  • Ang pagtigil ng pag-inom ng pill ay maaring magdulot rin ng mas malakas o mahinang regla.
  • Maari ring makaranas ng spotting ng dugo bago maranasan ang unang period matapos tumigil uminom ng pills.
  • Maari ring mabuntis agad.

Side effects at benefits ng pag-inom ng Daphne pills

Ang pag-inom ng Daphne pills ay maari ring magdulot ng side effects sa isang babae. Ang ilan sa mga side effects na ito ay ang sumusunod:

  • Nausea
  • Vomiting
  • Headache
  • Breast discomfort
  • Depression
  • Skin rashes
  • Slight weight change
  • Menstrual irregularities tulad ng amenorrhea, breakthrough bleeding, spotting at menorrhagia

Ang mga side effects na ito ay unti-unting nawawala ilang buwan matapos gumamit ng Daphne pills.

Nugnit maliban sa mga side effects na ito, ang Daphne pills ay may maganda ring epekto sa mga kababaihan. Maliban sa pinipigilan nito ang pagbubuntis ay binabawasan rin nito ang tiyansa ng isang babaeng makaranas ng thromboembolic at cardiovascular disease kumpara sa mga umiinom ng combined oral contraceptives.

 

Source:

MIMS, Medline Plus

 

Photo:

MIMS

Trust pills: Benepisyo, side effects at presyo

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner