STUDY: Ito ang epekto kapag nagsisinungaling ka sa iyong anak

STUDY: Ito ang epekto kapag nagsisinungaling ka sa iyong anak

Mahirap ang pagiging magulang lalo na sa makulit na bata. Maaaring kulitin ng bata ang magulang na huwag lumabas, o na may gusto itong bilhin. Subalit, hindi sa lahat ng bagay ay mapagbibigyan sila at maaaring dala na rin ng mga kasalukuyang pangyayari. Ito ang rason kung bakit maraming magulang ang nauudyok na magsinungaling sa kanilang mga anak. Ngunit, napag-alaman ng bagong pag-aaral ang masamang epekto ng pagsisinungaling sa bata, alamin kung ano ito.

Pag-aaral sa pagsisinungaling sa bata

Sa pagtutulungan ng Nanyang Technological University, University of Toronto, University of California, at Zhejiang Normal University, isinagawa ang bagong pag-aaral. Kanilang sinaliksik kung ano ang mga masamang epekto ng pagsisinungaling sa bata.

Sila ay nag-survey sa 379 na mga young adults mula Singapore. Kanilang tinanong kung naaalala ng mga lumahok na nagsinungaling ang kanilang magulang nang sila ay bata pa. Inalam din ng mga mananaliksik kung gaano ka well-adjusted na mga ito sa kanilang pagtanda.

Epekto ng pagsisinungaling sa bata

STUDY: Ito ang epekto kapag nagsisinungaling ka sa iyong anak

Hindi kagulat-gulat ang nalaman ng mga mananaliksik na ang pagsisinungaling sa bata ay maaaring magdulot ng kawalan ng tiwala sa mga magulang. Ito ang pangunahing epekto ng pagsisinungaling kahit kanino. Ganunpaman, nakaka-apekto ito sa attachment ng mga magulang at mga anak. Ang hindi magandang attachment ay matinding predictor ng kahahantungan na psychopathology.

Napag-alaman ng mga mananaliksik na may matibay na ugnayan ang pagsisinungaling ng mga magulang sa pagsisinungaling ng mga anak. Hindi man tuwirang magkaugnay, may epekto ang pagsisinungaling sa psychosocial maladjustment, pag-internalize ng problema, at psychopatic na mga katangian.

May ugnayan din ang pagsisinungalingsa panlabas na ugali. Nakita ng bagong pag-aaral ang ugnayan ng pagsisinungaling sa pagkagambala, problema sa ugali, at kakulangan ng kakayahang magkontrol ng sarili.

Turo ng mga parenting class

Sa mga parenting class, isa sa mga itinuturo ay hindi dapat magsinungaling sa mga anak. Mahirap kapag ang isang bata ay mawalan ng tiwala sa kanyang mga magulang. Ang mga magulang ng bata ay ang kanyang seguridad at ang constant sa buhay niya. Kung ang tiwala ng anak sa magulang ay masira, maaapektuhan ang kanyang paglaki.

Kapag sinabi ang totoo, gaano niya man ito mahihirapang tanggapin ng bata, may itinuturo ito sa kanya. Ang pagsasabi ng totoo sa bata ay ang pangunahing magpapanatili ng tiwala niya sa iyo. Naitataguyod din ng pagsasabi ng totoo ang kanilang instincts kung paano umiikot ang mundo. Malaki ang posibilidad na alam na nararamdaman na ng bata kung ano ang mangyayari. Kapag ang magulang ay nagsinungaling bilang pampalubag-loob sa bata, naaapektuhan nito ang kanyang kaalaman sa 'cause and effect'.

Sabihin ang totoo pero...

Ano man ang itanong o hingin ng bata, makakabuti na ibigay ang katotohanan. Ganunpaman, dapat tandaan na ituro lamang ang katotohanan na angkop para sa bata. Isang halimbawa ay kung ang bata ay tatanggap ng surgery at siya ay natatakot. Hindi dapat magsinungaling na maaari siyang masaktan sa pagtanggap ng injection ng anesthesia. Hindi niya na kailangang malaman ang mga facts tulad ng 2% na posibilidad na mamatay sa anesthesia.

Kapag nagawa nang magsinungaling

STUDY: Ito ang epekto kapag nagsisinungaling ka sa iyong anak

Hindi pa huli ang lahat kung nagawa nang magsinungaling dati sa bata. Maaari pa itong ayusin sa pamamagitan ng pagsasabi ng totoo. Aminin sa bata na ikaw ay nagsinungaling, humingi ng tawad, at ipaalam sa kanyang hindi na ito mauulit dahil mali ito. Hindi lamang nito naaayos ang pagtitiwala ng bata sa magulang, natuturuan din sila ng tama at mali, at ang pag-amin sa nagawang mali.

Photo: needpix

Source: Psychology Today

Basahin din: Ito ang dahilan kung bakit hindi dapat parusahan ang iyong anak kapag siya ay nagsinungaling

 

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner