Ayon sa pag-aaral ang mga toddlers di-umano na naggugugol ng kanilang oras sa kanilang screen time araw-araw ay maaaring maging badly behaved kids pagdating nila ng limang taong gulang.
Paano i-control ang screen time ng bata?
Ang mga pre-school na bata rin di-umano na gumagamit ng mga smartphones, tablets, o iba pang gadgets na higit pa sa dalawang oras sa isang araw ay seven times more na magde-develop ng ADHD.
Ang screen time ay sadyang may significant impact sa development ng isang bata, kung kaya’t pinapayo ng mga mananaliksik kahit na ang mga pediatrician na bawasan ang screen time ng kanilang mga anak.
Ang screen time ay hinihiwalay o inaalis ang oras sa iba pang aktibidad tulad ng sports o di kaya naman pagtulog.
Kung kaya’t kalahating oras lamang sa isang araw o less ang optimum amout nga di-umano ang screen time dapat ng mga pre-school aged na mga bata.
Mas kaunting sleep time
Ayon sa mga mananaliksik ang screen time ay may malaking epekto sa pag-uugali ng isang bata—tulad na nga lamang sa kung gaano karami ang tulog na kanilang nakukuha or nagagawa.
Marahil dahil ang screen time nga ay inaalis sila sa ibang aspeto pa ng buhay na pwedeng makapagpa-reduce sana ng risk ng kanilang attention problems.
Ang marami nga raw na screen time ay katumbas din di-umano ng less sleep time.
Ang pag-develop ng regular sleep routine, consistent na wake at bed times na may limit na screen time bago matulog ay importante para sa growth, development, at pag-uugali ng isang bata.
Ayon nga sa mga dating pag-aaral tungkol sa pagtulog, ang pinsala sa pagtulog ay nagdudulot ng poorer bran development, mental health issues, at pinsala sa paningin.
Ang kakulangan sa pagtulog ng isang bata ay maaaring sumugpo sa paglaki nito at paglawak sana ng kanyang utak na maaaring mag-lead sa maraming problems pagdating ng araw sa kanyang buhay.
Ibang mga maaaring gawin ng mga bata
Ang paglalaro ng games at videos ay hindi nakakapag-stimulate ng utak tulad na nga lamang ng pagbabasa sana ng libro.
Ayon rin sa pag-aaral ang paglalaro ng sport at pagtulog ng maayos ay maaaring maprotektahan ang brain cells ng bata sa mga pangit na epekto ng excess screen time.
Ang mga bata nga raw di-umano na naggugugol o naglalaan ng oras sa mga sports, ay mas less na mag-exhibit ng behavioral problems.
Ang mga bagay nga na pwede niyong gawin through organized activities ay importante sa mga batang-bata pa upang hindi rin masanay at magdepende sa screen time ang mga ito.
Mas beneficial din sa mga magulang kung dadamihan ang oportunidad ng pago-organisa ng mga makabuluhang aktibidad para sa kanilang mga anak.
Hindi naman kailangan totally na putulin ang screen time ng mga bata, kailangan lamang malaman ng mga anak kung paano gamitin ang kanilang mga electronic devices ng tama.
Ayon sa pag-aaral nga din na between zero and 30 minutes a day ang optimal amount lamang ng screen time.
Hindi lahat ng karamdaman ay dahil lang sa screen time
Marahil ang pag-aaral na ito ay iminumungkahi na ang mga bata na may edad limang taon pababa na naglalaan ng average na dalawang oras o higit pa sa isang araw sa screen time ay magkaroon ng ADHD diagnosis, hindi naman nagkaroon din ng indikasyon na ang screen time ang sanhi nito.
Maaari at hindi maaaring mag-contribute sa development ng behavioral problems ang screen time, pero siyempre dapat maging maingat din ang mga magulang sa posibilidad na ito at siguraduhin na ang kanilang mga anak ay sumali rin sa iba pang aktibidad maliban sa screen time lamang.
Source: DailyMail
Basahin: May ‘screen dependency disorder’ na ba ang anak mo?
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
