Puwede bang makipag-sex habang buntis?

Puwede bang makipag-sex habang buntis?

Narito ang mga dapat malaman at asahan ng isang babae pagdating sa pakikipagtalik habang buntis.

pwede-bang-makipag-sex-habang-buntisPwede bang makipag-sex habang buntis? Isa ito sa mga concerns ng mga nagdadalang-taong babae. Lalo na ang mga first-time moms na wala pang sapat na kaalaman at karanasan sa pagbubuntis. Para sa inyong kaalaman at kaliwanagan, narito ang sagot ng mga eksperto ukol sa tanong na ligtas ba ang sex habang buntis?

Pwede bang makipag-sex habang buntis

Image from Freepik

Pwede bang makipag-sex habang buntis?

Ayon sa isang pahayag mula sa health website na Medical News Today, ang isang babaeng buntis ay maaring makipag-sex hanggang kailan niya gustuhin. Puwera nalang kung ito ay ipinagbabawal ng kaniyang doktor dahil sa nararanasang kondisyon o komplikasyon ng kaniyang pagdadalang-tao. Ilan nga sa mga kondisyon na ito ay ang sumusunod:

  • May problema sa cervix na nagpapataas ng tiyansa ng miscarriage o early labor sa isang pagbubuntis.
  • Buntis sa kambal o higit sa isang sanggol.
  • May placenta previa o ang kondisyon na bahagya o natatakpan ng placenta ang cervix ng isang buntis.
  • May cervical incompetence o ang cervix ay nagbubukas ng premature o masyadong maaga.
  • Nagkaroon ng history ng premature labor sa mga naunang pagbubuntis.
  • Nakakaranas ng substantial blood loss o hindi maipaliwanag na vaginal bleeding.
  • Nakakaranas ng amniotic fluid leak.
  • Pumutok na ang panubigan na nagpapataas ng tiyansa ng impeksyon.

Pero kung hindi nakakaranas ng mga nabanggit at sa kabuuan ay malusog at normal ang pagdadalang-tao ay walang dapat alalahanin ang isang buntis. Dahil sa kung tutuusin ay mayroon pa nga umanong benepisyong naibibigay ang pakikipagtalik sa kaniyang pagdadalang-tao.

Benepisyo ng pakikipagtalik sa pagbubuntis

Ayon kay Aleece Fosnight, isang physician assistant at sex counselor sa urology, women’s health, at sexual medicine, ang mga babaeng buntis na nag-oorgasm ay nakakabenepisyo sa calming hormones at increased cardiovascular blood flow na idinudulot nito. Ang benepisyong ito ay naipapasa niya rin sa kaniyang sanggol na nakakatulong sa kaniyang development.

Paraan rin ito upang manatiling fit and healthy ang isang buntis. Dahil ang pakikipag-sex ay nakakapag-burn ng calories na nakakatulong hindi lang sa buntis kung hindi pati narin sa kaniyang partner. Isa rin itong maging pagkakataon upang makapag-bond ang buntis at kaniyang partner habang ina-anticipate ang pagdating ng kanilang baby.

Ayon naman sa isang 2004 study, pinapalakas rin ng pakikipagtalik ang immune system ng isang buntis. Dahil sa ang sex ay nagpapataas ng level ng lgA, isang antibody na tumutulong sa katawan upang labanan ang sipon at iba pang uri ng impeksyon.

Pwede bang makipag-sex habang buntis

Image from Freepik

Ano ang dapat asahan sa sex habang buntis

Dagdag na paalala naman ng mga eksperto, bagamat ligtas ang sex habang buntis, kailangang ihanda ng isang babae ang kaniyang sarili sa ilang pagbabago na mararamdaman niya habang ginagawa ito.

Tulad nalang ng pakiramdam na “less tight” o hindi masikip ang kaniyang pwerta o vagina. Ito ay dahil umano sa increased lubrication at hormonal changes na kaniyang nararanasan.

Maari ring maging sensitive ang kaniyang genitalia na nagdudulot ng hindi komportableng pakiramdam habang nakikipagtalik. Sa ganitong pagkakataon ay ipinapayo ni Fosnight na magkaroon ng mas mahabang oras sa foreplay o paghahalikan ang mag-partner bago ang actual sex.

Pero may mga pagkakataon namang mas nagiging exciting ang pakikipagtalik sa buntis lalo na sa mga lalaki. Dahil ayon sa kanila mas nararamdaman nilang mas full o masikip ang vagina.

“Men may say they feel more fullness in the vagina, even during the first trimester.”

Ito ang pahayag ni Fosnight. Paliwanag niya ito ay dahil sa increased blood flow na nangyayari sa isang pagbubuntis. Dahilan upang mamaga ang vulva, vagina, clitoris, at pelvis ng babae na maaring magdulot ng pleasure o irritation sa kaniya.

Maliban nga sa genitalia, ay magiging sensitive rin ang suso ng mga babae. Dahil ito sa nararanasang pagbabago ng suso bilang paghahanda sa milk production.

Magiging extra wet rin ang mga babaeng buntis. Ito ay dulot ng increased secretions mula sa kaniyang ari na paraan upang maprotektahan siya mula sa bacterial infection.

Bakit walang dapat ipag-alala ang mga buntis sa pakikipagtalik

Pwede bang makipag-sex habang buntis

Image from Freepik

Wala naman daw dapat ding ipag-alala ang mga buntis na babae sa tuwing makikipagtalik. Dahil hindi tulad ng kanilang iniisip, hindi matatamaan o maapektuhan ang kanilang sanggol sa tuwing isinasagawa ang penetration. Dahil si baby daw ay nakahiwalay at ang uterus ay mas movable kapag nagbubuntis.

“During penetration, the uterus may move a little bit and you feel it. People have freaked out something is happening to the baby.”

“The baby is super protected and has its own filter system that’s really selective about what goes in and comes out.”

Ito ang dagdag pang pahayag ni Fosnight.

Ayon naman kay Stephanie Buehler, isang psychologist at sex therapist, ang pakikipagtalik ay hindi totoong nagdudulot ng miscarriage. Sa katunayan, kapag malapit na ang due date ng isang buntis ay makakatulong nga ito upang mas mapabilis ang kaniyang paglelabor.

“Some couples have sex up until the woman goes into labor. Unless there is a medical reason or one or both partners are uninterested, couples can do as they please.”

Ito ang pahayag ni Buehler.

Dagdag pa niya, ang miscarriage ay nangyayari kapag hindi naging maayos ang development ng isang fetus. At maaring maging dahilan lang nito ang pakikipagtalik, kung ang partner ng buntis ay may STD o sexually transmitted disease. Dahil ang sexually transmitted infection ay maaring magdulot ng potential pelvic inflammatory disease na maaring mauwi sa early labor, miscarriage at iba pang serious health complications.

Kaya naman sa mga ganitong sitwasyon ay mas mabuting gumamit ng condom sa pakikipagtalik upang makasigurado.

Tamang posisyon sa pakikipagtalik habang buntis

Pagdating naman sa posisyon ng pakikipagtalik sa later stages ng pagbubuntis, dapat ay piliin ang mga posisyon na hindi maglalagay ng pressure sa tiyan ng buntis. Tulad ng missionary position na kung saan maaring magdulot ng extra pressure sa internal organs at major arteries ng buntis ang bigat ni baby.

Mas mainam ang mga posisyon na kung saan komportable ang buntis at kung saan makokontrol niya ang depth at speed ng penetration. Gaya nalang ng woman on top, side-by-side spooning, at sitting at the edge of the bed.

Maari rin namang sumubok ng iba pang posisyon ang mag-partner. Basta’t ito ay magiging komportable sa kanilang dalawa lalo na sa babaeng nagbubuntis.

Kaya ang sagot sa tanong na pwede bang makipag-sex habang buntis ay oo!

 

Source:

Medical News Today, Healthline, WebMD

Basahin:

Bawal ba sa buntis ang maligo sa gabi?

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Article Stories
app info
get app banner