Ika-7 week ng pagbubuntis: Ano ang nangyayari ngayong linggo?

Ika-7 week ng pagbubuntis: Ano ang nangyayari ngayong linggo?

Ano ang nangyayari sa pagbubuntis ng ika 7 weeks? Sa puntong ito, kasing laki na ng aratilis si baby! Alamin kung ano ang kailangan gawin ngayong linggo.

Nasa 7 weeks na ng iyong pagbubuntis, ano na ang nangyayari kay baby ngayong linggo at ano ang dapat asahan?

Mababasa sa artikulong ito:

  • Mga nangyayari sa buntis kapag sumapit ang 7 weeks
  • Mga dapat na gawin ng buntis kapag siya’y 7 weeks na
  • Development ng baby sa loob ng sinapupunan

Gaano na kalaki si baby?

Dumoble na ang laki ni baby mula ng huling linggo! Halos kasing laki na siya ng isang aratilis, ito’y isang pulang maliit na prutas na isang tipo ng cherry.

week by week pregnancy guide: week 7

Development ni baby

Sa linggo-linggong gabay sa pagbubuntis na ito, matututunan mo ang mga sumusunod:

  • Kamanghamangha ang paglaki ni baby! Nabubuo ang isang daang bagong brain cells ng iyong baby bawat minuto.
  • Nagiging complex na ang utak at puso ni baby. Nabubuo na rin ang kaniyang mga kidneys.
  • Sa panahong ito, wala pa siyang bone marrow kaya ang atay ni baby ang gumagawa ng red blood cells niya.
  • Nagsisimula na ring sumibol ang kaniyang mga kamay at paa, ngunit hindi pa ito lubusang mukhang mga kamay at paa. Mukha pa itong mga sagwan. Nagkakaroon na rin siya ng mga braso at hita.
  • Tumutubo na rin ang kaniyang ngipin (subalit nasa ilalim pa ito ng kaniyang gilagid) at nagkakaroon na rin siya ng palate.
  • Sa panahong ito rin nagsisimulang mag-develop ang kaniyang mga tenga.
  • Manipis pa ang balat ni baby at kitang-kita ang kaniyang mga ugat.
  • Nagsisimula na ring mag-develop ang bibig at dila ng iyong anak. Kalaunan din magsisimula nang mag-produce ng ihi sa baby sa loob ng iyong sinapupunan.

7 weeks ng pagbubuntis: Mga sintomas

  • Dumoble na ang laki ng iyong matris dahil lumalaki na si baby. Sa kasamaang-palad, ang side effect nito’y ang madalas na pag-ihi. Magpapatuloy ito hanggang sa manganak ka.
  • Maaaring magsimula kang magkaroon ng tigyawat dahil sa dami ng hormones na nananalaytay sa iyong katawan. May ilang mga buntis ang nagkakaroon ng pagbabago sa kulay ng kutis at pagbabago na rin sa kanilang balat—ang iba nama’y nagiging mas oily, ang ilan nama’y nagkakaroon ng dry skin.
  • Puwedeng magkaroon ng mga varicose veins dahil sa pagtaas ng blood flow.
  • Patuloy pa rin na makakaranas ng pagkahilo.
  • Simula na nang paghahanap ng pinaglilihiang pagkain!
  • Nagsisimula na ring dumoble ang laki ng iyong mga dibdib. Kaya naman maaaring hindi mo na maisuot ang iyong mga damit noong hindi ka pa nagbubuntis. Mainam na magsuot ng mas maluluwag na t-shirt.
  • Makakaranas ka rin na makaramdam ng mabilis na pagkapagod o fatigue.
  • Maaari ka ring makaranas ng indigestion o kaya nama’y heartburn. Dulot ito ng mga pagkaing maanghang o kaya naman maasim at mataas ang acid content. Iwasan ang mga pagkaing ito.

BASAHIN:

Ika-6 week ng pagbubuntis

Ika-34 weeks ng pagbubuntis: Mga kailangan mong malaman

7 Best pregnancy pillows na makakatulong sa iyong pagbubuntis at maari mong bilhin online

7 weeks ng pagbubuntis: Mga dapat mong gawin

  • Kung hindi ka pa nagsisimulang uminom ng folic acid, ngayon ang tamang panahon upang gawin mo na ito. Kailangan ng katawan ng 400 grams nito para suportahan ang pag-develop ni baby sa loob ng iyong sinapupunan.
  • Kung dati nang nag-eehersisyo, konsultahin ang muna ang iyong doktor kung safe ba ito para sa iyo. Kapag maselan ang pagbubuntis, maaaring patigilin muna ang exercise. Subalit kung normal ang lahat, siguraduhing safe para sa buntis ang mga activity na gagawin.
  • Kung ika’y nakakaranas ng abdominal cramps o pananakit ng puson hindi naman agad dapat ikabahala ito. Normal lamang ito sa 1st trimester ng pagbubuntis. Subalit kung ang pananakit ng puson ay may kasama nang contractions, pagkahilo, o discharge agad na magpatingin sa iyong doktor.
  • Mas mainam na mag-indulge sa mga pagkaing healthy sa panahong ito. Upang maging healthy rin si baby kapag siya’y isinilang mo na.

7 weeks ng pagbubuntis: Checklist

  • Sapagkat sa dagdag na hormones sa katawan, mapapansin na tila bloated ang pakiramdam. Maaaring magsimula nang magsuot ng maluluwag na damit para maging mas kumportable.
  • Magsisimula na makita ang maliit na baby bump kaya puwede nang planuhin ang pagkuha ng litrato para i-track ang paglaki ng tiyan!

 

Isinalin mula sa wikang Ingles ni Candice Venturanza

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Jasmine Yeo

Article Stories
app info
get app banner