Dapat bang mabahala kung hindi pa nagsasalita si baby?

Dapat bang mabahala kung hindi pa nagsasalita si baby?

Malaki na si baby pero bakit hindi pa siya nagsasalita? Kinakabahan na ako dahil puro baby talk pa rin siya sa edad na 9 months!

Malaki na si baby pero bakit hindi pa siya nagsasalita? Dapat ko bang ikabahala ito?

Sa motherhood stage, isa sa inaabangan ng isang nanay ang pagsasalita ng kanilang anak. Lalo na sa mga first time moms, ang unang salita na kanilang maririnig ay hindi mapapantayan ng kahit sinuman. Talagang tatalbog ang puso mo kapag bigla na lang nagsalita si baby ng ‘mama’ o ‘papa’. Hihirit pa si daddy na, “Isa pa nga ulit!”

Ang paglaki at development ng mga bata ay iba-iba. Mayroong mga bata na nauunang maglakad o magsalita habang ang iba naman ay nahuhuli. Ito ang kadalasang concern ng ating moms−kung bakit hindi pa nagsasalita si baby kahit malaki na sila.

bakit-hindi-pa-nagsasalita-si-baby

Bakit hindi pa nagsasalita si baby? Timeline ng speech development nila | Image from Unsplash

Bakit hindi pa nagsasalita si baby? Timeline ng speech development nila

Narito ang timeline ng speech development ng baby!

Unang lumalabas na salita ni baby ay mga tunog o maliit na hindi maintindihang salita. Dito unang nag uumpisa na masanay ang kanilang dila o bibig sa pagsasalita.

Official na nagsasalita ang ang mga baby sa hindi malamang salita. Bilang magulang din, bahagi ng iyong pagpapalaki ng tukuyin ang nais na sabihin ng iyong anak sa pamamagitan ng kanilang pag-iyak, pagtawa o iba pang emosyon.

3 months old baby talk

Pagsapit ng tatlong buwan ni baby, dito na siya nakikinig sa mga tunog sa paligid katulad ng boses mo, mga tunog ng hayop o busina ng sasakyan. Mahalaga rin ang pagkausap sa iyong baby kahit na hindi ka niya naiintindihan. Magsisimula niyang titigan ang iyong mukha habang nakikinig sa mga sinasabi mo.

Tandaan, ang kanilang speech development ay nagtututunan sa pakikinig. Pagkatapos ng tatlong buwan, asahan mo na ang pagkakaroon ng respond nila sa mga tunog na maririnig nila.

bakit-hindi-pa-nagsasalita-si-baby

Bakit hindi pa nagsasalita si baby? Timeline ng speech development nila | Image from Freepik

6 months old baby talk

Sa stage naman na ito, makikita mo na ang malaking development sa unang pagsasalita ni baby. Dito na siya nagsasalita ng kung ano-anong mga hindi maintindihan na salita. Kumbaga, tila nilalaro niya ang kaniyang dila. Isa pang nakaka-excite na makita ay ang pagkilala nila sa kanilang sariling pangalan. Pagsapit ng 7 months, maaaring magbigay sila ng respond kapag tinawag mo siya sa kaniyang pangalan.

9 months old baby talk

Pagsapit ng 9 months ni baby, naiintindihan na niya ang ibang salita katulad ng “Hindi/No” o kaya naman “Ba-bye”. Kausapin lang ng kausapin si baby para mabilis nitong matutunan ang mga salita.

12-18 months old

Ito na nga ang pinaka inaabangan ng ating mga moms and dads. Sa edad na ito, maaaring marunong na siyang magsalita ng “mama” o “papa”. Nakakaintindi na rin sila ng basic request katulad na lamang kapag pinapunta mo sila sa iyo.

18 months old baby talk

Dito mo na makikita ang malaking development ng anak mo sa pagsasalita. Nasasabi na niya ng ilang basic one word. Alam na rin nila na ituro ang isang bagay, tao o kaya naman bahagi ng katawan.

bakit-hindi-pa-nagsasalita-si-baby

Bakit hindi pa nagsasalita si baby? Timeline ng speech development nila | Image from Freepik

2 years old baby talk

Pagsapit ng dalawang taon ni baby, dito na sila nakagawa ng isang sentence na may dalawa hanggang tatlong salita. Kulang man ito ngunit maiintindihan mo na ang kanilang gustong sabihin. Halimbawa nito ay “Mama, tubig.” o “Papa, laro.”

3 years old baby talk

Sa stage na ito, makikita mo na ang development ni baby sa pagsasalita. Nakakaisip na agad sila ng salita o naiintindihan ang mga salitang sinasabi mo. Mula dalawang salita, ito ay magiging tatlo hanggang sa dumami ng dumami. Isa pang bagay ang nakaka-excite ay kaya na nilang magsalita at magkwento! Umaabot ito ng mahabang mga pangungusap hanggang 300 words.

 

Isa sa pinaka the best na practice para mabilis makapagsalita sia baby ay kausapin lang ito lagi. Hindi mo napapansin ngunit ang simpleng pagtingin nila sa ‘yo habang nagsasalita ay natututo na pala sila sa pamamagitan nito.

 

 

BASAHIN:

5 early signs ng autism sa bata na kailangan mong bantayan

Hindi nakakatulong ang baby talk sa development ng bata

Ang mga salitang hindi mo dapat sinasabi sa iyong anak

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Sinulat ni

Mach Marciano

Article Stories
app info
get app banner