Sintomas, gamot at sanhi ng food allergy sa bata

Sintomas, gamot at sanhi ng food allergy sa bata

Iba-iba ang posibleng maging sintomas ng food allergy sa bata. Kaya't mahalagang alamin ng mga magulang kung anu-ano ito, at kung paano ito maiiwasan.

Bilang magulang, mahalagang bantayan ang kalusugan ng mga anak. Maaaring maka-develop ang anak ng food allergies na hindi mo alam. Importanteng matutunan ang mga karaniwang food allergy sa bata dahil ang allergy ay maaaring maging mapanganib. Kasabay nito, dapat ay alam din kung ano dapat ang kaakibat na gamot sa food allergy.

Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan, at napapanahon, ngunit, hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Kung mayroong agam-agam, ay nirerekomenda naming magpakonsulta sa doktor upang makakuha ng mas malinaw na impormasyon.

Ano ang food allergy?

Kapag ang katawan ay may abnormal na reaksyon sa ilang uri ng pagkain, ang kondisyon ay tinatawg na food allergy. Ngunit, ang food allergy ay iba sa food intolerance. Sa food intolerance ay maaari ring makita ang ilang sintomas ng food allergy, subalit wala itong epekto sa immune system.

Karaniwang food allergy sa mga bata: Mga sintomas at sanhi

common allergies in kids

Image source: iStock

Bawat bata ay maaaring makaranas at magpakita ng iba’t ibang sintomas ng food allergy. Maaaring magsimula ang sintomas ilang minuto o oras matapos kainin ang pagkain. Ang ilan sa mga sintomas na ito ay:

  • Pagsusuka
  • Pagtatae
  • Pulikat
  • Pamamantal
  • Pamamaga
  • Eczema
  • Pangangati o pamamaga ng mga labi
  • Pangangati o paninikip ng lalamunan
  • Hirap sa paghinga
  • Wheezing
  • Mababang blood pressure

Ang food allergy ay nangyayari kapag ang sensitibong bata ay na-expose sa partikular na pagkain kahit isang beses bago ang allergy episode. Maaari rin ma-expose ang mga bata dito sa pamamagitan ng breast milk. Ang nga sintomas ay lumalabas sa ikalawang beses matapos kainin o inumin ang partikular na pagkain. Ang Immunoglobulin E (IgE) antibodies ay nagre-react sa pagkain para mag-release ng histamines na nagdudulot ng problema sa paghinga, diarrhea, pangangati sa bibig, pagpapantal, asthma, at pananakit ng tiyan.

Kadalasan ay naaapektuhan nito ang mga batang wala pang limang taong gulang. Ayon sa pananaliksik na isinagawa ng National Institute of Allergy and Infectious Disease, napatunayan na walang kinalaman ang dami ng nakain na pagkain. Kahit pa 1/44,000 na mani ay maaaring magdulot ng allerguc reaction sa mga sensitibong tao. Maraming bata ang kusang nalalampasan ang kanilang food allergy, ngunit ang allergy sa ilang pagkain tulad ng isda, mani, shellfish at tree nuts ay maaaring pang-habangbuhay na.

Dagdag pa dito, ang ilang sintomas ng food allergy ay maaaring mapagkamalang ibang problemang medikal. Makakabuting magpakonsulta sa pediatrician para sa accurate na pagsusuri.

Karaniwang food allergy sa mga bata: Mga gamot

common allergies in kids

Image source: iStock

Hindi posible ang pag-iwas sa food allergies. Payo ng mga pediatrician, dapat iwasan ang mga pagkain na nagdudulot ng mga sintomas. Kahit iba pang pagkain na kapareho ng kategorya ay dapat ding iwasan. Dapat din maging maingat kapag nagpapa-breastfeed na hindi kumain ng pagkain na allergic ang bata. Kung hindi man, kahit ang kaunting bulang ng allergen ay maaaring mapasa sa bata sa pamamagitan ng breast milk at magdulot ng reaksyon. I-discuss ito sa pediatrician kung makakabuting bigyan ng vitamin at mineral supplements ang bata kapag may pagkain siyang hindi makain.

Kung may matinding allergic reacktion ang bata, maaaring magreseta ang duktor ng gamot na may kemikal na epinephrine. Huwag mag-atubiling magpakonsulta sa duktor para sa mga katanungan o impormasyon na kakailanganin. Minsan, matapos ang pagitan na 6 na buwan, may ilang mga bata ang maaaring bigyan ng ilang pagkain para masuri kung bukas pa sila sa allergy. Karamihan ay kinalalakihan na ang kanilang allergy pagdating ng 3 o 4 na taong gulang.

Ilang pagkain na nagdudulot ng karaniwang food allergy sa mga bata

common allergies in kids

Image source: iStock

Iba’t ibang uri ng mga pagkain ang maaaring magdulot ng food allergy sa mga bata. Ilan sa mga pagkain na karaniwang nagdudulot ng food allergy sa mga bata ay:

  1. Gatas – Tinatayang 2 hanggang 3% ng mga sanggol ay bukas sa milk allergy, pinangungunahan ng gatas ng baka na pangunahing sangkap sa mga baby food products. Kung tingin ay lubos na maselan ang anak, magpakonsulta agad sa duktor – maaaring allergic ang baby sa protein sa gatas ng baka. Karaniwan sa mga nagpapakita ng allergic reaction sa gatas ng baka ay allergic din sa gatas ng kambing, tupa, at soy milk. Tanungin ang inyong duktor sa kung ano ang mga maaaring alternatibo. Masmabuting tandaan na iba ang allergy sa gatas mula sa lactose intolerant. Ang lactose ay ang sugar na makukuha sa gatas at walang ugnayan sa milk allergies.
  2. Itlog – Kapag may allergy sa itlog ay ang immune system ng bata ay may reaksyon sa protein na matatagpuan sa puti ng itlog. Nababasa ng katawan ang protein na ito bilang invader kaya naglalabas ng histamine bilang panlaban, na nagdudulot ng allergic reaction. Kabilang sa mga sintomas ang namamaga o nagluluhang mga mata, pag-ubo, wheezing, at pagbaba ng blood pressure. Isa pang reaksyon na nade-develop ay ang anaphylaxis kung saan nagsisimula sa mga nabanggit na sintomas at lalala at maaaring magdulot ng kamatayan. Nakikita ang allergy na ito sa mga mura ang edad na inaasahang kalakihan ito pagdating ng limang taong gulang. Subalit, may ilang bata na nananatiling allergic sa itlog buong buhay nila. Inirerekumenda na simulan muna na pakainin ng egg yolk ang bata, tsaka bigyan ng puti ng itlog matapos ang isang taon. Pumunta agad sa duktor kapag magpakita ng allergic reaction ang bata matapos kumain ng puti ng itlog.
  3. Mani – Ang allergy sa mani ay maaaring magdulog ng matinding anaphylaxis sa mga bata matapos magsimula sa pangangati at pagpapantal. Ang pinaka-karaniwang uri ng mani na allergic ang mga bata ay peanuts. Kinikilala ang pag-iwas sa pagkain ng mga may mani bilang pinakamabisang paraan para maiwasan ito. Basahin ang mga sangkap na naka-lista sa food packaging.

Ang ilan pang pagkain na maaaring allergic ang mga bata ay seafood, shellfish, wheat at soy. Pagdating sa shellfish, maaaring magkasakit mula sa paghawak lamang ng shellfish o paghinga ng vapours na dulot ng pagluluto ng shellfish. Kung naghihinala na ang iyong anak ay nagpapakita ng reaksyon sa anumang uri ng allergy, pumunta agad sa duktor.

Ang mga bata ay bukas sa mga impeksiyon at allergy; kaya, dapat unahin ang pag-aalaga sa kanilang kalusugan. Malayo ang mararating ng kaalaman sa food allergies sa pag-iwas sa hindi magandang problema sa kalusugan at kawalan ng ginhawa sa iyong anak.

References: Hopkins Medicine

Basahin: STUDY: Mga pagkaing nakaka-allergy dapat ibigay agad sa mga babies

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

Article Stories
app info
get app banner