Mahalaga sa mga magulang ang kalusugan ng kanilang mga anak, kaya naman lahat ng masustansiyang pagkain ang nais nating ipakain ang ibigay sa kanila. Paano kung walang ganang kumain ang iyong anak? Ano ang magandang vitamins pampataba para sa iyong anak? Alamin natin!
title="Mga karaniwang sanhi ng pagkawala ng ganang kumain ng bata
">Mga karaniwang sanhi ng pagkawala ng ganang kumain ng bata
title="Bakit kailangan pag-inom ng vitamins pampabata ng iyong anak?
">Bakit kailangan pag-inom ng vitamins pampabata ng iyong anak?
Ano nga ba ang karaniwang binibigay para sa batang walang ganang kumain?
Mga kailangang vitamins ng bata pambata o pampaganang kumain
Kapag malnutrition ang problema
Para maiwasan ang bulate sa tiyan siguraduhing:
Pag-iwas malnutrisyon
Tips ng para hindi mawalan ng ganang kumain ang bata
Ways sa epektibong pagpili ng bitamina para sa mga bata
Vitamins pampataba
Maraming mga maaaring dahilan kung bakit walang gana si baby. Ayon kay Dianne Gakit-Cortes, RN, isang school nurse, maaaring nasa edad o stage ito ng development ng bata kung saan talagang namimili pa ng kakainin o ‘di kaya’y may karamdaman ito.
Dito na kinakailangang bigyan ng vitamins na pampagana kumain (appetite stimulant) o vitamins pampataba ang isang bata. Kapag kasi hindi siya kumakain o hindi sapat ang kinakain niya, nakakapag-alala na hindi nakukuha ng bata ang sustansiyang kailangan ng kaniyang katawan.
Tandaan na hindi naman kailangang “tumaba” ng bata; ang kailangan niya ay ang pagiging ganadong kumain ng sapat na masustansiyang pagkain para makatulong sa patuloy niyang paglaki.
Vitamins pampataba ng bata | Image from Unsplash
Mga karaniwang sanhi ng pagkawala ng ganang kumain ng bata
Napakaraming posibleng dahilan ng pagkawala ng gana ng isang tao. Para sa mga sanggol at toddlers, posibleng:
- Food allergy na hindi pa alam ng magulang.
- Pinipilit itong kumain.
- Labis na pagpapainom ng gatas o juice bago kumain ng tanghalian o hapunan.
- Pag-ayaw niya sa mga pinapakain mo.
- Kung nagkaroon ng pagpapakain noong mas bata pa.
- Hindi naipakilala ng tama ang pagkain sa bata.
- Iba-iba ang oras ng pagpapakain.
- May zinc deficiency.
- Kumakain mag-isa at walang kasabay o kasamang pamilya.
- Nahuli sa pagpapakain ng solids. (imbis na 6 na buwan ay 9 na buwan pataas)
- Stress ang bata. (Sapagkat laging may gulo o away sa harap ng hapag-kainan)
Bakit kailangan pag-inom ng vitamins pampabata ng iyong anak?
Nagbibigay o pinapainom ang isang bata ng pampataba o vitamins na pampagana kumain sapagkat kulang ang kaniyang sustansiyang natatanggap. Kadalasan, sanhi ito ng pagiging pihikan niya sa pagkain.
Kaya naman may mga ilang pediatrician na nirerekumenda ang pagpapainom ng vitamins pampataba. Upang matulungan ang isang bata na mapunan ang nutrients at minerals na kinakailangan niya sa kaniyang paglaki o development.
Kadalasang ibinibigay o inirereseta ng mga pediatrician ay mga vitamins na may vitamin D at iron. Kapag kasi nagkaroon ng mineral deficiency ang isang bata ay nakaapekto ito sa kawalan ng ganang kumain.
Natural lang ang pagiging picky eater ng bata, lalo ang mga toddlers, paliwanag ni Nurse Dianne. Paiba-iba ang gana pati rin ang mood nila pagdating sa pagkain.
Kaya dapat ay maging maingat sa pagsusuri sa eating habits ng mga bata. Mula edad 1 hanggang 4, nagsisimula pa lang silang magkaroon ng sariling “gusto” o “ayaw” na pagkain, at napakaraming bagay na puwedeng makaimpluwensiya sa appetite nila.
May mga magulang din na kahit walang problema sa pagkain at appetite ang anak, ay binibigyan pa rin ng regular na vitamin supplements.
Kuwento ni mommy Daisy Pingol isang preschool Special Education Teacher, kahit maganang kumain ang baby niyang si Jacob, na magdadalawang taon na sa December, pinapainom pa rin niya ng Ceelin at Nutrilin, na mga esensyal na gamot pampagana sa pagkain ng mga bata, ayon sa payo ng pediatrician niya.
Ano nga ba ang karaniwang binibigay para sa batang walang ganang kumain?
1. Appetite Stimulants (vitamins na pampagana kumain)
Maraming mga nutritionists at dietician ang nagsasabing walang sapat na ebidensiya na nagpapatunay na epektibo nga ang appetite stimulants. Iba rin kasi ang epekto nito sa bawat bata, paliwanag ni nurse Dianne.
Kailangan munang malaman at matugunan ang dahilan o sanhi ng pagkawala ng gana ng bata, bago painumin ng anumang supplements. Nakalista sa itaas ang ilang posibleng dahilan kung bakit nawawalan ng gana ang bata at hindi kumakain ng tulad ng dati.
Tulad ng madalas na pagmemeryenda bago kumain ng hapunan, kaya wala nang ganang kumain sa tamang oras, o kaya ay pinipilit kumain kaya lalong umaayaw (tandaan ang ugali ng mga toddler, na kapag pinilit ay lalong sisigaw ng “no”).
Tandaan: ang edad 2 hanggang 4 taong gulang ang edad kung kailan ang mga bata ay nangangailangan ng karanasan sa pagtikim ng iba’t ibang pagkain, dahil ito ang panahon na nabubuo ang flavor preferences nila na pangmahabang-panahon.
BASAHIN:
Vitamins na nakakataba: Mga rekomendasyon ng eksperto
Pagkain sa gabi nakakataba lalo na pagkatapos manganak, ayon sa pag-aaral
Ito ang epekto kapag nilalagyan mo ng asukal ang pagkain ni baby
Vitamins pampataba ng bata | Image from Freepik
2. Multivitamins
Ayon kay Dr. Alan Greene, MD, isang global health advocate at family physician, nagrereseta ng multivitamin ang isang doktor kapag siya ay hindi kumakain ng sapat at nasa takdang oras (almusal, tanghalian, hapunan) at kapag labis ang pagkamapili niya sa pagkain.
Gayundin kung limitado ang pagkain nito dahil may food allergies siya, o sakit na nakakapaglimita sa pagkain niya—kaya kailangan ng multivitamins at multi-mineral supplements para mapunuan ang sustansiya na hindi niya nakukuha sa pagkain.
Ayon kay mommy Daisy, Ceelin ang ibinigay ng pedia ni Jacob. Ito ay may Ascorbic acid para maiwasan o matugunan ang vitamin C deficiency ng isang bata. Pinatitibay ng bitaminang ito ang resistensiya ng katawan laban sa mga sakit at impeksiyon.
Hindi naman kailangan ng napakaraming vitamins at minerals ng isang bata. Para kay nurse Dianne, sapat na ang Pharmaton na bigay ng pedia para sa anak niya. Ito ay sagana sa vitamin D para sa normal development ng buto, at Vitamin B5 para sa maayos na mental performance.
Mga kailangang vitamins ng bata pambata o pampaganang kumain
- Vitamin B-12 0 cobalamin: Kadalasang matatagpuan ang Vitamin B-12 sa mga itlog, diary products, karne ng baka at karne ng baboy.
- Zinc: Matatagpuan ang zinc sa mga pagkaing black-eyed peas, swiss cheese, poultry, lima beans, green beans, red meat, at whole grains.
- Vitamin D: Hirap makaabsorb ng sustansiya ang katawan kapag kulang sa vitamin D. Katulad ng zinc, calcium, magnesium, iron, phosphorus at vitamin A. Nakukuha ang vitamin D sa sikat ng araw. Magandang magpa-araw bago mag-alas 8:00 ng umaga. Matatagpuan din ito sa isa, itlog at orange juice.
Kapag malnutrition ang problema
Hindi na lingid sa kaalaman ng mga magulang ang pagkakaron ng bulate. Kaya nga may mga deworming treatment para sa mga bata. Karaniwan kasi noon ang pagkakaroon ng intestinal worms o bulate.
Ito ang sinasabing sanhi ng pagkawalang ganang kumain ng bata, o ‘di kaya ay kumakain pero hindi pa rin dumadagdag ang timbang—payatin pa rin. May mga nirereseta ang doktor na deworming syrup para sa suspetsang bulate sa tiyan.
Kapag malnourished o sobrang payat ang bata, madalas sumasakit ang tiyan, nagsusuka, nagtatae, at nangangati ang puwit, maaaring may parasitic infestation o bulate sa tiyan ang bata.
Doktor lang ang makakapag-kumpirma nito at siya lang din ang maaaring magreseta ng gamot para dito.
Vitamins pampataba ng bata | Image from Unsplash
Para maiwasan ang bulate sa tiyan siguraduhing:
- Paliguan ang bata at siguraduhing malinis ang pangangatawan. Ugaliin ang paghuhugas ng kamay bago at pagkatapos kumain, bago at pagkatapos gumamit ng banyo.
- Siguraduhing nahuhugasan at nililinis din ang mga laruan at gamit na maaaring isubo ng bata.
- Palaging suotan ng sapatos o tsinelas ang bata kung nasa labas ng bahay, lalo kung may putik u lupa.
- Siguraduhing lutung luto (at hindi hilaw pa) ang karneng kinakain ng bata. Dapat nahugasan ang mga prutas at gulay bago ipakain.
Pag-iwas malnutrisyon
Maraming mga senyales at indikasyon ang makikita ng isang magulang kung ang kanilang anak ay isang malnourished na bata. Kakulangan at labis na katabaan sa micronutrients ang malnutrisyon. Malaki ang magiging epekto nito sa kalagayang pangkalusugan ng bata.
Humahantong sa panghihina at labis na pagkapagod ng pakiramdam kung ang isang bata ay malnourished. Kabilang na nga dito ang may malaking epekto at magsasanhi ng iba’t ibang health conditions sa bata, ang discomfort at pagkawala ng gana sa mga pagkain.
Matutugunan ang mga ito kung alam ang mga pinaka-epektibong gamot, supplement at bitamina upang maiwasan ang malnutrisyon.
Anumang paraan ng pagsasawalang-bahala dito ay magdudulot ng problema sa growth at development ng iyong anak. Ang pagpagingi ng medical help sa mga propesyonal ang makatutulong upang maagapan at hindi lumala ang mga ganitong kaso.
Kung hindi pa man magawang magpakonsulta sa mga dockor, maiiwasan ito sa pamamagitan ng pagbibigay ng masustansya at balanseng pagkain, at maging ang pagiging active ng bata sa mga moderate physical activity.
Tips ng para hindi mawalan ng ganang kumain ang bata
Ayon na rin sa Department of Health, ang pagkawala ng gana at pagiging mapili sa pagkain ay tipikal sa mga toddlers. Huwag magsawang magbigay ng mga masustansiyang pagkain.
- Huwag sanayin sa pagkain ng matatamis at artpisyal na pagkain ang bata.
- Gawing masaya at positibo ang mealtime para mahikayat siyang kumain.
- Alisin ang mga distraction tulad ng TV, gadgets, at laruan kapag kakain na.
- Huwag din hayaang magtagal ang bata sa harap ng pagkain.
- Limitahan ang pagpapa-inom ng gatas o juice kapag malapit na ang mealtime.
- Iwasan ang pagpapakain na labis na meryenda.
- Turuan at samahan siyang mag-ehersiyo, sa paraang din ito mas bibilis siyang magutom.
Mahalagang maipaalam at kumunsulta sa pediatrician ng bata kapag napansin ang kawalan ng ganang kumain at nanghihina, at bumababa ang timbang.
Maaari kasing sintomas ito ng mas malalang sakit, o ‘di kaya ay maging sanhi ng mas malalang kondisyon. Ang doktor ang tanging makakapagbigay ng tamang paggamot at tamang medikasyon para dito.
Ways sa epektibong pagpili ng bitamina para sa mga bata
Mahirap lamang ang basta-bastang pagbibigay ng bitamina o gamot sa mga bata na hindi iniisip o tinitignan kung ito ba ay swak o kayang tanggapin ng katawan ng bata.
Kinakailangang malaman muna ang sistema ng katawan ng bata, bago pumili ng nararapat na gamot. Gamot na mas makapagpapalusog sa kalagayan ng katawan nito.
Tunay na malaki ang kahalagahan ng bitamina sa ating katawan, mula pagkabata, natutugunan ng mga bitaminang ito ang mga mikrobyo o sakit upang magkaroon ng maayos at malusog na pangangatawan.
Bukod sa pagpili ng masusustansiyang pagkain, mayroon din dapat na mga gamot na umaalalay sa dagdag na protection sa immune system habang ito’y bata pa.
Kaya’t ating alamin ang mga pamamaraan sa epektibong pagpili ng gamot at bitamina para sa mga bata.
- Piliin ang mga vitamin supplements na pinakakailangan ng pangangatawan ng bata para sa malusog na paglaki, tulad ng Vitamins A, B, C, at D. Nariyan din ang iron, zinc at calcium na mga supplements na mura na, mabisa pa.
- Ipagbigay alam at sumangguni sa mga doktor sa mga bitaminang maaaring inumin ng bata. Hindi lamang dapat tayo nagpapa-intake ng mga bitamina na walang preskripsyon mula sa doctor.
- Bilang mura at bata pa ang katawan, ang pagbibigay ng mataas na dosage ng gamot ay hindi inirerekomenda. I-ayon ang pagpili ng gamot sa murang katawan ng isang bata.
- Iwasan ang pagbili ng mga gamot na lumalabas sa mga telebisyon. Alamin pa rin kung saan hiyang na gamot ang pinakakailangan ng katawan ng bata.
Laging tatandaan na hindi kinakailangang gumastos ng malaki para lamang sa vitamins ng bata. Kinakailangan lamang ng pagpapakonsulta upang malaman ang akmang gamot para sa katawan at ang pagiging segurista sa mga bitamina na inirerekomenda ng mga propesyunal.
Ang mga ganitong pamamaraan ang makapagpreprevent sa malakihang gastos para sa pagbibigay ng maayos na kalusugan sa bata, gayundin ang pinakatiyak na oaraan para sa pag-iwas ng anumang kondisyong pangkalusugan. Isa rin ito sa pagtugon sa anumang kahaharaping o kasasangkutang problemang medikal ng isang bata.
Karagdagang ulat mula kay Jasmin Polmo
Dito sa theAsianparent Philippines ay mahalaga sa amin ang makapagbigay ng impormasyon na wasto, makabuluhan, at napapanahon, ngunit, hindi ito dapat gawing pamalit sa payo ng doktor, o kaya sa medical treatment. Walang pinanghahawakang responsibilidad ang theAsianparent Philippines sa mga nagnanais na uminom ng gamot base sa impormasyon sa aming website. Nirerekomenda naming magpakonsulta sa doktor upang makakuha ng mas malinaw na impormasyon.
May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!
