Premature na baby, inalog para raw "magpakalalaki" ito

Premature na baby, inalog para raw "magpakalalaki" ito

Bukod sa pagkakaroon ng shaken baby syndrome ay nakakaranas rin ng matinding takot, at developmental delays ang sanggol dahil sa nangyari.

Isang sanggol mula sa Australia ang nagkaroon ng matinding pinsala dulot ng shaken baby syndrome matapos siyang alugin ng isang lalaki. Ayon sa suspek, nais raw niyang gawing "warrior" ang sanggol, upang "magpakalalaki" ito, kaya raw niya nagawa ang krimen.

Sanggol, nagkaroon ng shaken baby syndrome

Kuwento ng suspek na si James Tipene, aminado raw siya sa kaniyang nagawa. Nangyari ang insidente noong umiiyak ang sanggol na 5-linggo pa lamang. Nilapitan raw niya ito at inalog, ang sanggol hanggang sa mawalan ito ng malay.

Aniya, hindi raw niya mapigilan ang kaniyang sarili, at ginawa na lang basta ang krimen.

Matapos nito ay tumawag siya sa ospital, at sinabing natagpuan na lang niyang nakaratay ang sanggol sa kama. Matapos ang tatlong buwan ay umamin ang suspek sa nagawang krimen habang kinakausap ng mga pulis.

Dahil sa nangyari, hindi pa rin nakakalakad ang sanggol, at naging magugulatin. Bukod dito, matatakutin rin daw sa tao ang sanggol na posibleng nagkaroon ng trauma dahil sa nangyari.

Kinasuhan na ang suspek at kasalukuyang mayroong nakabinbin na kaso sa korte.

Ano ang shaken baby syndrome?

Ang shaken baby syndrome ay ang nangyayari kapag naaalog ang baby ng marahas. Nagiging sanhi ito ng brain injury na pumapatay sa brain cells ng baby at hinahadlangan ang pagdaloy ng sapat na oxygen sa utak ng bata. Maaaring mag-resulta ito sa brain damage o kamatayan.

Narito ang ilang mga symptoms na dapat bantayan:

  • iritable o hindi mapatahan
  • antukin
  • hindi makahinga ng maayos
  • mahina dumede o kumain
  • nagsusuka
  • namumutla o medyo blue ang kulay
  • seizures
  • paralysis
  • coma

Hindi parating madaling makita ang mga sintomas ng kondisyon na ito, mas lalo na’t hindi ito makikita sa katawan ng baby. Minsan, mayroong pasa ang muha.

Ang mga nasabing sintomas ay maaaring magbigay ng clue sa pinsalang natamo ng baby. Maaari itong magkaroon ng pagdurugo sa utak. pagdurugo sa mata, pinsala sa spinal cord, at fracture sa ribs, bungo, legs o ibang buto.

Karamihan sa mga bata na may ganitong kondisyon ay nakaranas na dati ng child abuse.

Mayroong mga kaso ng shaken baby syndrome ngunit mild lang ito. Ibig sabihin, maaaring mukhang normal ang bata matapos itong maalog ng marahas ngunit kapag lumaon ay magde-develop ito ng health o behavioral problems.

Source: SBS

Basahin: Shaken Baby Syndrome: Kung bakit hindi dapat inaalog nang marahas ang baby

May katanungan tungkol sa pagpapalaki ng anak? Basahin ang mga artikulo o magtanong sa kapwa magulang sa aming app. I-download ang theAsianparent Community sa iOS o Android!

app info
get app banner